Iʼngwí Bibria riwiʉkwari awkin nanuʼ nʉnáy aʼzʉna ni. Ema nʉngwa nʉkaʼmʉkanákʉchʉ auʼ no meʼzʉn awiza ni. Iari riwiʉkwari awʉtari aʼzʉna nanʉnno. Buniʼgʉmʉ mikʉnikʉngeʼki nʉriwí kinki zweingwásiri inʉ mikaʼmʉkana uniko.

1. Bibria riwiʉkwari iari awʉtari aʼzʉna nanʉnno.

«Niwipáw zʉgaʼkʉnámʉri chʉká aʼzariri ɉumamʉ kʉnʉna neyka ni» (Hebreos 4:12). Bibriari Niwipáw arúnhʉya kʉnariri niwiguzʉna chwizʉnhásʉya ni. Migʉnkwamʉ mikʉnanʉkwasi nʉʼkin nanuʼ nari kwey zweykwaʼba du inkitosiri tʉkin pari duna neyka inkipana awkwasi neyka ni. Ey awi nʉ́nkʉri, ingumʉ́n awʉtari aʼzʉnari Jeuwá zʉɉúnʉkʉnʉ nanʉkwéy nariri Bibriaseʼ yay nʉnkuzweindi zeyzey meʼzari kukwéy nanʉngwa ni.

2. Bibriaseʼ aʼnikwʉyari awʉtari aʼzanʉn nuga ni.

Bibriaseʼ ta zawiʉya neykari awʉtari aʼzʉna neyka ni. Bibriaseʼ kingwi eméy niwikʉya ni: «Ta neyka [...] sana awiri ʉngeykuʼ nánʉkwa» (Proverbios 23:23). Bibriaseʼ ta wásʉya neykari awʉtari aʼzʉna nanʉnno meʼzánʉkwa nanʉndi, buniʼgʉmʉ niwikʉnanʉngeʼki riwín niweʼɉuná awʉngwa ni (Proverbios 2:4, 5seʼ aʼgwa ú).

3. Jeuwari Bibria nʉriwí kinki zweingwasi azi nikʉngwa nanʉnno.

Jeuwá niwigowna ɉumamʉ kʉnariri amiɉúnʉkʉnʉ nameʼ du miɉwaʼsʉya ni, a sí nʉnkʉriwiʉngwasi mingunámʉsa awʉn aʼɉúnʉya ni. Ari ayéy nikʉn migwaʼsa awi kéywʉri, ɉumamʉ miweʼwe awʉngwa ni (Filipenses 2:13seʼ aʼgwa ú). Ey ʉweʼri, Bibria riwí ayéy ʉnkuzoya awʉn meʼɉunʉndi, ari mingunámʉsa awʉngwa ni. Nʉriwín nugameʼ, mikʉpaná kaʼzanʉndi aya kaʼnugwenʉkwéy nʉngwasi, ɉumamʉ meʼwe awʉngwa ni. Bibria nʉriwí zweingwasi Niwipáw gwamʉ ʉnkaʼsisa kinki awkwa (1 Tesalonicenses 5:17).

 INGUMɄ́N RIWIɄKWASI

4. Bibria riwiʉkwari awʉtari nʉkaʼzanʉngwa meʼzánʉkwa

Níkʉkwa nʉkawáy meʼzanámʉsin Bibria riwiʉkwa nʉ́nkʉri nánʉkin nʉkʉnikuʼ náy meʼzánʉkwa ni. Emí meʼzanʉndi, azi nikʉkwéy nanʉnno. Filipenses 1:10seʼ aʼgwa unayu, ema sí rimasey awkwa:

• Bema «ingumʉ́n awʉtari» aʼzariza nʉnáy meʼzano.

• Bibria riwiʉkwari awʉtari nʉkaʼzaʼnó meʼzanʉngwasi, azi nikʉkwéy nanʉnno.

1. Baldeseʼ uzuʼ nʉkʉzuʼ awi, aʼnʉ kʉsawa nʉyʉndi aʼnʉ mekʉwaʼnuʼ nanʉngwa ni.

2. Ey ʉweʼki, minsaʼgwi aʼnʉ nʉkʉsa awi uzuʼ nʉkʉzusʉndi yow mekʉwaʼna awʉngwa ni. Ima zanagwi nari, emi kwey zweykwaʼba inʉ «ingumʉ́n awʉtari aʼzʉna» minsʉn naʼba awʉndi, iʼngeygwi ɉuna awkweygwi mikʉnanʉngwa ni.

Niwipáw ɉwaʼsʉn niweʼɉuná awiri kaʼmʉkana awʉn niwingwasi niwibunna neyka ni. Mateo 5:3seʼ aʼgwa unayu, ema sí rimasey awkwa:

• Bibria riwiʉkwari ingumʉ́n awʉtari nʉkaʼzʉna naʼnó meʼzanʉndi azi nisi mikaʼmʉkana awko.

 5. Bibria riwía nari minzanuʼ nʉngeʼki riwía kinki awkwa

6. Jeuwá nʉngunámʉsa awʉngwa ná meʼzánʉkwa

 RIGAWIɄWA NEYKA

Bibria riwiʉkwari nánʉkin nanuʼ neʼki zeyzey meʼzari kukwéy mikʉnanʉngwasi mikaʼmʉkana awʉngwa ni. Jeuwá sí meʼzari nʉzweindi ari mingunámʉsa awʉngwa ni.

Rigʉnchunhasʉkwasi

• Iari Bibriaseʼ ta gaʼkʉnamʉ kʉnanʉn nuga awʉtari naʼchwʉya no.

• Ima «ingumʉ́n awʉtari» nʉkaʼzʉnʉn meʼzʉn awʉndi, azi nikamʉ mikawʉnno.

• Iari Bibria nʉriwí nʉzweingwasi, Jeuwá nʉngunámʉsa ú kʉyamʉ mikawʉnno.