«Yow Gaʼkʉnamʉ aʼnikwʉn nugari Niwipawseʼ niwikugaʼsana ni» (2 Timoteo 3:16).

Iari Bibriari ribrúkʉchʉ nanuʼ nanʉnno.

Bibriari diwʉ́n diwʉ́n aseykumʉya 2.800 ingumʉ́n nánʉkin reʼzagikumana kwʉn nuga ni.

Gaʼkʉnamʉ aʼnikwʉn nugari aɉwa ribruséʼ kʉ́chʉ aʼnikuʼ neyka ni.

• 1 Tesalonicenses 2:13

  Bibriari Niwipawseʼ aʼsʉn gwaʼsana ni.

• 2 Pedro 1:21

  Wináʼsʉya ɉinari Niwipawseʼ igunámʉsa una ni, a arúnhʉya neyka kʉgawʉngwasi.

«Niwipawri [...] digasaykwéy kʉnanuʼ neyka ni» (Tito 1:2).

Bibria taʼ yeyka ná niweʼzanʉnno.

• Isaías 44:27–45:2

  Powru Babironia zaʼkinugari, eméy nisi kʉchona awʉngwa ni, Bibriaseʼri birin pari aʼnikwana nʉnna ni.

• 2 Timoteo 3:1-5

  Bibriaseʼ eméy zanʉngwa ni aʼnikwʉn nuʼnari ayéy anʉnchori zwein nuga ni.

• Números 23:19

  Bibriaseʼri eméy zanʉngwa aʼnikwʉn nugari ayéy ʉnchona awʉngwayná niweʼzʉna ni.

«Nʉʼn, Jeuwá, Mipáw nawin, Ma kingwi mikaʼmʉkana awʉngwasi meʼzawiʉya» (Isaías 48:17).

Bibriaseʼ inʉ nʉnkʉriwiaki nuga no.

• Job 26:7; Isaías 40:22

  Gaʼkʉnamʉ sientífikuseʼ eméy auʼ nó agʉnchona ʉwari Bibriaseʼri akingwi aʼnikwʉn nuga ni.

• Números 20:2-12

  Bibria winaʼsana ɉinari nanʉyʉʼkin winaʼsa una ni.

• Mateo 5 kʉnowkwa pari 7kin

  Jesuri zeyzey niweʼzanʉngwasi, iʼngéygwisin du zwein niwingwasi, Niwipáw gwamʉ ʉnkaʼsisʉn niwingwasi awiri ɉwiri eméy kawi uzoyamʉ nʉkawaná niweʼzanʉngwasi niweʼzawía una ni.

«Niwipáw zʉ gaʼkʉnámʉri chʉká aʼzariri, ɉumamʉ kʉnʉna neyka ni» (Hebreos 4:12).

Niwipáw zʉ gaʼkʉnámʉri azi nisi mingunámʉsa awʉnno.

• Niwipawri eyméy zaʼkusʉngwaná meʼzʉn awʉngwa ni.

• Nʉʼn kingwi eyméy nawaná meʼzanʉngwasi mingunámʉsa awiza ni.

• Niwipawri eyméy nikʉndi nʉnwʉna ni meʼzanʉngwasi mingunámʉsa awiza ni.

Niwipawri Bibria niwiguzariri, du aʼgwa awiri ʉnkʉriwía awʉndi niwínwʉna ni.