1. ¿Chemu yepai Satana kiñe cazador reke?

RAQUIDUAMNGE quiñe cazador mu. Fei ayüquei ñi nüafiel ca ñi langümafiel ti culliñ. Chumquei rume ñi femal ca elcünulelfi fillque trampa (Job 18:8-10). Ti cazador cüme inaduamquei cheu ñi rupaquen ti culliñ, chem ñi ayüqueel ca chumngechi tañi nüafiel. Ca femngechi femquei tati Huecüfü. Fei cüme inaduamquei chem taiñ femqueel ca chem taiñ ayüqueel, fei raquiduamquei chumngechi taiñ ngünencayaeteu. Feimu Biblia feipiqueiñmu taiñ chumal taiñ ngünencanoaeteu Huecüfü. Ca ngünencaeliyiñmu rume tati Huecüfü, Biblia feipiqueiñmu chumngechi taiñ famtripayal.

2. ¿Chuchi epu doi küme koilake ngünenkan nii Satana?

² Inchiñ taiñ culpanchengen mu mallmachengerpuafuiñ ca diñmatufengerpuafuiñ,⁠ * fei Huecüfü allmalltuquei tüfa taiñ ngünencayaeteu. Pütrün tripantu mu ñi femngechi femquen tati Huecüfü cüme tripalerpuquei ñi femqueel. Chumquei rume taiñ nüfantuaeteu (Sal. 91:3). Huelu Jehová feipiqueiñmu chumngechi ñi ngünencachequen tati Huecüfü, feimu eluulayaiñ taiñ encañayaeteu (2 Cor. 2:11).

3. ¿Chemu Jewba elkünoi inayentun Biblia mu kiñeke che chekawkelu ka doi küpa nielu ngepoingün?

³ Chau Jehová quimeltueiñmu ñi rume cuñihun-ngen taiñ mallmachengeal ca diñmatufengeal. Ñi rupan quiñeque che cüme poyequefulu Jehová cuifi pengeli tüfa.  Huecüfü ngünencaeyu engün. Tüfa, ¿feipipei mai taiñ ca femngechi encañangeal? Femlai llemai. Jehová eli ñi huirintucungeal tañi rupan engün femngechi taiñ cuñiutucuaeteu (1 Cor. 10:11).

4. Chekawngeliiñ, ¿chumpoaiñ?

⁴ Huecüfü ayüquei taiñ mallmahurpual. Huecüfü quimniefui mallmahurpuliyiñ, quisu reque felerpuaiñ ca afnoachi mongen nielayaiñ (Prov. 16:18). Feimu Pablo feipi mallmahurpuliyiñ, condenangeaiñ Huecüfü reque (1 Tim. 3:6, 7, TNM). Chumten tripantu yenieliyiñ rume taiñ testigongen, mallmahurpuafuiñ.

5. Eclesiastés 7:16, 20 tañi eipin, tati chekawkelu ¿chumbi?

⁵ Rupaliyiñ huesaque dungu mu, Huecüfü ayüquei taiñ raquiduamal iñchiñ mu müten ca taiñ maneluunoal Jehová mu. Quiñeque mu, ¿coila dungu mu dalluntucungequeiñ cam huesaque dungu femngequeiñ? Femngechi dungu rupaliyiñ, Huecüfü ayüquei taiñ culpatuafiel ta Jehová ca taiñ pu peñi, pu lamngen. Cafei Huecüfü ayüquelai taiñ inayafiel Jehová tañi ngülam, femngechi taiñ norümtual feiti huesa dungu. Huelu mai raquiduamelqueiñmu taiñ quisutu maneluhual müten. Biblia feipi: “Rume norchengelu ca quimchengelu caquelu meu troquiulayaimi. ¿Chemu quisutu huesalcahuafuimi? Mapu meu tunte norngele rume quiñe che, rumel femquelai cümeque dungu ca culpaquei” (Eclesiastés 7:16, 20).

6. ¿Chem kimeleleiñmu tañi upan kiñe lamngen ka lob mu?

