«Éymari ɉe naʼkinó, ɉwa ʉnkʉsa awkweyri nʉkʉnanuʼ kinno» (Hechos 8:36).

Azi name awiri azi nisi ɉwa ʉnkʉsamʉ kawʉnno.

Ɉwa nʉnkʉsa ʉweʼri, meʼzʉnákʉchʉ ʉnniʼkuʼ nari, Niwipawseʼ aguzʉnáy kawi zʉʼn zweykwa gwasi ey awga ni.

• Mateo 28:19, 20

  Jeuwá kaʼmʉkari zweykwásiri ɉwa ʉnkʉsamʉ kawa ni.

• Salmo 40:8

  Ɉwa ʉnkʉsa ʉweʼri, Niwipáw kaʼmʉkana awʉn aʼɉuná nigʉn niwinzʉn ʉwa ni.

• Marku 1:10, 11

  Ɉwa ʉnkʉsʉngeʼri, Jesú ɉwa ʉnkʉsíe ukumanaygwi yow meʼténʉkin ɉeseʼ ʉndeʼkʉ nika awamʉ kawa ni.

«Niwipáw kaʼmʉkanʉkwari, a niwikʉyáy zweykwa gwasi ey awga ni; ari awkwéy niwikʉnanuʼ neyka neki awkwa niwikeyʼ neyka ni» (1 Juan 5:3).

Jeuwá kaʼmʉkari zweykwa naʼbari, iari mowgá meʼzanamʉ kauʼ nanʉnno.

• Salmo 103:14; Isaías 41:10

  Ʉnkʉreʼbekumawa gwʉn nawʉndi, meʼzanamʉ kauʼ neyka ni. Jeuwá niwingunámʉsa ʉwa name.

• Colosenses 1:10

  Jeuwá kaʼmʉkana awʉn meʼɉunʉngeʼri, ʉnkʉreʼbékuma auʼ nʉnnawe meʼzanʉkwari, awarín nikʉngwa ni.

«Ma miguzʉnáy kawi mikaʼmʉkariweʼri, azi kwa riwanawe, mari Nʉpáw naʼnó minhaʼchwi, migaʼkʉnámʉri anugweseʼ naʼnisi kinki zoriwa ni» (Salmo 40:8).

Ɉwa ʉnkʉsuʼ kíngwiri, azi nikamʉ kawʉnno.

• Juan 17:3

  NIWIPÁW ZɄ GAʼKɄNAMɄ REʼZAWÍA AWKWA

  Jeuwá awiri Jesukrísturi du ɉwaʼsa awamʉ kawa ni. Ikʉnha du nʉɉwaʼsa unigeʼri, ingumʉ́n kaʼmʉkana awʉn meʼɉuná awʉngwa ni.

• Hebreos 11:6

  NIWIPÁW SÍRI TAʼ NAʼNÓ MEʼZÁNɄKWA

  Jesukrísturi niwinkwi, wichana naʼnó meʼzanamʉ kawa ni awiri Niwipáw zʉ gaʼkʉnamʉ ta naʼnó meʼzanamʉ kawa ni.

• Hechos 3:19

  ɄNKɄRIGɄNCHONA AWKWA

  Du nikuʼ nari zoyana nanʉndi, iari eméy níkʉkwa nʉgʉnchoríe meʼzánʉkwa.

  DU NARI ZWEIN NɄNGWA MEʼZÁNɄKWA

  Du nanuʼ neykari ʉnchusa awiri duna neyka zʉʼn nikʉnʉngwa meʼzánʉkwa.

• 1 Pedro 4:2

  NIWIPÁW SÍ DINHAʼWE AWKWA

  Jeuwá sí dinhaʼwe awáy meʼzari, gwamʉ ʉnkaʼsisa awiri a kaʼmʉkari zweykwari, ingumʉ́n nʉkaʼzʉna naʼnó meʼzari zweykwa gwasi ey awga ni.