RIMASEY KEYWɄ AWKWA
RIWIɄKWEYNA 4
Awʉ́ʼ reʼkúsʉkwa
Bibriaseʼ wásʉya: «Awʉ́ʼ reʼkúsʉkwa neyka chwizʉnhásʉkwa» (Filip. 2:3).
Pábloseʼ niʼna neyka
1. WIDEW chwa ú nanʉndi Hechos 26:2, 3seʼ aʼgwa unayu, ema sí rimasey awkwa:
-
Páblori sakuku Agripasin rimasein nuseʼri azi nisi awʉ́ʼ reʼkúsʉya chwizʉnhasíe.
-
Páblori a kingwi puré iaʼzanuʼ nari Jeuwá awiri azʉgaʼkʉnamʉ puré iaʼzanʉngwasi azi nise (Hechos 26:22seʼ chwa ú).
Pablo sí inʉ ʉnkʉriwiʉko
2. Iʼngeygwi osʉn aʼchwʉya chwizʉnhasuʼ nari awʉ́ʼ reʼkúsʉkwa neyka chwizʉnhasʉndi, íkʉri ingumʉ́n puré niwinwari niweʼnoʼkwa awkwéy nariza ni.
Pablo kʉriwía awkwa
3. Awʉ́n kawa meʼzʉna chwizʉnhasuʼ nánʉkwa. Nʉʼn zʉʼn nʉgʉ́nkwʉya nariri iʼngeygwi agʉnkuʼ neyka nanʉnno meʼzʉna chwizʉnhasuʼ nánʉkwa. Aseingeʼri osʉn í asaiʼ nʉnkwa.
4. Bibriasin zawín nʉngwa meʼzánʉkwa. Niwipáw Zʉgaʼkʉnámʉri iʼngéygwiseʼ kaʼmʉkari ayaʼba aʼnikwʉn nugáy nari zweykwéy kʉnanʉngwa reʼgow ʉwa ni. Emí nari Niwipáw sí aʼzʉna neyka ingumʉ́n kinaya awʉngwasi kaʼmʉkana awʉngwa ni.
5. Zapana meʼzanuʼ nánʉkwa. Nʉʼn yʉnʉ́kwari ta naʼnó meʼzʉna chwizʉnhasuʼ nariri reʼdanʉn neki nukuʼ nánʉkwa. Awʉ́ʼ reʼkúsʉkwari tanʉ niweʼzariri ʉnzweykwa kawʉndi ʉnzoya neki awkwasi niwikaʼmʉkana awʉngwa ni (Prov. 17:14; Tito 3:2). Du í awiri tanʉ meʼzari nasaya awʉndi, tʉkin pari ayasin kingwi rimaseykwa mikawi nanʉndi meʼnoʼkwa kiawagwi awiza ni.
