RIMASEY KEYWɄ AWKWA
RIWIɄKWEYNA 5
Chow rinhaʼchwʉkwa
Bibriaseʼ wásʉya: «Asaykwa mikawʉngeʼri ʉnkarunha awi asaykwa» (Col. 4:6).
Pábloseʼ niʼna neyka
1. WIDEW chwa ú nanʉndi Hechos 17:22, 23seʼ aʼgwa unayu, ema sí rimasey awkwa:
-
Páblori ikʉ Atenas zanʉ muñeku niwipáw zana ʉnkaʼchwi kaʼmʉkanʉn nugin aʼzareʼri, azi aʼzare. (Hechos 17:16seʼ chwa ú).
-
Páblori Atenas zanʉn gaʼkʉnamʉ kʉbasʉn nuseʼri, azi nisi chow rinhaʼchwʉya chwizʉnhasíe.
Pablo sí inʉ ʉnkʉriwiʉko
2. Azi í aséy niʼkwe, azi naʼzari amaséy niʼkwe, awiri bin zanʉngeʼ aseykwéy nʉkʉnanʉnno meʼzari nanʉndi, ingumʉ́n niwigaʼnoʼkwa awiza ni.
Pablo kʉriwía awkwa
3. Azi í aséy niʼkwe meʼzánʉkwa. Iʼngwi Niwipáw sírigʉn aʼzari aʼzanuʼ neykasin aseykwa mikawʉndi, Bibria sí awiri Jesú sí nʉkuwaseingwásiri diwʉ́n í amaseykwa mikauʼ nʉnno.
4. Mʉnʉʼgwi ʉnkʉreʼbekumá meʼzʉnʉn keiʼ nʉnkwa. Aséy awʉn aʼɉunʉngeʼri aseingwaʼsa awkwa. Awiri, Bibria sí ʉnkʉrigʉnsi nanuʼ náy í asayʉndi reʼbekumá meʼzʉnʉn keiʼ nʉnkwa (Sant. 1:19). Du ninoʼkwa awʉndi, ey ʉwameʼ emí arúnhʉyʉn meʼzari ingumʉ́n igunamʉsʉkwéy mikʉnika awiza ni (Prov. 20:5).
5. Awkwéy nanʉndi nʉnáy ni awiri dúkʉchʉ nʉyʉwin keykwa. Ikʉseʼri emí ʉwa nanʉnno aʼzʉnari ta nanʉnno winaʼzʉna ni. Azi naʼba nʉngwari, ta yo meʼzari du sekʉnariri, ingiti ingiti Bibriasin igunamʉsʉkwéy nariza ni.
