1. ¿Chumi Jewba kake kiñeke iñchiñ mu?

¿CHUMNGECHI am quimürpuimi ti rüf dungu fei testigongerpuimi? Tami chau cam tami ñuque nütramcapelaeimu Chau Jehová mu. Cüdau cam colegio mu tami pu compañ ca nütramcapelaeimu. Cam tami ruca mu amuldungulelngeimi chi (Mar. 13:10). Amuldungulelngelu eimi doi ayüimi tami quimal, fei quiñe che eluhui tami enseñalelaeteu Biblia. Femngechi quimürpuimi Chau Jehová tami piuqueyenieteu, fei eimi ca piuqueyerpufimi. Feimu Jehová cüpaleimu quisu mu, fei maneluucüleimi tami rumel mongeleal (Juan 6:44). Fei llemai, Jehová adniefi quiñe che tami quimeltuaeteu Biblia, fei llohueimu quisu tañi troquiñche mu. Mañumcülepelafuimi.

2. ¿Chem peaiñ tübachi kimelün mu?

² Deu quimfilu iñchiñ ti rüf dungu, quelluafuiñ ta caquelu che taiñ quiñentrür poyeafiel Jehová. Rume falin-ngei tüfa. Iñchiñ cüdautulayafuiñ chi taiñ amuldungulelafiel pu che, huelu cüdautuafuiñ chi taiñ feipiafiel pu che taiñ enseñalelafiel Biblia cam quimlayafuiñ chi chumngechi taiñ enseñalelafiel engün. Femngechi dungu rupaliyiñ, müna quelluafeiñmu tüfachi troquiñ. Inaduamaiñ chemu am quelluquefiyiñ tati pu che ñi discipulongerpual. Ca peaiñ chem catrütuafeiñmu taiñ enseñalelafiel ta Biblia tati pu che. Ca peaiñ chumafuiñ femngechi dungu mu taiñ rupanoal. Hunelu mu, peaiñ chumngelu amuldunguchelayaiñ müten, ca mülei taiñ enseñayafiel ta che ta Biblia.

3. ¿Chemu amuldungumekeiñ?

³ Jesús mülepalu Mapu mu, huercüfi tañi pu discipulo ñi femal epu dungu. Hunelu mu, mülefui tañi amuldungual Jehová tañi Gobierno mu. Quisu feipifi ñi chumngechi femal engün (Mat. 10:7; Luc. 8:1). Feipifi ñi chumal engün cüme lloungele cam cüme lloungenole engün (Luc. 9:2-5). Ca feipifi ñi chumte puhual ñi amuldungun engün (Mat. 24:14; Hech. 1:8). Chumngechi lloufelieyu rume tati pu che, mülefui ñi amuldungual ñi chumal Jehová tañi Gobierno.

4. Mateo 28:18-20 tañi eipin, amuldungumeliiñ ti Ngüneneel ti werken dungu, ¿ka chumaiñ?

⁴ ¿Ca chem mülefui ñi femal Jesús tañi pu discipulo? Mülefui tañi enseñayafiel ta che com tañi mandaeteu ta Jesús. Quiñeque che feipiafui: “Tati hunenque cristiano müten mülefui ñi amuldungual ca ñi enseñacheal”. ¿Rüfngepei mai? Femlai. Jesús feipi ñi ca femngechi femngeal feitachi falin cüdau iñchiñ taiñ antü mu (papeltunge Mateo 28:18-20). ¿Chumül feipi tüfa? Feichi peufaluulu Jesús 500 tañi pu discipulo mu (1 Cor. 15:6). Cafei chumngechi ñi pengelelfiel ta Juan, Jesús ayüniei com tañi pu discipulo ñi quelluafiel caquelu che ñi quimafiel ta Jehová (Apoc. 22:17).

5. ¿Chem dungu eipi Pablo 1 Corintios 3:6-9 tañi pengelal kiñe yepan amuldungun mu ka kimeltual?

⁵ Pablo trürümfi taiñ amuldungun cüdau taiñ chumngechi anümcaquen. Femngechi pengeli duamfalngelai taiñ re anümcayal müten, huelu mai taiñ ca hutrucoafiel. Feimu Pablo feipifi tati pu corintio: “Iñche ta quiñe nganlu reque, fei Apolos ta hutrucolu reque. Fei eimün ta Ngünechen ñi petu cüdahuelchi lelfün reque feleimün” (papeltunge 1 Corintios 3:6-9). ¿Chem quimeltueiñmu tüfa? Iñchiñ cüdaufe reque feleiñ Chau Dios ñi lelfün meu. Fei amuldungufiliyiñ tati pu che, nganqueiñ reque. Ca enseñaniefiliyiñ engün, hutrucoqueiñ reque (Juan 4:35). Huelu quimnieiñ Chau Jehová tremümquefi tati planta. Felei llemai, Jehová müten cüpalquefi tati pu che quisu meu.

