Jesuri ikʉ anugweseʼ du arunhʉyari ima ta neyka naʼnó aʼzʉn awkwéy neyka ni in (Juan 10:​4, 27). Ey ʉwameʼ, Bibriaseʼ ta aʼnikwʉn nugari iʼngéygwiseʼ aʼnoʼkʉkwéy nari kuwaséy niweʼɉúnʉya ni. Emí í ipesʉkwéy nariza ni: «Ma ey migʉnse» kwa «Iʼmʉnʉ zana ey nʉnoʼkwaki nuse». Ey awi, Bibriaseʼ wasey awʉn meʼɉúnʉya kuwaseykwéy nariza ni. Minnoʼkwʉn nugari Bibriaseʼ ta aʼnikwʉn nuga kʉrá nʉkuwasey awʉndi, inʉ zarika ʉwáy neyka ni. Niwipáwseʼri inaingwaʼsa awʉngwa ni (1 Cor. 3:​6, 7).

•  Zanʉngwa neyka

•  Sinamʉ ɉina

•  Niwipáw

•  Niwipawsin rimaseykwa neyka

•  Jesú

•  Niwipawseʼ Reʼgukʉngwasi Kʉnʉna

•  Chʉwi zanamʉ

•  Wíchʉkwa neyka

•  Niwipáw kaʼmʉkariwa winyeyka

 ZANɄNGWA NEYKA

1. 1. Iwa du zanuʼ nari zwein nugeykari awiri ikʉ azi nari zoya neykari bin zanuʼgwi du zanika awʉngwa neyka chwizʉnhasi na ni (Mat. 24:​3, 7, 8; Luc. 21:​10, 11; 2 Tim. 3:​1-5).

2. 2. Kaʼgʉmʉ kʉchonuʼ nanʉngwa ni (Sal. 104:5; Ecl. 1:4).

3. 3. Iwa tari zwein nuga neyka du zanika awʉngwa ni (Is. 35:​1, 2; Apoc. 11:18).

4. 4. Yow du niweʼzari akwʉngwa ni (Is. 33:24; 35:​5, 6).

5. 5. Ma aʼkwakin emaʼba Kaʼgʉ́mʉseʼ kukwéy mikʉnanʉngwa ni (Sal. 37:29; Mat. 5:5).

 SINAMɄ ɈINA

1. 6. Cheyrwa azi rinhaguzʉna nanʉndi aʼmiari akingwi aguzanamʉ kawa ni (Efes. 5:33; Col. 3:19).

2. 7. Aʼmiari cheyrwa osʉn aʼchuʼ nanamʉ kawa ni (Efes. 5:33; Col. 3:18).

3. 8. Cheyrwa awiri aʼmiari gugín nʉnʉkin nari dinhuzoyamʉ kawa ni (Mal. 2:16; Mat. 19:​4-6, 9; Heb. 13:4).

4. 9. Gʉmʉsinʉ achʉna ɉina ʉnkaʼnoʼsi zoyari du aʼzari kwʉngwa ni (Prov. 1:​8, 9; Efes. 6:​1-3).

 NIWIPÁW

1. 10. Ey ɉwa aʼníkwʉya ni (Sal. 83:18; Jer. 10:10).

2. 11. Niwipawri níwizey nari gaʼkʉnamʉ awʉtari aʼzʉna kʉnʉna ni (2 Tim. 3:​16, 17; 2 Ped. 1:​20, 21).

3. 12. Niwipawri yow akín gunti aʼchwʉya ni (Deut. 10:17; Hech. 10:​34, 35).

4. 13. Niwipawri niwingunámʉsa awʉn aʼɉúnʉya ni (Sal. 46:1; 145:​18, 19).

  NIWIPAWSIN RIMASEYKWA NEYKA

1. 14. Niwipawri amasey unari aʼzʉna ni (Sal. 62:8; 65:2; 1 Ped. 5:7).

