«Naʼnoʼka awkwa, ey unigeʼri Miwipáw nanʉn nʉngwa ni awiri míwiri nʉpowru ananʉngwa ni» (Jeremías 7:23).

Niwipawsin ɉúnʉkʉnʉ ʉnkʉnika awkwéy niwikʉnanʉnno.

• Génesis 22:18; Santiago 2:23

  Abrahanri Jeuwá aʼnoʼsi taʼ naʼnó kinki aʼzari zoya uname, a zʉ ɉúnʉkʉnʉ nika una ni.

• 2 Crónicas 16:9

  Jeuwari a yáy aʼnoʼsi zoya ʉwari igunámʉsa awʉngwa ni.

• Salmo 25:14; 32:8

  Inʉkiri eméy naʼnó aʼzanʉngwasi Jeuwari a zʉ ɉúnʉkʉnʉ ɉina igunámʉsa awʉngwa ni.

• Salmo 55:22

  Jeuwá a zʉ ɉúnʉkʉnʉ du chwʉya ni.

«Eméy nare neki Jobri kuzʉn neki auʼ nʉnna ni, Niwipáw kawiri eméy naʼzanó aʼzanuʼ nʉnna ni» (Job 1:22).

Ikʉnúsiri azi nisi Job zi aʼzíe. Ey uyeʼri, Jobri azi nise.

• Job 1:10, 11

  Ikʉnusi yanari, Jobri Jeuwaseʼ inʉ pinna ɉuna kʉna uname zʉʼn kaʼmʉkánʉya ni.

• Job 1:12-19; 2:7

  Ikʉnúsiri Job inʉ yow kʉnʉnna aʼki una ni awiri wichámʉsin chʉwi aʼkusa una ni, Jeuwari rigʉnsi nanuʼ nareʼki éykʉchʉ auʼ nó zʉʼn aʼzarin.

• Job 27:5

  Ey ʉwameʼ, chʉwi naʼzʉnin aʼzanuʼ nareʼki, Jobri Niwipáw chusuʼ nʉnna ni.

«Íkʉri inʉ kʉnari ʉwari we ʉwa ni, nʉʼnkʉ́chʉ du naʼzariri wichuʼ nanʉnʉngwa diwari» (Job 2:4).

Jeuwá chusʉn niwingwasi, Ikʉnúsiri azi niga no.

• 2 Corintios 11:14

  Jeuwá ʉnkaʼnoʼkuʼ nanʉn niwingwásiri, Ikʉnusi niwikʉrigasey awʉn aʼɉúnʉya ni.

• Proverbios 24:10

  Ikʉnusi niwinwʉnari, du nanuʼ nawa gunʉndi Jeuwá du kaʼmʉkanuʼ naʼkinnawe aʼzanʉndi niwinwʉna ni.

• 1 Pedro 5:8

  Ikʉnúsiri zi niweʼza awʉn aʼɉúnʉya ni.

• Proverbios 27:11

  Jeuwá nʉʼkin kaʼmʉkari zweykwa, ey unigeʼri, Ikʉnúsiri rigásʉya kinki nʉkʉkusa awʉngwasi.

«Niwipáw miguzánʉkwari: a zʉ gaʼkʉnámʉri gugín ʉnkuzoya awkwa gwasi ey awga ni» (1 Juan 5:3).

Jeuwá zʉ ɉúnʉkʉnʉ nika awkwéy nanʉnno.

• Deuteronomio 6:5

  Niwipáw miguzari nanʉngeʼri, a aʼnoʼsi zweykwari nánʉkin mikʉnikʉngwa ni.

• Isaías 48:17, 18

  Jeuwá ʉnkaʼnoʼka awkwa nanʉngeʼri, du nari zweykwa nanʉngwa ni.

• Deuteronomio 30:11-14

  Jeuwari awkwéy nanuʼ neyka awkwa mikeyʼ nʉngwa ni.

• Filipenses 4:13

  Du nari zwein nʉngwa meʼzánʉkwa, ey unigeʼri, Jeuwari twiré mikʉya awʉngwa ni.