Jesuseʼ niʼna neyka

Jesú sí inʉ ʉnkʉriwiʉko

2. Pinna gaʼkʉnamʉ kʉbasʉkwásiri twiré zanamʉ niwikʉɉúnʉya ni.

 Jesú kʉriwía awkwa

3. Jeuwá nʉngunámʉsa awʉngwa ná meʼzánʉkwa. Gaʼkʉnamʉ ʉnkʉbasʉngwásiri, Niwipáw zʉhánugwe seymʉkeri Jesú ɉumamʉ aʼwe una ni. Níwisin akingwi nikʉkwéy nariza ni (Mat. 10:​19, 20; Luc. 4:18). Ikʉ chowchow meʼkúsʉya neyka gaʼkʉnamʉ nʉkʉbasʉkwéy nanʉngwasi Niwipáw twiré zanamʉ aʼzasisa awkwa (Hech. 4:29).

4. Iʼngeygwi emí neyka meʼzanuʼ nánʉkwa. Iʼngeygwi azi kawi rinhaɉʉyameʼ kwa azi neyka nameʼ kwa azi ʉnkarunhi zoya nameʼ amaseykwari nánʉkin niwikʉnikuʼ neyka ni. Ey ʉweʼki, ema rigʉnchunhasa awkwa:

1.    Jeuwá awiri Jesú nʉʼkin anugwéseʼri emí arúnhʉyʉn aʼzanʉkwéy neyka ni.

2.   Yow Jeuwaseʼ chʉwi kʉníkʉkwa gunti neyka ni.

5. Twiré meʼzánʉkwa ey ʉweʼki chow riwánʉkwa (Mat. 10:16). Ikʉ minnoʼkwʉn aʼɉunuʼ nanʉndi kwa mowgá aʼzʉnáy nanʉndi, reʼdanuʼ nari rimasáy aniwisi wʉ zweykwa (Prov. 17:14).