Nʉzawiuʼgwi nʉngeʼ

1. 1. Du rinhaɉa awkwa. Aʼzawín nukwari azi aʼzanʉn nukʉnno, azi arúnhʉya nanʉnno, riwín nugari du aʼnoʼsi ayéy ʉnkuzoya awiza neykari nánʉkin kʉnikuʼ neyka no meʼzari aʼzarunha awkwa. Ayeygwi ema sí «Ingumʉ́n du izataka awkwa» yaʼbari niwipaperi awiri widew nanʉn nuga sékʉnʉn awiri naʼzawín nugaseʼ azi nisi kaʼmʉkana awʉnno meʼzánʉkwa. Emí nanʉn nusi naʼzawín nukʉngeʼri, awiʉkwéy mikʉnikagwi awiza ni.

Naʼzawín nukʉngeʼ

1. 2. Naʼzawín nuga ʉnkʉrigʉnsi aʼzanʉndi, nipesʉngeʼ awiri niwisʉngeʼ Jeuwasin rimasey awkwa.

2. 3. Umʉngwi asaiʼ nanʉngwa meʼzánʉkwa. Riwiʉkweynaseʼ rigawín nuga sekʉnanʉn nʉngwa zʉʼn meʼzariri naʼzawín nuga aséy awʉn aʼɉunʉndi inoʼkwa awkwa.

3. 4. Iʼngeygwi reʼníkwʉya nipesʉngwa nanʉndi, azey azey riwiʉkweynaseʼ gaʼkʉnamʉ awʉtari aʼzʉna neyka zakaʼchoʼ awkwa.

4. 5. Yow reʼníkwʉya niwisi nanʉngeʼri, naʼzawín nugaseʼ riwiana neyka rigʉnchunhasa awʉngwasi eygwi sékʉnʉn awkwa.

5. 6. Riwiʉkweyna naʼzawiʉyasin nʉriwín nukʉngeʼ:

   1. Kʉtʉkʉnʉn aʼgwamʉ kawʉn nuga iʼba aʼgwa awkwa.

   2. Bibriaseʼ aʼgwamʉ kawʉn nugari aʼgwa awkwa.

   3. Iʼngeygwi reʼníkwʉya ayaʼba nanʉn nuga aʼgwakʉkwéy ni meʼzanʉndi aʼgwa awkwa.

   4. Widew «chwa ú» yeykari chwa awkwa (Awkwéy ni meʼzanʉndi).

   5. Yow zaʼsisamʉ kʉnanʉn nuga sékʉnʉn awkwa.

   6. «Ingumʉ́n riwiʉkwasi» yaʼba wiʼ nuga kʉnʉna sékʉnʉn awkwa.

   7. «Ukumʉngwa neyka» yaʼbari naʼzawín nuga aseʼ unika awʉn aʼɉúnʉya neyka unikʉngwasi awiri ayaʼba emí niʼkwa yeykari ayéy unikʉngwasi sékʉnʉn awkwa.

   8. Naʼzawiʉyari «Ingumʉ́n izataka awkwa» yaʼba nʉriwín nuseʼri, widew awiri gaʼkʉnamʉ izatakamʉ kʉzʉnna «bema ingumʉ́n miguzʉn uye» kʉyʉkwa.

   9. Nʉriwía unigeʼri riwiʉkweyna gugín riwía awkwa.

Nʉriwí iwisákiri

1. 7. Naʼzawín nuga ánugwe sí ingumʉ́n ináy zwein nugameʼ emí nisi igunamʉsʉkwéy nʉkʉnanʉnno meʼzʉn ʉnteʼ awʉngwasi Jeuwá gwamʉ ʉnkaʼsisa awkwa.