«Eméy name Niwipáw biwkʉnʉ kichosiwa ni, aseʼri kuʼnawa winkwʉn nuga awiri kaʼseʼ kwʉn nukurari, ayéy niwikaʼgow uname zʉʼn kwʉn núkʉkwa name» (Efesios 3:14, 15).

Sinámʉri azi nikʉndi urákʉseʼ du winaʼzari kukwéy winkʉnanʉnno.

• Marku 10:6

  Jeuwaseʼ ikʉ gow unayu keywʉ aʼkwákumʉn pʉnna ni.

• Efesios 5:1, 2

  Du meʼzari kukwásiri, Jeuwá awiri Jesú zaná nikʉnʉngwa meʼzanamʉ kawa ni.

«Azey azey aʼmia du ʉnkʉʼchwi miguzari zweykwa [...], aʼmiari cheyrwa osʉn neki ʉnkachuʼ nʉnkwa» (Efesios 5:33).

Ʉnkaʼchwi neykari azi kawi dinhuzoyamʉ kawʉnno.

• Efesios 5:22-29

  Cheyrwari urakʉseʼri ingumʉ́n azi zano aʼzari zoyamʉ kawa ni awiri azey aʼmiari du dú key aguzari zoyamʉ kawa ni. Iwa aʼmiari cheyrwa twiré reʼkʉyamʉ kawa ni.

• Colosenses 3:19; 1 Pedro 3:4

  Ʉnkaʼchwi neykari dinhaguzari du dú ʉnkeykwa.

• 1 Pedro 3:1, 2, 7

  Ʉnkaʼchwi neykari osʉn dinhachuʼ nari dinhuzoyamʉ kawa ni.

• 1 Timoteo 5:8; Tito 2:4, 5

  Cheyrwari urákʉseʼ inʉ kʉɉúnʉya neykari reʼtakamʉ kawa ni. Iwa aʼmiari urakʉseʼri ínʉri du chwʉnʉngwa aʼzanamʉ kawa ni.

«Gʉmʉsínʉri ʉnkumʉcha awkwéy keyʼ nari ʉnkʉmasaykwa. Jeuwaseʼ eméy kawi gwamʉ ʉnkawí inéysʉkwa wasʉyáy kawi zʉʼn gwamʉ ʉnkawíʉkwa» (Efesios 6:4).

Gʉmʉsinʉ kʉnʉna neykari azi nikamʉ winkawʉnno.

• Deuteronomio 6:4-9; Proverbios 22:6

  Gʉmʉsinʉ mikʉnanʉndi, ingʉ́ kawi kingwi du chwey iʼba kinki ʉnkʉnari, Jeuwá taʼ naʼnó aʼzari kaʼmʉkana awkwéy kʉnanʉngwasi, aʼzawí zoyamʉ mikawa ni.

• 1 Pedro 5:8

  Achʉ́nari gʉmʉsinʉ chow ʉnkaʼchwamʉ kawa ni, zi aʼzi atʉnha neki ukumiza name.

• Jeremías 30:11; Hebreos 12:9-11

  Gʉmʉsinʉ gwamʉ ʉnkawiawa meʼzanʉngeʼri, oʼ meʼzari gwamʉ ʉnkaʼwiuʼ nʉnkwa.

«Achʉna mikʉyʉʼkin ʉnkaʼnosi zweykwa» (Efesios 6:1).

Iari achʉna mikʉyʉʼkin ʉnkaʼnokamʉ mikawʉnno.

• Proverbios 23:22-25; Colosenses 3:20

  Mikeykumʉyʉʼkin nʉnóʼkʉngeʼri, Jeuwá awiri achʉ́nari kwagwi riwanʉngwa ni.

• 1 Corintios 15:33

  Jeuwá sí aʼzʉna neyka zʉʼn ɉúnʉkʉnʉ kʉníkʉkwa. Ey unigeʼri, dunari zweykwari ingumʉ́n nánʉkin mikʉnanʉngwa ni.