Jesuseʼ niʼna neyka

Jesú sí inʉ ʉnkʉriwiʉko

2. Aʼzawín anuga ánugwe sí ingumʉ́n ináy zweingwásiri du key amasayamʉ kawa ni, ey ʉweʼki chʉnʉngwi meʼzari.

 Jesú kʉriwía awkwa

3. Unikʉnʉngwa aʼzʉna unika awʉngwasi igunámʉsa awkwa.

1.    Paperi Du meʼzari aʼkwakin kukwéy nariza ni zaʼkinugáseʼri riwiʉkweynáseʼri «Ukumʉngwa neyka» wásʉya ni, aya sékʉnʉn awkwa.

2.   Iwa kwa tʉkin pari unikʉnʉngwa aʼzʉna neykari emí nikamʉ mikawʉn kʉyʉkwa.

3.   Du nari zwein nʉngwa aʼzari zwein nugameʼ du nʉníkʉyʉn kʉyʉkwa.

4. Naʼzawín nugari ánugwe sí inaingwasi azi naʼba nánʉkin kʉnanuʼ neyka no meʼzari igunámʉsa awkwa.

1.    Emí reʼzasisa awkwa:

   • «Ɉwa ʉnkʉsuʼ nanʉndi ínʉseʼ nánʉkin kʉnikʉngwaʼsuʼ nanʉnno».

   • «Azi nisi igunamʉsʉkwéy nʉkʉnanʉnno».

2.   Naʼzawín nuga ánugwe sí ingumʉ́n ináy zweingwasi, du key awiri chʉnʉn meʼzari namaseingwásiri, Jeuwá gwamʉ ʉnkaʼsisa awkwa.

5. Naʼzawín nuga ánugwe sí inayáy nanuʼ nʉndi aʼzawiuʼ nʉnkwa.

1.    Eyki aʼzawí zweykwéy nʉkʉnanʉnno meʼzanʉngwásiri, emí reʼzasisa awkwa:

   • «Ʉnkʉriwía ʉwa ayéy ʉnkʉzwein nʉngwa aʼzano».

   • «Ʉnhaniʼkumʉyekʉ zoriri aseʼ ʉnkʉriwiana neyka iʼngéygwiseʼ kʉbasa ʉwa no».

   • «Bibria sí birin pari ʉnkʉriwí zwein nugameʼ, Jeuwá sí gaʼyeyka ɉina nika awʉn aʼɉuna chwizʉnhaso».

2.   Naʼzawín nuga ema ɉuna chwizʉnhasuʼ nanʉndi:

   • Ey ʉwameʼ ánugwe sí ináy nukuʼ nawin aʼzʉn awʉngwasi ʉnsékʉnʉn awkwa kʉyʉkwa.

   • Ey ʉwameʼ meʼzawiuʼ nanʉngwa ni kʉya awkwa.

   • Tʉkin pari eygwi riwía awʉn aʼɉunʉndi emí nikamʉ mikawʉn kʉya awkwa.