REʼNIKɄYAʼBA 9
Bin zange kaʼseʼ yow Wertʉn zanʉngwano
Iwa bunígʉmʉ kwʉn nugari Niwipawseʼ Reʼgukʉngwasi chusana mʉ’chéy name izʉna ni (Luka 21:10, 11, GD; 2 Timoteo 3:1-5)
Iwa chʉwi meʼzari kwʉkwa neykari, Bibriaseʼ birin kingwi wasey una nʉnna ni. Gʉmʉsinʉ aʼchʉna aʼnoʼku nʉngwa, sʉmʉ du nanu neyka zʉ’n kwʉngwa, ɉwi kari achwʉya, aʼzʉnʉʼkin niga zʉ’n kwʉngwa ni wasey una nʉnna ni.
Iʼngeygwi wasey nari, sʉmʉ kaʼmʉnsa zari, ʉnkapari, marizanamʉ awiri sʉmʉ wichamʉ zanʉngwa ni yanari, iwari ayéy ʉnchori zwein nuga ni.
Awiri Jesu yanari duna gaʼkʉnamʉ Niwipawseʼ Reʼgukʉngwasi chusanasí pin zʉnáy wasey ukumʉngwa ni (Mateo 24:14).
Niwipawseʼ Reʼgukʉngwasi chusa una seʼri du nanu neyka kʉchunha awʉngwa ni (2 Pedro 3:13)
Ikʉ du nanu neykari bín zanuʼgwi Jeuwáseʼ kʉchunha awʉngwa ni.
Ikʉnusi awiri moru ɉinari kʉchona awʉngwa ni.
Ikʉ Niwipaw aʼnoʼka uwari kaʼgʉmʉseʼ diguzari akwʉyaʼba kwʉngwa ni. Tanʉ zanamʉ kwʉyaʼba, chowchu mikʉnaku nʉnkwi naʼba, dikin zʉ’n rigawari akwʉngwaʼba kwʉngwa ni.
Ema miguzʉngwi awiza ni
AɈWA PAPERI BIBRIA SÍ
Niwipawri inʉsin kaʼgʉmʉseʼ du zákusa awʉngwa nʉnno
Jesu kaʼseʼ nʉnkweri, duna neyka unika una ni, emi Niwipawseʼ sakuku kinki ʉndegowkí nukʉnge, Así winaʼzʉna igunamʉsʉngwa neyka chwizʉnhaʼsi inina ni
AɈWA PAPERI BIBRIA SÍ
Chʉwi zanamʉ kʉchona awʉngwa nʉnno
Bibriaseʼ yeykari niwipawri ikʉ azey azey chʉwikʉniga ni awiri du rigaguku neykari aseʼ aguzanu neyka ni, Taʼ nʉriwia unigeʼri mikaʼmʉkana awʉngwa no
