RIMASEY KEYWɄ AWKWA
RIWIɄKWEYNA 2
Tanʉ zanamʉ
Bibriaseʼ wásʉya: «Gaʼkʉnamʉ yʉkwa kawi ya ukumʉyeʼri, ¡azi du kawa no!» (Prov. 15:23).
Felípeseʼ niʼna neyka
1. WIDEW chwa ú nanʉndi Hechos 8:30, 31seʼ aʼgwa unayu, ema sí rimasey awkwa:
Felipe sí inʉ ʉnkʉriwiʉko
2. Asain nukʉngeʼ, tanʉ meʼzari asey awʉndi, iʼngeygwi akingwi aʼzari ingumʉ́n niwinnoʼkwa awʉn aʼɉuná ki awagwi awʉngwa ni.
Felipe kʉriwía awkwa
3. Du senanʉn nʉngwa meʼzánʉkwa. Ikʉ nʉmasein nukʉngeʼri, umʉkʉna kwa asʉyaʼbari asey awʉn aʼɉúnʉya neyka chwizʉnhaso. Bibria sí nʉmaseykwéy nanʉngwásiri, emí aʼzasisʉkwéy nariza ni: «Ma ey migʉnse…». Nʉmasein nuga asein aʼɉunuʼnáy nanʉndi eygwi neki amaseiʼ nʉnkwa.
4. Waʼka awkwa. Eʼ kingwi Bibria sí amasein nʉngwa meʼzanuʼ nánʉkwa. Tʉkin pari ingumʉ́n nánʉkin mikʉnisi Bibria sí amaseykwéy mikʉnikagwi awiza nanʉnno.
5. Aguzánʉya neyka aseykwa. Ikʉ namasein nusi gaʼkʉnamʉ mikitasa awʉndi, emí key nʉngwa meʼzʉnna neykari anʉkeiʼ nari ikʉnhaseʼ chʉwi kʉniga neyka amasein nʉngwa meʼzánʉkwa.
