EYGWI RIMASEY AWKWA
RIWIɄKWEYNA 7
Ʉnkumʉchuʼ nánʉkwa
Bibriaseʼ wásʉya: «Ʉnkʉmechuʼ nari, zawí duna gaʼkʉnamʉ [ . . . ] winʉnkʉbasʉn kinki nusin» (Hech. 5:42).
Pábloseʼ niʼna neyka
1. WIDEW chwa ú nanʉndi Hechos 19:8-10seʼ aʼgwa unayu, ema sí rimasey awkwa:
Pablo sí inʉ ʉnkʉriwiʉko
2. Amasey una eygwi amaseykwasi kwa Bibria sí aʼzawiʉkwásiri, tiempo ʉnkaʼwitesiri aya unikʉnʉngwa reʼkusamʉ niwikawa ni.
Pablo kʉriwía awkwa
3. Iʼngéygwiseʼ awkwéy kʉnanʉngeʼ unikʉnʉngwa meʼzánʉkwa. Reʼzasisa awkwa: «Bin zanʉngeʼ nʉʼnsin rimaseykwari awkin kʉniga no. Bekʉ uniʼnari aʼzanʉnno». Aya ɉwiaseʼ nʉkaʼnaya ukumʉndi aʼzanʉndi kaʼnaya awkwa, ma awkin mikʉnikuʼ nanʉngeʼki.
4. Bin zanʉngeʼ eygwi rimasaykwéy nanʉnno aʼzasísʉkwa. Rimaseiʼ niwisuʼgwiri, «bema ɉwiaseʼ bema horaseʼ eygwi rimaseykwéy nanʉnno» kʉyʉkwa. Ey awi, aya ɉwiaseʼ mikeingeʼri wʉ zweykwa.
5. Ʉnkumʉchuʼ nánʉkwa. Ikʉ urákʉseʼ nukuʼ nameʼ kwa kʉzanʉn ʉnte nugameʼ, ʉndiwín aʼɉunuʼ nameʼ nanʉnno meʼzanuʼ nánʉkwa (1 Cor. 13:4, 7). Azi nari rimaseykwéy nʉkʉnanʉnno meʼzánʉkwa, ey ʉweʼki du tiempo ʉnkaʼmʉkanʉngwaʼsʉnʉngwa meʼzánʉkwa (1 Cor. 9:26).