6. ¿Chumki kiñe küme kimeltuchebe?

⁶ Iñchiñ quintuquefiyiñ tati pu che ayülu ñi rumel mongeleal (Hech. 13:48, TNM). ¿Chumngechi quelluafuiñ feitachi pu che ñi discipulongerpual? Cüla dungu femaiñ. Quiñe, quelluafiyiñ ñi rüf entendeal chem pin Biblia. Epu, quelluafiyiñ ñi rüf maneluhual engün feita mu. Ca cüla, quelluafiyiñ ñi inayal tañi quimürpuel (Juan 17:3; Col. 2:6, 7; 1 Tes. 2:13). Com ti trahunche quelluafui tati pu estudiante, ¿chumngechi? Trahun mu pengelelafuiñ taiñ piuqueyeniefiel ca taiñ duamtuniefiel engün (Juan 13:35). Iñchiñ enseñalfiliyiñ Biblia quiñe che, cüdautupelayafuiñ taiñ famentuñmayafiel ñi huesaque huimtun ca ñi huesaque feyentun (2 Cor. 10:4, 5). Quiñe estudiante müna alüñmayafui ñi cüme elcünutual ñi mongen fei ñi fautizahurpual. Huelu fentecünunoliyiñ taiñ quellufiel, ngünam cüdaulayaiñ.

7. ¿Chemu küdawkiiñ amuldungumeal ka kimelelabel pu che tañi discipulo ngepoal?

⁷ Iñchiñ fente taiñ piuqueyefiel mu ta Jehová, feimu amuldunguchequeiñ ca enseñachequeiñ. Raquiduamnge tüfa. Fente taiñ piuqueyefiel mu ta Jehová fill ruca püle ta amuldunguqueiñ. Ellaca mu cüdautufuiñ chi taiñ amuldungucheal.  Hue amuldungulu iñchiñ müllmüllcülepelafuiñ. Cüdautufuiñ rume, huelu femiyiñ. ¿Chumngelu? Quimnieiñ ta Jesús ayüniei taiñ femngechi femal. ¿Famülque mu cai? Müte cüdautuhuequelaiñ chi taiñ amuldungucheal, huelu ca mülei taiñ enseñalelafiel Biblia tati pu che. Raquiduamün mu tüfa, ¿llicalequepeiñ mai? Ngillatufiliyiñ ta Jehová taiñ quelluaeteu taiñ ofrecelafiel estudio tati pu che, quelluaiñmu llemai fei llicalelayaiñ. Com taiñ nehuen mu amuldunguliyiñ ca quimeltuliyiñ, pengelcünuaiñ taiñ piuqueyeniefiel ta Jehová (1 Juan 5:3).

8. Marcos 6:34 tañi eipin, ¿ka chemu kimelelbiiñ pu che tati rüb dungu?

⁸ Iñchiñ fente taiñ piuqueyefiel mu tati pu che, feimu enseñachequeiñ. Quiñe rupa, Jesús ca tañi pu inanieteu rume cansalefuingün fente tañi amuldungun engün. Duamniefuingün ñi cansatual. Fei petu ñi puunon cheu tañi cansatual engün, fentren che deu esperaniequeyu engün. Jesús pefilu feitachi pu che cutranpiuqueyefi engün, fei eluhui ñi quimeltulelafiel “fentren dungu” (papeltunge Marcos 6:34). ¿Chemu femi Jesús? Jesús quimniefui ñi cutrancaucülen engün. Ca duamniefuingün ñi yafültucungeal engün, fei eluhui ñi quelluafiel engün. Famülque mu, tati pu che huenche mu ayüucülelu quechilefuingün, huelu ca rupaqueingün huesaque dungu mu fei duamnieingün ñi yafültucungeal. Quisulechi ufisa quechilefuingün, inei no rume ta adnielaeyu. Ti apostol Pablo feipi feitachi pu che quimlafingün ta Chau Dios ca nielaingün ta maneluhun (Efes. 2:12). Fei engün concüleingün ti rüpü mu cheu ñi apümcangeal (Mat. 7:13, TNM). Quimfali llemai, tati pu che duamniei ñi quimal Chau Dios mu. Raquiduamliyiñ tüfa, cutranpiuqueyeafiyiñ engün ca eluhuaiñ taiñ quelluafiel. ¿Chumngechi quelluafuiñ engün? Feipiafiyiñ taiñ quiñentrür estudiayal Biblia.

