Jesuseʼ niʼna neyka

Jesú sí inʉ ʉnkʉriwiʉko

2. Gaʼkʉnamʉseʼri aʼnoʼkʉkwéy í asayʉndi, ikʉseʼri agʉnchona ʉnteʼ awiri kaʼmʉkanagwi awʉngwa ni.

 Jesú kʉriwía awkwa

3. Umʉngwi asaiʼ nʉnkwa. Yow migʉ́nkwʉya aʼzawín nʉngwa meʼzanuʼ nánʉkwa. Riwiʉkweynaseʼ rigawín nuga zʉʼn aʼzawín nʉngwa meʼzánʉkwa. Naʼzasisa unigeʼri, iwaʼka awkwa. Azi yʉko aʼzanʉndi kwa Bibriaseʼ yay neki gaʼkʉnamʉ ʉnkiwesuʼ nanʉndi gugín agʉnchona awkin ingumʉ́n aʼzasisa awkwa. Ey awi, ayaʼba gugín anaʼnoʼkwa awʉndi, iʼngéygwiseʼ ʉnkʉzagi awkwa.

4. Ey anagʉnkwʉyásinri ingumʉ́n aʼzawía awkwa. Riwiʉkweynáseʼri chʉká kazanika awʉngwa neyka sí aʼzawiʉkwa mikawʉndi, aya riwiuʼgwiri wicha ʉweʼri azi niwikizanʉnno wásʉya rigawiana rigʉnchunhasʉkwéy nariza ni.

5. Zakaʼchoʼ awʉngwa du warunha awkwa. Nʉzakaʼchoʼsʉngwa yuʼgwiri, emí reʼzasisa awkwa:

1.    «Zakaʼchoʼ ʉweʼri naʼzʉnari aʼnoʼkʉkwéy no».

2.   «Aʼzawín nukwáseʼri gugín aʼnoʼkwa awʉngwa no».

3.   «Zakaʼchoʼ ʉwa neyka zʉʼn agʉnchonʉngwa nanʉnno, kwa ʉnkʉriwía unari naʼzʉna neyka».