1, 2. Jewba tañi eipin mülelu Isaías 65:16, 17 mu, ¿chumngechi kellukeiñmu newentuleal?

¿ACORDAIMI cai chem pilefui ti fütra trahun 2017 tripantu mu? “¡Afeluwkilnge!” pingefui. Feita mu ngülamtungeiñ chumngechi aguantayafuiñ rupaliyiñ rume huesaque dungu mu. Rume cümei feitachi ngülam. Famülque mu ruparupangei huesaque dungu fei duamniefuiñ taiñ nehuencüleal.

² ¿Chem huesaque dungu rupaimi? ¿Lai quiñe tami familia cam quiñe hueni? ¿Cutrancüleimi? ¿Füchaimi? ¿Quiñe fütra cürüftucu mahun cam fütra terremoto chi rupaimi? ¿Huesalcangeimi chi cam inantucungeimi chi? Ñi miyahun ti cutran COVID-19, ¿rume cutrancaucülepelaimi? Maneluucüleiñ ñi acual chi antü ngehuelayai huesaque dungu, fei ngoimanentuafiyiñ com taiñ cutrancaqueteu. Biblia feipi: “Fei inei rume ayüle ñi llohual cümeque dungu Mapu mu, fei Chau Dios manelfalngelu cümelcayaeyu. Cafei Mapu mu, inei rume feipicünule ñi femal quiñe dungu, tati manelfalngechi Chau Ngünechen feipicünuafi. Com ti hueñancün dungu ñi rupaquefel cuifi, ngoimanentungeai. Ellcaleai iñche tañi nge mu. ¡Tüfei! Iñche deumayan hue huenu ca quiñe hue Mapu. Fei tati cuifique rupan dungu ngoimacünungeai, ca piuquentucungelayai rume” (Isaías 65:16, 17).

3. ¿Chumaiñ bewla, ka chemu?

³ Felei llemai, famülque mu rupaqueiñ huesaque dungu mu. Huelu cüpalechi antü doi huesaque dungu rupapelayaiñ (Mat. 24:21). Feimu rumel nehuencüleaiñ, fentecünulayaiñ. ¿Chumngelu? Jesús feipi afeluunoliyiñ, montuaiñ (Luc. 21:19). Inaduamliyiñ chumngechi ñi aguantan caquelu che, quelluaiñmu taiñ afeluunoal rupaliyiñ huesaque dungu mu.

4. Jewba doi newentuleki, ¿chemu eipiabüiñ tüba?

 ⁴ ¿Inei doi inayentufali tañi aguantan mu? Jehová llemai. ¿Chumngelu? Raquiduamnge tüfa. Huecüfü ngüneniei tüfachi Mapu fei com püle mülei huesaque dungu. Jehová pifule, chumül rume apümcayafui huesaque dungu, huelu petu femlai. Jehová elcünui quiñe antü ñi apümcayafiel (Rom. 9:22). Fei petu ñi acunon feichi antü, Chau Jehová afeluulai. Peafiyiñ ailla dungu Jehová tañi aguantalen.

5. ¿Chumngechi yamkelabi Bücha Chaw tañi üi? ¿Chumngechi duamelkeiñmu?

⁵ Huesa dunguyengei Jehová tañi üi. Jehová rume falintuquei tañi üi, fei ayüquei ñi yamniengeal (Isa. 42:8). Huelu fentren tripantu mu yamngequelai (Sal. 74:10, 18, 23). Jardin de Edén mu, Huecüfü coila mu dalluntucufi ta Chau Dios. Fei feipi Jehová pilai ñi nieal ta ayühun Adán engu Eva (Gén. 3:1-5). Fantepu mu ca femngechi dalluntucungequei ta Chau Dios. “Ngünechen pilai ñi ayüucüleal ta che” pingequei. Jesús rume preocupaucülefui ñi huesa dunguyengequen Chau Dios tañi üi, feimu feipifi tañi pu discipulo ñi famngechi llellipual: ‘Taiñ Chau Ngünechen huenu mülelu, yamniengepe tami üi’ (Mat. 6:9).

6. ¿Chemu Jewba elkünoki upaal bentren küyen tañi pengelal kidu ngünenelu wenu ka mapu mu?