9. Filipenses 2:13 tañi eipin, ¿chumngechi kelluabeiñmu (ingkaabeiñmu) Jewba?

⁹ Quiñeque mu müte ayüquelaiñ chi taiñ ofrecelafiel estudio tati pu che. ¿Chumngelu? Mülefui taiñ elcünual fentren tiempo taiñ pepicayafiel ti estudio ca taiñ enseñalmeafiel ti che. Müte ayünoliyiñ taiñ enseñacheal, ¿chem quelluafeiñmu? Llellipuafiyiñ ta Jehová taiñ chum duamcülen. Pediafiyiñ taiñ quelluaeteu peafiel quiñe che fei taiñ enseñalelafiel Biblia. Biblia feipi: “Chau Ngünechen tañi pin mu nehuentucuqueimünmeu, fei eluqueimünmeu tamün cüpa femal quisu ñi ayüqueel ca eluqueimünmeu nehuen tamün femürpuafiel” (Filipenses 2:13, TNM). Maneluucüleiñ Chau Jehová taiñ quelluaeteu taiñ femal tüfa. ¿Chumngelu? Ti apostol Juan feipi ngillatufiliyiñ ta Jehová chem rume taiñ duamnieel quisu ñi piel meu, fei allcüñmayaiñmeu taiñ ngillatuquefiel (1 Juan 5:14, 15).

10, 11. ¿Chemu llükaabüiñ taiñ kimelelabel kiñe che?

¹⁰ Iñchiñ quimnieiñ fente falin-ngen taiñ enseñacheal. Huelu rume ayüniefuliyiñ rume taiñ quimeltucheal, mülei quiñeque dungu taiñ catrütuafeteu. Peafiyiñ chem dungu catrütuafeiñmu taiñ enseñacheal ca chumafuiñ taiñ catrütuhuenoaeteu.

¹¹ Quiñeque mu pepi enseñachequelaiñ chi tunte taiñ ayüqueel. Quiñeque iñchiñ füchaleiñ ca cutranchengeiñ, fei ¿chem quelluafeiñmu? Raquiduamaiñ  chumngechi taiñ enseñachequen ti pandemia COVID-19 mu. ¡Internet mu ca telefono mu enseñachequeiñ! Fei eimi ca femafuimi. Eimi tami ruca mu, internet mu cam telefono mu, estudialelafuimi quiñe che. Huelu fei ca müten no. Fentren che ayüafui tañi estudiayal Biblia, huelu rume ocupaucüleingün. Pepi estudiaquelaingün feichi hora mu taiñ amuldunguquen iñchiñ, fei doi temprano cam pun meu chi ta estudialelafuiñ. Raquiduamnge: cuifi mu, Nicodemo pun meu pemefi ta Jesús, fei Jesús eluhui ñi quimeltuaeteu (Juan 3:1, 2).

12. Llükaleliiñ kimeltuchebe ngeal, ¿chem küla dungu kelluaiñmu?

¹² Müte adümuucülenolu troquihuafuiñ chi. “Müte nielan quimün” ca “cüme quimeltuchefengelan” piafuiñ chi. Femngechi raquiduamliyiñ, ¿chem quelluafeiñmu? Inaduamaiñ cüla dungu. Quiñe, Jehová adümuucülelu troquiqueiñmu (2 Cor. 3:5). Epu, Jesús elungei autoridad com dungu mu, fei elfalcünueiñmu iñchiñ taiñ quimeltucheal. Fei maneluucülei iñchiñ mu (Mat. 28:18). Ca cüla, quisulelaiñ. Jesús reque maneluucüleaiñ Jehová mu taiñ quelluaeteu chem pial (Juan 8:28; 12:49). ¿Ca inei engün quelluafeiñmu? Taiñ superintendente de grupo, quiñe precursor cam quiñe peñi, lamngen cüme enseñachequelu. Fei engün quelluafeiñmu taiñ empezayal quiñe estudio. Compañfiliyiñ engün ñi enseñachemeal, quimürpuaiñ chumngechi taiñ doi cüme quimeltucheal.

13. ¿Chemu küme kakünokiiñ taiñ kimelün?

