REʼNIKɄYAʼBA 7
Jesu inʉ no
Jeuwáseʼ Jesu kaʼgʉmʉseʼ gaʼsa una ni (1 Juan 4:9)
Jeuwári kuʼnawa iʼngwi ánugwe sʉmʉ ɉumamʉ kʉnʉnna keywʉ gow una ni, Adán gawkingwi nʉnkwe. Jeuwári ima ánugwe aganoʼka awʉndi aʼzʉna ni.
Awi zareʼri Jeuwáseʼri kaʼseʼ gaʼsa una ni, zizi nari kwakumʉngwasi, ey unari iʼngwi gáysʉnʉ séymʉke neykaseʼ, Belén ayékʉ, María zaʼkinugaseʼ tosín. Jesu zaʼkinukʉngwa nisʉn (Juan 6:38).
Jesu kaʼseʼ kwayeʼri, Jeuwá narigwi duna awiri dikin diwanʉkwa chwizʉnhasi zorín, ikʉri Jesusin zʉʼn nanʉn aʼyurín. Ari taʼ neyka Niwipawsí zawia una ni, chowchu kʉnaku nari.
Jesuri duna chwizʉnhasi zorikweki, ikʉseʼ winchwʉn ayunu nʉnna ni (1 Pedro 2:21-24)
Jesuri ikʉ amʉchʉya du akusa, awiri wichanari chʉká akusa una ni.
Jesu yanari, umʉn aʼzʉna Niwipawsí zawiʉya winyeykari, windigásʉya ni awiri du winarunhu neyka ni. Ey uwame, ikʉnha Jesu winchwʉn winayunu nʉnna ni.
Awi nʉnkʉri umʉn aʼzʉna Niwipawsí zawiʉya winyeykari, romanoɉina chʉnʉn aʼkusi, Jesu taʼ yuʼneyka ná winaʼzari zi aʼzi, gwaka winuyʉn.