⁶ Fentren che pilai ñi ngünenieaeteu Chau Dios. Jehová müten felei ñi ngünenieal com mülelu huenu mu ca Mapu mu. Inei no rume doi cüme ngünenielayafui (Apoc. 4:11). Huelu ti Huecüfü raquiduamelfi pu cümeque püllü ca tati pu che Chau Dios felelai ñi ngünenieal com dungu. ¿Tunten tripantu rupayafui ñi pengelal Huecüfü ñi coilatuquen? ¿Pichin tripantu müten? Femlai, fentren tripantu llemai. Feimu Jehová elufi tati pu che ñi quisutu ngüneniehual. ¿Chum tripaquei ñi femün engün? Huesa tripaquei llemai (Jer. 10:23). Fente ñi aguantalen mu ta Jehová, com tati pu che quimai Jehová müten ti doi cüme gobernantengei ca ngünenietule, rüf cüme feleaingün tati pu che.

7. ¿Iñi engün wentruwli Jewba mu? ¿Chumai kidu?

⁷ Jehová tañi poyequefeteu famentueyu. Jehová cüme deumafi tati pu püllü ca tati pu che, niequelaingün ta culpan. Huelu Satanás famentufi ta Jehová. Fei ca femngechi hueluraquiduamelfi ta Adán engu Eva. Rupai chi antü fei caquelu püllü ca caquelu che ca famentufingün ta Jehová (Jud. 6). Quiñeque israelita ca famentufingün ta Jehová ca eluhuingün ñi poyeafiel coilaque dios (Is. 63:8, 10). Traicionangelu troquiupelai ta Jehová. Felefulu rume, Chau Jehová nehuentulei. Fei acuai chi antü ñi apümcayafiel com tañi pu famentuqueteu. Fei ngehuenole engün, Jehová ca tañi pu poyequeteu rume ayüucüleaingün.

8, 9. ¿Chem koila dungu eipingeki Jewba mu? Beimu, ¿chem wiñoldunguabüiñ?

⁸ Huecüfü re coilatulequei. Job ñi antü meu, Huecüfü feipi com tati pu che serfiquefi ta Jehová re tañi cümelcayaeteu müten (Job 1:8-11; 2:3-5). Fachantü, Huecüfü amulei ñi coilatulen (Apoc. 12:10). Iñchiñ cai, ¿chumngechi quimfalcünuafuiñ Huecüfü ñi coilatulen? Rupaliyiñ huesaque dungu mu, nehuencüleaiñ fei fentecünulayaiñ taiñ poyefiel Jehová. Jehová cümelcafi ta Job tañi aguantan mu. Fei iñchiñ Job reque femliyiñ, Jehová ca cümelcayaiñmu (Sant. 5:11).

 ⁹ Huecüfü adniefi pu loncolechi religioso ñi coilatucheal Chau Dios mu. Tüfa tañi feipiqueel engün: “Chau Dios quiñe huesa Diosngei, fei ñi duam mu ta cutrancauqueiñ iñchiñ”. Cafei lan mu quiñe pichiche feipiqueingün: “Chau Dios yetueyu huenu mu, duamniefui quiñe angel” piqueingün. Rume huesa dunguyengei ta Jehová, huelu quimnieiñ ñi coilangen tüfa. Fei ¿chumafuiñ? Contueliyiñmu quiñe huesa cutran cam lale quiñe taiñ hueni cam familia, turpu culpatulayafiyiñ ta Jehová. Huelu mai maneluucüleiñ ñi ngehuenoal ta cutran ca ñi huiñomongetual pu layelu. Fei com che ta quimelelafiyiñ Chau Dios taiñ rüf piuqueyenieteu. Taiñ femün meu, Jehová quimfalcünuafui ñi rüfngenon Huecüfü ñi feipin (Prov. 27:11).