¹³ Cacünui chumngechi taiñ enseñachequen feula, fei cüdautuafuiñ taiñ huimtual tüfa mu. Feula pünequefiyiñ tati lifru ¡Rumel ayüucüleaimi! pingelu taiñ quimeltucheal. Tüfachi lifru trürcülelai caquelu lifru mu. Doi pichin parrafo papeltuqueiñ ca doi nütramcauqueiñ ti che iñchiñ. Feimu duamnieiñ taiñ doi cüme pepicayal chem taiñ quimeltuafiel ti che. Cafei, doi video ca fillque troquiñ taiñ pagina internet mu mülelu pengelelquefiyiñ tati pu che. Ca pünequeiñ JW Library^®. Pepilnofiliyiñ com tüfachi dungu, pediafiyiñ cangelu peñi, lamngen taiñ quelluaeteu. Cüdautuliyiñ taiñ femngechi enseñacheal, Jehová ca taiñ pu peñi, pu lamngen quelluafeiñmu. Femngechi doi ayühulaiñmu taiñ quimeltuafiel tati pu che. Quiñe peñi hunelequelu amuldungun mu feipi: “Rume cümei chumngechi taiñ enseñachequen feula. Ti maestro ca ti estudiante rume ayüfingün chi estudio” pi taiñ peñi.

14. 1) Allkütunole ti pu che, ¿chem longkontukuaiñ? 2) ¿Chumngechi newentukeiñmu 1 Corintios 3:6, 7?

¹⁴ Taiñ lof mu rume cüdaungepelai taiñ peafiel che ayülu ñi estudiayal Biblia. Quiñeque che pilai taiñ allcütuaeteu cam caiñetuafeiñmu chi. Fei, ¿chem quelluafeiñmu taiñ fentecünunoal taiñ amuldungun cüdau? Loncontucuaiñ: pu che tañi mongen calerumetuafui. Feiti allcütuquenofulu, feula quimtucuafuingün ñi duamnieel Chau Dios ñi dungu (Mat. 5:3). Quiñeque che cuifi llouquelafuingün taiñ publicacion, huelu feula eluucüleingün tañi estudiayal Biblia. Cafei quimnieiñ Jehová ta ngen-ngei tati cosecha mu (Mat. 9:38). Fei ayüquei taiñ nganal ca taiñ hutrucoal, huelu Jehová müten eluquefi ñi tremal tati fün (1 Cor. 3:6, 7). Cafei Jehová ngüneduamquelai tunten publicacion taiñ hulqueel ca tunten che taiñ enseñalquefiel. Huelu mai doi falintuquefi taiñ quelluchequen  com taiñ nehuen mu.⁠ * Quimfiel tüfa rume yafültucuqueiñmu.

15. Papiltulu Biblia kiñe che ka bemlu tüba tañi mongen, ¿chum duamnagi Jewba?

¹⁵ Quiñe che inafile tañi quimürpuel fei enseñalchele, Jehová rume ayühuai (Prov. 23:15, 16). Famülque mu, Jehová adquintuquei taiñ femmequen fei rume ayüuquei. Por ejemplo, septiembre 2019 tripantu mu puulu agosto 2020 tripantu mu 7.705.765 che estudialngei Biblia, fei engün mu 241.994 che fautizahuingün. Feitachi pu che fautizaulu ca quelluafingün caquelu pu che ñi discipulongerpual (Luc. 6:40). Com tüfachi cümeque dungu rupai mülelu rume quiñe pandemia. Feimu llemai, quellufiliyiñ tati pu che ñi discipulongerpual, ayühulafiyiñ Chau Jehová ñi piuque.

16. ¿Chem dungu dipoaiñ?

¹⁶ Taiñ quelluafiel quiñe che ñi discipulongerpual mülei taiñ rume cüdahual, huelu Jehová quelluaiñmu taiñ femal. ¿Eluupeafuimi mai tami estudialelafiel Biblia quiñe che rehuall? Com tati pu che taiñ nütramcaquefiel ofrecelelafuiñ estudio. Afmatuafuiñ chem tañi feipial engün. Femngechi eluuliyiñ taiñ femal, Jehová cümelcayaiñmu.

17. Kimelelbiliiñ Biblia kiñe che, ¿chum duamnagaiñ?

¹⁷ ¡Rume falin-ngei taiñ amuldungucheal ca enseñacheal Biblia ñi rüf dungu! Rüf ayühulqueiñmu llemai. Ti apostol Pablo quellufi fentren che Tesalónica mu mülelu ñi discipulongerpual, fei feipi: “Huiñotule taiñ Ñidol Jesús, ¿inei am taiñ maneluhun, taiñ ayühun ca ti cullitu taiñ ayühuelqueteu fei ñi adquiñ meu? ¡Eimün tati! Felei llemai, eimün mu saquiuqueiñ ca ayüuqueiñ” (1 Tes. 2:19, 20, TNM; Hech. 17:1-4). Fachantü fentren peñi, lamngen, Pablo reque rume ayüuqueingün. Quiñe lamngen Estefanía pingelu, tañi füta engu quellufingu fentren che ñi fautizahurpual. Fei feipi: “Quelluafiel pu che ñi discipulongerpual rume ayühun-ngei”.