2. 15. Bibriáseʼri emí nisi Niwipáw amaseykwéy na ni wásʉya ni (Mat. 6:​7-13; Luc. 11:​1-4).

3. 16. Sigin Niwipáw amasayamʉ kawa ni (Mat. 7:​7, 8; 1 Tes. 5:17).

 JESÚ

1. 17. Jesú du zawiʉya nariri azʉkunsámʉri aʼmʉkana kinki ʉwa ni (Mat. 6:​14, 15, 34; 7:12).

2. 18. Jesuri iwa zari zwein nuga neyka wasey una ni (Mat. 24:​3, 7, 8, 14; Luc. 21:​10, 11).

3. 19. Jesú Niwipáw zʉgʉmʉsinʉ neyka ni (Mat. 16:16; Juan 3:16; 1 Juan 4:15).

4. 20. Jesú Niwipáw naʼnuʼ neyka ni (Juan 14:28; 1 Cor. 11:3).

 NIWIPAWSEʼ REʼGUKɄNGWASI KɄNɄNA

1. 21. Niwipawseʼ Reʼgukamʉ Kʉnʉna kuʼnawa nanʉn nuga neyka ni (Dan. 2:44; 7:​13, 14; Mat. 6:​9, 10; Apoc. 11:15).

2. 22. Niwipawseʼ Reʼgukamʉ Kʉnʉna sakuku ɉina kʉchunha awʉngwa ni (Sal. 2:​7-9; Dan. 2:44).

3. 23. Niwipawseʼ Reʼgukamʉ Kʉnʉna nʉʼkin iwa chʉwi meʼkúsʉkwa neyka kʉchʉnhʉkwéy neyka ni (Sal. 37:​10, 11; 46:9; Is. 65:​21-23).

 CHɄWI ZANAMɄ

1. 24. Chʉwi zanámʉri Niwipáw kawi naʼnuʼ neyka ni (Deut. 32:4; Sant. 1:13).

2. 25. Ikʉnusi Kaʼgʉ́mʉseʼ reʼgukʉn nuga ni (Luc. 4:​5, 6; 1 Juan 5:19).

3. 26. Niwipáw chʉwi aʼzʉna niwinwari niwingunámʉsa awʉn aʼɉúnʉya ni (Sal. 34:​17-19; Is. 41:​10, 13).

4. 27. Niwipawri bin zanuʼgwi chʉwi zanamʉ kʉchunha awʉngwa ni (Is. 65:17; Apoc. 21:​3, 4).

 WÍCHɄKWA NEYKA

1. 28. Wichánari azi naʼzanʉn aʼzanuʼ nariri chʉwi aʼzanʉn nukuʼ neyka ni (Ecl. 9:5; Juan 11:​11-14).

2. 29. Wichana niwingunamʉsʉkwéy naʼnuʼ nariri áziki niwinhawa kineki auʼ nariza ni (Sal. 146:4; Ecl. 9:​6, 10).

3. 30. Niwisinamʉ niweʼwichánari chʉká aʼzanika awʉngwa ni (Job 14:​13-15; Juan 5:​28, 29; Hech. 24:15).

4. 31. Wíchʉkwa neyka kuʼ nʉngwa ni (Apoc. 21:​3, 4; Is. 25:8).

 NIWIPÁW KAʼMɄKARIWA WINYEYKA

1. 32. Niwipáw kaʼmʉkariwa winyeykari Aseʼ yow kwa gunti aʼchuʼ neyka ni (Jer. 7:11; Mat. 7:​13, 14, 21-23).

2. 33. Niwipawri du nari zoyáy iri ayéy zweiʼ neykari aguzanuʼ neyka ni (Is. 29:13; Miq. 3:11; Mar. 7:​6-8).

3. 34. Zaguzanámʉri ima Niwipáw kaʼmʉkánʉya kinki ni awanʉkwéy neyka ni (Miq. 4:3; Juan 13:​34, 35).