10. Salmo 22:23, 24, tañi eipin, ¿chem kimelelkeiñmu Jewba mu?

¹⁰ Jehová tañi pu che cutrancaumequei. Iñchiñ sufriqueiñ fillque dungu mu. Contuafeiñmu quiñe cutran, caiñetuafeiñmu pu che cam taiñ culpanchengen mu rume cutrancauqueiñ. Jehová cutranpiuqueyechequei, fei pefiel taiñ cutrancaumequen hueñancütuqueiñmu. Biblia feipi: “¡Eimün, pu yamniefilu ta Jehová, püramyeafimün! ¡Com eimün, Jacob tañi pu cüpanche, püramyeafimün! ¡Com eimün, Israel tañi pu cüpanche, afmatulehuemün Chau Dios mu! Fei mai ta famentuquelafi ca illamcaquelafi rume ñi cutrancaumequen tati huesalcangelu. Cafei furiñmaquelafi rume. Feiti huesalcangelu huirari ñi quellungeal, fei Chau Dios allcütueyu” (Salmo 22:23, 24). Chau Jehová rume ayüfui ñi apümafiel com taiñ cutrancaqueteu. Huelu re ayünielai tañi apümafiel, femafi tati (ca inaduamnge Éxodo 3:7, 8; Isaías 63:9). Acuai chi antü com pu che “ancümüñmangetuai engün  tañi cülleñu, fei ngehuelayai ta lan, ngüman no rume, eyütun no rume, cutrantun no rume” (Apoc. 21:4).

11. Jewba tukulpabile tañi pu weni lalelu, ¿chum duamnagki?

¹¹ Ñi lan Jehová tañi pu hueni. Jehová rume ayüniei tañi huiñopetuafiel com tañi pu hueni lalu (Job 14:15). Rume echamenoquepelafi tañi hueni Abrahán (Sant. 2:23). ¿Tañi cüme hueni Moisés cai? Ca ayüniepelafui tañi huiñonütramcatuafiel (Éx. 33:11). Ca ayüniepelafui tañi huiñoülcantulelaeteu ta David cam caquelu salmista (Sal. 104:33). Com lafuingün rume Jehová tañi pu hueni cuifi mu, quisu ngoimaquelafi (Is. 49:15). Jehová acordaquefi caque quiñeque ñi chumngequefel engün. Tati Biblia pengeli com engün mongelei reque Jehová tañi raquiduam mu (Luc. 20:38). Cüpalechi antü mu, Jehová huiñomongeltuafi tañi pu hueni. Fei ca huiñoallcütuafi tañi llellipueteu engün ca rume ayühuai ñi huiñopüramyetuaeteu engün. Fei eimi layeluulimi, müna yafültucupelayafeimu tüfa.

12. ¿Chem doi kutranpiwkekebi Jewba bachantü?

¹² Ñi huesalcangen ta che. Culpalu ta Adán engu Eva, Jehová quimniefui tañi doi huesalcalerpual ti dungu. Famülque mu tati pu che quehuatufengei ca huesalcachequei. Jehová ayüquelai ta tüfa. Jehová cutrantupiuqueyequefi tati pu cuñifallcülelu ca tati pu lantulu (Zac. 7:9, 10). Cafei caiñetungen mu Jehová tañi pu che cam carceltucungen mu engün, rume hueñancüquei ñi piuque Jehová. Eimi, ¿femngechi dungu mu ta rupapelaimi fei Jehová reque aguantaleimi? Acordanienge: Jehová rume piuqueyenieimu.

13. ¿Chem wedake bemün peki Jewba kom pu che mu, ka chumai kidu?

¹³ Podngechi mongen yeniequei ta pu che. Iñchiñ taiñ chengen deumangeiñ taiñ inayentuafiel Chau Dios, huelu Huecüfü ayüniei taiñ femal podngechi dungu. Jehová pefilu ñi huesalcamequen tati pu che Noé ñi antü mu, “rume huesa duami tañi deumafiel meu ta huentru. Rume cutrantupiuquetui” (Gén. 6:5, 6, 11). Famülque doi huesalcalerpui ti dungu. Pu huentru cudumuuquei, pu domo cudumuuquei ca tati pu cureyeunolu cudumuuquei (Efes. 4:18, 19). Fei Huecüfü rume ayüuquei ñi pefiel tüfa. Doyelchi mai, rume ayühuai femngechi dungu mu culpale quiñe Jehová tañi pu che. Pichiñma mu Jehová apümcayafi com feitachi huesaque dungu, femngechi pengelcünuai ñi rume üdequefiel.

14. Ti pu che, ¿chumkebi mapu ka ti pu kulliñ?

¹⁴ Tati pu che huesalcaquefi tati Mapu. Famülque mu, pu huentru ngüneniefilu ti Mapu huesalcaquefi tati pu che. Huelu fei ca müten no. Jehová ca elufi pu che tañi cuidayafiel tati pu culliñ ca com tati mülelu Mapu mu, huelu femlaingün llemai (Ecl. 8:9; Gén. 1:28). Tati pu cientifico feipiquei fente ñi huesalcalerpun ti Mapu, cüpalechi antü mu doi fentren culliñ ca anümca ta ngehuelayai. Feimu peno fente preocupahui tati pu che. Huelu Jehová feipicünui ñi apümcayafiel com pu huesalcamequelu ti Mapu, fei ñi cüme elcünungetual. Feimu llemai ta mañumtuniefiyiñ (Apoc. 11:18; Is. 35:1).

