«Niwipawri du nanuʼ neyka arunhá awkwa kineki kʉnanuʼ neyka ni, awiri nanʉyʉʼkin reʼgúkʉya ni» (Job 34:10).

Iari pin zʉnáy chʉwizanamʉ o aʼzanisi zwein nukʉnno.

• 1 Juan 5:19

  Ikʉnúsiri kaʼgʉ́mʉseʼ kʉreʼgukʉn nuga ni.

• Eclesiastés 8:9

  Iʼngwiné íkʉri iʼngeygwi zi aʼzi zoya ni.

• Eclesiastés 9:11

  Iʼmʉnʉʼneʼri, aziki zanʉngwa naʼba kwa aziki zanʉnpʉne kinki nukagwi awaki nukʉkwame, azikiri mikizánʉkwa ni.

• 1 Pedro 5:7

  Jeuwari niwinhaguzʉna name, chʉwi aʼzanʉn nugin aʼzʉneri, a chʉwi naʼzʉnáy aʼzʉna ni.

«Miwipáw aʼzʉnari [...] pinna ɉwaʼsa unayuri nʉʼn zaná aʼzari, duna neyka awiri du nanuʼ neyka ɉwaʼsuʼ nanʉndi aʼzʉna ni» (Génesis 3:5).

Jeuwaseʼri azi nameʼri Ikʉnúsiri eʼ kingwi kʉchunha auʼ nʉnnʉnno.

• Génesis 3:2-5

  Ikʉnusi yanari, Jeuwari du neʼki reʼgukamʉ agʉnkuʼ neyka ni. Awiri íkʉri niwikingwi ʉnkʉreʼgusi kwey duna neyka awiri du nanuʼ neykari ʉnkuzoya auʼ kinʉnko aʼrunhʉndi aʼzarín. Ey anowyeʼki, Niwipawseʼri ey kʉ́chʉ yʉn zʉʼn aʼchwín, ingʉ́ mʉná ʉnzanika unigeʼri Ikʉnúsiri digasey auʼ nare izʉn awʉngwasi.

• Job 38:7

  Ikʉnúsiri ánʉgwe ɉina sʉmʉ noʼkʉn nugaʼba Jeuwá urigasáy una ni.

«Íkʉri nʉʼn zʉʼn reʼguka auʼ nʉnnarweʼ aʼzʉneʼki reʼtʉmeri zweykwa kineki agʉnkuʼ neyka ni» (Jeremías 10:23).

Iari birin pari chʉwi meʼzari kwʉn nukʉkwari kawʉnno.

• Isaías 55:9

  Íkʉri ema sakuku nʉngwa du reʼguka auʼ nʉnniko aʼzari zoyanari zanika ʉweʼ neki awkwéy kʉnanuʼ nari nakʉn nuga ni.

• 2 Pedro 3:9, 10

  Jeuwari niwinwaʼsi nakʉn nuga ni, ari pinna zʉ paw nanó nʉnzʉn, awiri nʉkaʼgamʉkana ukumʉndi aʼzʉname.

• 1 Juan 3:8

  Jeuwá Jesusin, Ikʉnúsiseʼ waʼmʉ isaʼna neykari yow du kʉkusa awʉngwa ni.

«Nʉgʉmʉsinʉ du nari zwein nʉngwa meʼzánʉkwa, [...] osʉn nʉgwasi zwein nugari, twiré keyʼ nari nʉnʉnkwa awʉngwasi» (Proverbios 27:11).

Jeuwari iari ɉweɉwe nari nʉkaʼmʉkana awʉndi niwikeyʼ nanʉnno.

• Proverbios 30:24

  Jeuwari anáʼnuga gwasiri, inʉ itosʉkwéy nari, niwigow name. Ey ʉwameʼ, a kaʼmʉkana kwa kaʼmʉkanuʼ nawin meʼzanʉkwari manʉnkaʼ itosamʉ kawa ni.

• Luka 10:27

  Jeuwari du nari nʉkaʼmʉkana ukumiza nʉndi aʼzʉna ni.