Jesuseʼ niʼna neyka

Jesú sí inʉ ʉnkʉriwiʉko

2. Íkʉsin rimaseingeʼri ikʉ́nhaseʼ aguzʉna neyka sí keywʉ asayʉnpanʉndi, ingumʉ́n nánʉkin niwikʉnika awkwéy nariza ni.

 Jesú kʉriwía awkwa

3. Iʼngéygwiseʼ aguzánʉya neyka asein nʉngwa meʼzánʉkwa. Nʉʼn nʉguzʉna asein nʉngwa meʼzanuʼ nari iʼngéygwiseʼ asain aʼɉúnʉya kwa agʉnchona awʉn aʼɉúnʉya asein nʉngwa meʼzánʉkwa. Ey ʉwameʼ, ingumʉ́n du reʼzarunha awi, ema reʼzasisa awkwa:

1.    «Noticíaseʼri inʉ aʼchonʉn nuko».

2.   «Kwawʉn mʉchéy kwʉya, riwiawekʉ awiri nikwékʉri íkʉri inʉ sí ásʉya no».

4. Du senanʉn nʉngwa meʼzánʉkwa. Ema reʼzasisa awkwa:

1.    «Iwa íkʉri azi nikʉn nuko. Azi arunhʉn nukʉnno».

2.   «Rinhaɉʉyaʼba, urákʉseʼ kwa ikʉ́nhaseʼ arúnhʉya neykasiri azi ʉwa neyka chwizʉnhaso».

3.   «Rimaseykwéy nʉkʉnano».

5. Noʼkwʉn nʉngwa meʼzánʉkwa.

1.    Umʉngwi asaiʼ nʉnkwa.

2.   Ikʉ asáy awʉn aʼɉunʉndi, inoʼkwa awkwa. Awkwéy mikʉnanʉndi, aʼzasisa kiawagwi awkwa.