«Cheyrwa zʉ gʉmʉsínʉri [...] pinnazey nari wicha awʉn nusi niwinhaʼguka una ni» (Mateo 20:28).

Iari niwinhaʼguka awiza neykari niwikʉɉúnʉya gunti nanʉnno.

• Génesis 3:17-19

  Adán Jeuwá aʼnanoʼkuʼ nʉn anawi nareʼri, a zʉ ɉúnʉkʉnʉ neki nanuʼ nʉʼn awiri kuzanika una ni. Ey ʉwameʼ, Paraísu pari anawite una ni.

• Romanos 5:12

  Adán kawi zʉʼn niwikuzánuga anariri wíchʉkwa niwikichónʉya ni.

• Efesios 1:7

  Jeuwari niwikuzánuga awiri wíchʉkwa nigari, aseʼ niwinhaʼgukʉngwasi niwikugaʼsanasin niwinhaʼgúkʉya ni.

«Niwipawri Agʉmʉsinʉ aya nʉʼkin kʉnʉna kaʼgʉ́mʉseʼ gaʼsa una ni, ey ʉwameʼ kʉʼchwi, níwiri eymí pari aʼkwa kukwéy niwikʉnanʉn gwasi» (1 Juan 4:9).

Niwinhaʼguka ukumʉngwásiri, Jeuwari azi níkʉkwa kʉzare.

• Salmo 49:7, 8

  Iʼngwiseʼ kineki Adanseʼ aʼkwa kwʉngwa nʉnna izatisana chʉʼkari zasana awkwéy neki kʉnanuʼ nʉnna ni.

• Luka 1:35

  Jeuwari Agʉmʉsinʉ ikʉ zana nari kwákuma awʉngwasi Kaʼseʼ gaʼsa una ni.

• Romanos 3:23, 24; Hebreos 9:24

  Jesukristu chʉká anaʼzanika anowyeʼri, kuʼnawa ʉnzoya una ni. Éykʉri niwinhaʼgukʉn naka una neykari, Niwipawseʼri aʼmʉkana auʼ nare aʼzʉn awʉngwasi.

«Awiri mawkwa neyka kuʼ nanʉngwa ni, eygwi neki awichuʼ nanʉngwa» (Apocalipsis 21:4).

Niwinhaʼguka una neykari azi naʼbari niwikaʼmʉkana awʉnno.

• 1 Juan 1:8, 9

  Gwamʉ niweʼkwʉya ni.

• Hebreos 9:13, 14

  Niwipawsin tanʉ niweʼzanʉkwéy neyka ni.

• Romanos 6:23

  Aʼkwa kukwéy niwikʉnariza ni.

• Gálatas 2:​20

  Jeuwá awiri Jesukristu niwinhaʼguka una neykari, niwinhaguzʉname ey niʼna ni.

«Niwipawri [...] Gʉmʉsinʉ gaʼsa una ni, taʼ naʼnó aʼzʉn ʉwa neykari [...] aʼkwa kukwéy kʉnanʉngwasi» (Juan 3:16).

Niwipawri niwinhaʼguka uname, azi nisi zeynari ni niweʼzʉna chwizʉnhásʉko.

• Juan 17:3

  Jeuwá awiri Jesukristu du ɉwaʼsa awiri ayeygwi nikʉn nʉngwa meʼzánʉkwa.

• Luka 22:19

  Jesukristu Wichana Rigʉnchunhasi kʉgi zʉnʉkin ʉnníʼkumʉkwa.

• Juan 3:36; Santiago 2:26

  Jesukristu síri taʼ naʼnó naʼzʉna ni zʉʼn yuʼ nari. A azi zawía unʉndi ayéy zori kwʉnʉngwa meʼzánʉkwa.