Jesuseʼ niʼna neyka

Jesú sí inʉ ʉnkʉriwiʉko

2. Iʼngeygwi azi aʼzanʉndi nʉʼn naʼzʉnáy meʼzʉna chwizʉnhásʉkwa nʉndi, gaʼkʉnamʉ kʉbasa nʉʼkin auʼ nari, chʉwi kʉniga chwizʉnhásʉkwa nʉngwa ni.

 Jesú kʉriwía awkwa

3. Du inoʼkwa awkwa. Mimasein nugari, gaʼkʉnamʉ kʉreʼwi neki auʼ nánʉkwa. Aʼzʉna neyka kwa inʉ puré aʼkusʉn nuga neyka mikʉyʉn nukʉndi, awʉtari aʼchuʼ neyka nʉnáy neki chwizʉnhasuʼ nánʉkwa. Du ninoʼkwa awʉndi, íkʉri nʉʼn arunhawa neykari awʉtari nʉkaʼchwʉya nigʉn miwʉn awʉngwa ni.

4. Ikʉ sí warunha awkwa. Mimasey una neyka sí aʼzarunhʉn nusiri emí reʼzasisa awkwa:

1.    «Azi nameʼri ta neyka ɉwaʼsa awiza kʉɉunʉnno».

2.   «Bibria riwía awʉndi, iwa awiri tʉkin pari ingumʉ́n du aʼzari kʉkwéy nanʉnno».

5. Gaʼkʉnamʉ kaʼmʉkana awiza kuwasey awkwa. Bibria nʉriwía awiza nʉndi, migʉnchona awʉn meʼɉúnʉya emí nari migʉnchona awi sʉmʉ ɉuna naseʼ mikaʼmʉkana awiza ni kʉyʉkwa.