«Oʼkʉtʉ di aʼzʉna kʉnusiri, íngunʉn di zari zoyá zʉna ni, aʼkwa kukwéy neʼkʉ minhuzweykwari, eymari pinnaseʼ kaʼchonáʼkʉchʉ auʼ neyka ni» (Mateo 7:14).

Íkʉri Niwipáw kaʼmʉkariwa í zoyeʼki, iari aseʼri kwa gunti aʼchuʼ nanʉnno.

• Mateo 7:21-23

  Niwipawri aseʼ aguzʉnáy kawi uzweyʼ neykari kwa neki aʼchuʼ neyka ni.

• Mateo 7:13, 14

  Niwipáw du kaʼmʉkanʉyari aʼkwa winkwʉngwa ni, auʼ neykari awkwéy winʉkʉnanuʼ nanʉngwa ni.

• Mateo 7:16, 17

  Bibria nʉriwía zʉʼn nawʉn gunti, bemari Niwipawseʼ aguzʉnáy kawi zwein nuga nanʉnno meʼzanuʼ nʉngwa ni. Niwipawseʼ aguzʉnáy kawi kaʼmʉkanʉn nugame, du zoyʉn meʼzari nʉɉwaʼsa awiza ni.

• 1 Tesalonicenses 2:13; 2 Timoteo 3:16, 17

  Bibriaseʼ taʼ yunó meʼzariri, eymʉnkeʼ yáy zʉʼn zawiʉkwa.

• Mateo 4:10; Juan 17:6

  Jeuwá nʉʼkin kaʼmʉkariri, a zakaʼcho kinki awkwa.

• Juan 13:35

  Dikin diguzánʉkwa.

• Juan 3:36; Hechos 4:12

  Jesú ʉnkaʼnóʼkʉkwa. Niwipawri Jesusin niwínkwʉya ni.

• Juan 18:36; Hechos 5:29

  Niwipawseʼ Reʼgukʉngwasi Chusana zʉʼn twiré keykwa.

• Mateo 6:10; Marku 13:10

  Niwipawseʼ Reʼgukʉngwasi Chusana zʉʼn chʉwizanámʉri, niweʼkʉchunha awkwéy kʉnʉna ni, key áɉwari aʼzawiʉkwa.

Niwipawseʼ aguzʉna zʉʼn unikʉn mingwásiri, azi nikamʉ mikawʉnno.

• Santiago 2:19

  Niwipawri kwʉyáy ey agwakuʼ nʉnno, meʼzʉn zʉʼn awamʉ kauʼ neyka ni. Bibriari Jeuwá zʉ gaʼkʉnamʉ name, ayáy ʉnkuzoyamʉ niwikawa ni.

• Isaías 52:11; Apocalipsis 17:5

  Niwipáw kaʼmʉkariwa winyeyka kwa «Powru Babironia Awʉnkawa» awgari, Niwipawseʼ aguzʉnáy kawi zawiuʼ neyka ni. Íkʉri wicha neʼ awʉnki ánugwe nari kwʉn nuga ni kwa gʉnsin ɉinaseʼ chʉwi aʼkusi kwʉya ni neki í zawiʉya ni.

• Apocalipsis 18:4, 8

  Jeuwari ta zawiuʼ winneykari, bin zanuʼgwi kʉchunha awʉngwa ni. Ey ʉwameʼ, eméy nari zoyari twiré keyʼ nanamʉ mikawa ni.

• Marcos 10:28-30, TNM

  Áɉwari Jeuwá kaʼmʉkana unari minhachuʼ nari buníʼgʉmʉ meʼkusi nenʉngeʼki, Jeuwari ikʉnʉ michusa neki auʼ nanʉngwa ni.