«Nanʉyʉʼkin winnóʼkʉya ɉinari kaʼgʉmʉ winipana awiri áʼkwakin winkwʉngwa ni» (Salmo 37:29).

Niwipawri niwizey nari azi nikʉngwa nanʉnno.

• Génesis 1:28

  Niwipawri, íkʉri Kaʼseʼ yow paraísu záʼkusa awizanʉndi aʼzarín awiri anáʼnuga du chwanʉndi aʼzʉnna ni.

• Isaías 46:9-11; 55:11

  Niwipawseʼ eméy awʉndi aʼzʉnnari ʉnchunha awʉngwa ni, bemaseʼ auʼ nʉn keyʼ neyka name.

«Kaʼgʉ́mʉseʼ pinzʉnayri Ikʉnúsiseʼ gunti reʼgukʉn nuga ni» (1 Juan 5:19).

Kaʼgʉ́mʉseʼ reʼgukʉn nugari inʉ nanʉnno.

• Juan 12:31

  Jesuseʼri Ikʉnúsiri kaʼgʉ́mʉseʼ reʼgukʉn nuga ni wáseyna ni.

• Santiago 1:13-15

  Ikʉnusiseʼri inʉ azey ni kauʼ neyka apáw kʉnika awʉn aʼɉunna ni.

• Génesis 2:17; 3:1-6

  Ikʉnúsiri Ewa kʉrigasey una ni. Adán awiri Ewa Niwipáw aʼnoʼkuʼ nʉn uname wicha una ni.

• Romanos 3:23; 5:12

  Adán kuzʉn una tinpari wíchʉkwa niwikichori zwein nuga ni.

• 2 Corintios 4:3, 4

  Ikʉnúsiri ikʉ kʉrigásʉya ni.

«Ma Reʼgukʉngwasi Nʉchusana nakʉngwaʼsa ú. Ma meʼzʉnáy kawi kaʼseʼ [...] du zanika awʉngwasi» (Mateo 6:10).

Jeuwaseʼ ayéy ʉnchunha awʉngwásiri, azi nikʉngwa nanʉnno.

• Daniel 2:44

  Niwipawseʼ Reʼgukʉngwasi ʉnkaʼgunari iwa reʼgukʉn nugari kʉchunha awʉngwa ni.

• Apocalipsis 16:14-16

  Du nanuʼ neykari Niwipawseʼri Armagedonseʼ kʉchunha awʉngwa ni.

• Isaías 9:6, 7

  Jeuwari Jesukristu ʉnkaʼguka una ni Sakuku nari reʼgukʉn nukʉngwasi. Ey ʉwameʼ, kuʼnawaʼkʉ pari reʼgukʉn nukʉngwa ni.

«Ari bema neki igunámʉsa awʉn aʼɉuna ni awiri igunámʉsʉkwa kawari igunámʉsa ʉwa ni» (Salmo 145:16).

Niwipawseʼ Reʼgukʉngwasi Chusanari azi nikʉngwari nanʉnno.

• Salmo 46:9

  Ʉnkapari, zagwasi, zi reʼzi azoyari ʉnzanuʼ nanʉngwa ni.

• Isaías 32:18; 65:21-24

  Kaʼgʉ́mʉseʼ yow du zanika unigeʼri, urakʉ awiri wértʉnseʼ du zari, tanʉ gunti niweʼzanʉngwa ni.

• Salmo 72:16

  Zámʉri ey gunti niwikʉnanʉngwa ni.

• Isaías 11:6-9

  Ikʉ awiri anaʼnuga tanʉ aʼzari kwʉngwa ni.

• Isaías 33:24; Hechos 24:15

  Wichamʉ kuʼ nanʉngwa ni, wichanari chʉká zanika awʉngwa ni.