RIMASEY KEYWɄ AWKWA
RIWIɄKWEYNA 3
Zagunamʉsʉnʉngwa meʼzánʉkwa
Bibriaseʼ wásʉya: «Zaguzanʉkwari […] zagunamʉsʉnʉngwa aʼzʉna ni» (1 Cor. 13:4).
Jesuseʼ niʼna neyka
1. WIDEW chwa ú nanʉndi Juan 9:1-7seʼ aʼgwa unayu, ema sí rimasey awkwa:
-
Jesú minsaʼgwi azi nise: cheyrwa gaʼkʉnamʉ ʉnkʉbasa uye kwa minsaʼgwi du aʼkusa uye (Juan 9:35-38seʼ chwa ú).
Jesú sí inʉ ʉnkʉriwiʉko
2. Íkʉri chʉwi nʉnkʉnika ukumʉyáy aʼzʉn awʉndi, ingumʉ́n niwinnoʼkwa awʉn aʼɉuná awʉngwa ni.
Jesú kʉriwía awkwa
3. Azi aʼzanʉnno meʼzánʉkwa. Ikʉ azi aʼzanʉn nukʉnno meʼzari reʼzarunha awkwa.
-
Emí reʼzarunhʉkwéy nariza ni: «Ikʉseʼri inʉ chʉwi kʉniga nanʉnno. Inʉ nʉkaʼmʉkana awizáy aʼzanʉnno». Émari emí nisi igunamʉsʉkwéy nʉkʉnanʉnno meʼzʉn awʉngwasi mikaʼmʉkana awiza ni.
-
Iʼngeygwi mimasein nukʉndi, du inoʼkwʉn nʉngwa meʼzánʉkwa. Emí nanʉn nusi chʉwi nʉnkʉniku nó aʼzʉn awʉngwa ni. Buniʼgʉmʉ aʼzanʉn nuga mikʉyʉn nukʉndi, gaʼkʉnamʉ kitasa neki auʼ nánʉkwa.
4. Du key amaseyri osʉn aʼchuʼ nánʉkwa. Iʼngeygwi chʉwi niwikʉniga awiri igunámʉsa kinki awʉn niweʼɉúnʉya chwizʉnhasʉkwásiri aseykwaʼba du ʉnsekʉnanamʉ kawa ni. Asaya uniʼkweri, azi key amaséy niʼkwe meʼzanamʉ kawiri reʼmʉcha awkwéy key amasaiʼ nanamʉ kawa ni.
5. Zagunámʉsa awkwa. Awkwéy mikʉnari nanʉndi, iʼngeygwi igunámʉsa awkwa. Emí nisi zagunámʉsa awʉndi amaseingeʼri ingumʉ́n nánʉkin niwikʉnanʉngwa ni.