15, 16. ¿Chem doi altrokünoaiñmu newentuleal Jewba iñchiñ? Eipinge kiñe ngütram.

¹⁵ Fentren tripantu mu Jehová aguantalei ti huesaque dungu ñi ruparupangen Mapu mu (inaduamnge ti huichulechi dungu “ ¿Chem huesaque dungu  petu aguantalei Jehová?”). Jehová pifule, pürüm apümafui. Huelu ñi nehuentulen mu ta Jehová müna quelluqueiñmu. Raquiduamaiñ tüfachi pengelün dungu. Quiñe huentru tañi domo engu feipingei tañi nieal quiñe pichiche. Ca feipingeingu tañi cutrancülen cüpayal tañi pichiche. Fei “choyüngele, pichiñma müten mongeleai” pingeingu. Femlu rume, quisu engu ayühunquechi esperaniefi. Ti chau ca ti ñuque cüdaungechi dungu mu rupayaingu, huelu fente ñi piuqueyefiel mu tañi pichiche afeluulaingu ca cüme cuidafingu.

¹⁶ Iñchiñ feiti pichiche reque feleiñ, choyüngelu müten culpafechengeiñ. Felefuliyiñ rume, Jehová rume piuqueyenieiñmu ca cuidaniequeiñmu (1 Juan 4:19). Feiti chau ca ti ñuque apümüñmalayafui ti cutran ñi nieel tañi pichiche. Huelu Chau Jehová llemai apümcayafui com taiñ cutrancahun ca elcünui quiñe antü tañi femal (Mat. 24:36). Feimu, Chau Jehová fente taiñ piuqueyenieteu aguantalei. ¿Ca aguantalenoafulu am iñchiñ?

17. Hebreos 12:2, 3 tañi eipin Jesu mu, ¿chemu newentukeiñmu?

¹⁷ Jehová inayentufali tañi nehuentulen mu. Fei Jesús mülelu Mapu mu, aguantai Jehová reque. Iñchiñ taiñ duam mu huesa pingequefui, illamcangequefui ca langümngei cütu quiñe orcon mamüll mu (Heb. 12:2, TNM; papeltunge Hebreos 12:3). Jehová ñi femün quellufi ta Jesús. Fei ca femngechi iñchiñ quelluafeiñmu.

18. 2 Pedro 3:9 tañi eipin, ¿chumngechi kelluabi (ingkaabi) bentrenke che Jewba tañi ñochiduam?

¹⁸ (Papeltunge 2 Pedro 3:9). Jehová cüme quimniei chem antü mu ñi apümafiel ti huesaque dungu. Petu ñi femnon, fentren che petu quimürpueyu, piuqueyerpueyu ca serfinierpueyu. Com engün mañumcülepelai Jehová tañi aguantalen mu. Pichiñma mu, quimfalcünungeai rume cümei Jehová tañi aguantan. ¿Chumngechi quimfalcünungeai tüfa? Pütrüquen che montulngeai ca rumel mongeleaingün.

19. ¿Chumaiñ iñchiñ? Ka, ¿chumngechi kulliaiñmu Jewba?

¹⁹ Huesaque dungu rume femquelu tati Huecüfü, Jehová ayüucülequei (1 Tim. 1:11, TNM). Iñchiñ rupaliyiñ rume huesaque dungu mu, ca ayüucüleafuiñ Jehová reque. Feimu ayühunquechi esperanieafuiñ Jehová ñi ngünenieafiel ti Mapu, fei ñi yamniengeal tañi üi ca ñi apümcangeal ti huesaque dungu. Feimu llemai, eluucüleaiñ taiñ aguantayal ca loncontucuaiñ Jehová ñi aguantalen iñchiñ reque. Femngechi femliyiñ, ayüucüleaiñ ca afeluulayaiñ rupaliyiñ rume huesaque dungu mu. Fei cüpalechi antü meu, Jehová eluaiñmu taiñ rumel mongeleal (Sant. 1:12).