Iʼngwi níwisin ʉnkʉrigʉnsi aʼzanuʼ nameʼ kwa iʼngwi ɉuna agʉnchona awʉn aʼɉuri niweʼzasisa awʉndi, anaséy iwisa awʉnʉngwa meʼzanuʼ nanamʉ kawa ni. Tʉkin pari duna neyka ʉnkipana awʉn aʼɉúnʉya neykasin rimasey awʉn niweʼɉúnʉya ni (Hech. 13:48).

Ey ʉweʼki, ikʉ o aʼzari reʼdana awʉn aʼɉuri kwa asain aʼɉunuʼ nanʉndi anaséy iwisa awamʉ niwikawa ni (Prov. 17:14). Tanʉ meʼzari ʉnzoya awamʉ kawa ni. Awiri, ¡migʉnkuʼ naʼnʉnko! Tʉkin pari niweʼnoʼkwa awʉn aʼɉuná neki awiza ni (1 Ped. 2:12).