⁶ Inaduamaiñ ñi rupan quiñe lamngen. Huelulcahun mu caquelu che, taiñ lamngen ayüquelafui, illcufemquefui. Fente tañi illcuquen piquelafui müleal caquelu peñi, lamngen engün. Fei feipi: “Perdonaquelafuiñ ñi femquen mu engün, feimu quisulelu troquiuquefun. Feimu feipifiñ tañi füta ‘ca trahunche mu amuayu’  pifiñ”. Huelu, ¿chem quellueyu taiñ lamngen? Taiñ lamngen pefi ti Broadcasting tripalu marzo cüyen, 2016 tripantu mu. Pefilu, müna quellueyu ñi cüme yeucüleal caquelu che mu. Taiñ lamngen feipi: “Quimtucun epu dungu: iñche ca huelulcauquen ca mülefui tañi ñom piuquengeal. Iñche cambialayafun ñi chumngen tañi pu lamngen. Ti programa quellueneu tañi raquiduamal Jehová meu müten. Cafei, Jehová müten mülei taiñ feipiaeteu chem chumal” pi taiñ lamngen. ¿Chem quimeltueiñmu tüfa? Huesaque dungu mu rupaliyin rume, raquiduamcüleaiñ Jehová mu müten. Chau Jehová quimniei taiñ culpaquen, huelu eluucülei taiñ perdonayaeteu. Fei llellipuafiyiñ ta Jehová taiñ ca femngechi femal (1 Juan 4:20).

7. ¿Chem upai ti longko ülmen Uzias?

⁷ Peaiñ ñi rupan ti lonco ülmen Uzías. Fei rume adümuucülequefui. Uzías hueuquefui alün fütraque quehuan, deumaquefui fütraque huaria ca cüdauquefui ti mapu. Chau Dios quellueyu ñi cüme tripayal com tañi femquefel (2 Crón. 26:3-7, 10). Huelu rupachi tripantu mu Uzías mallmahurpui, feita mu rume huesalcahui. Fei, ¿chumi Uzías? Femi tañi femnoafel. Eluhui ñi chalintucual incienso ti ngillatuhue ruca mu, tüfa ñi femafel pu sacerdote müten. Uzías eluulai tañi norümtungeal. Feimu Jehová ayülai ñi femün ta Uzías, fei elufi ñi contuaeteu lepra cutran. Fei Uzías nietui feichi cutran com ñi mongen mu (2 Crón. 26:16-21).

8. ¿Chumngechi 1 Corintios 4:6, 7 kellueiñmu (ingkaeiñmu) taiñ chekawnoal?

⁸ Uzías reque, iñchiñ mallmahurpuafuiñ ca culpayafuiñ. Inaduamaiñ taiñ peñi José ñi rupan. Quisu cüme amulequefui tañi cüdau mu ca respetangequefui tañi loncolen trahunche mu. Cümeque hueupin hulquefui fütraque trahun mu, quenü tati pu huitran-ngepaquechi loncolelu feipieyu tañi eluafiel ngülam. José feipi: “Quisu tañi quimün mu maneluuquefun, feimu maneluuhuetulan Jehová mu. Turpu culpanoalu troquiufun, feimu allcütulafiñ ti ngülam tañi elueteu Jehová” pi taiñ peñi. José culparpui Jehová mu, feimu huemünentungei trahunche mu. Rupachi tripantu mu, José huiñotui trahunche mu. Feipi: “Quimtucun chem  cüdau nieliyiñ rume trahunche mu, doi falin-ngei taiñ femal Jehová taiñ feipieteu” pi taiñ peñi. Loncontucuaiñ: chumte pepiluufuliyiñ rume cam niefuliyiñ rume falinque cüdau trahunche mu, Jehová ta elueiñmu (papeltunge 1 Corintios 4:6, 7). Mallmangeliyiñ, Jehová elulayaiñmu cüdau trahunche mu.

9. ¿Chumingu Satana ka Eva tañi doi küpa nieal ñi duam mu?

⁹ Ellaca mu cüme püllüngefulu Huecüfü, llouquepelafui falinque cüdau Jehová tañi elueteu. Huelu Huecüfü doi troquiufui. Huecüfü ayüfui quisu tañi poyengeal, Jehová tañi femngeafel. Huecüfü ca femngechi raquiduamelqueiñmu taiñ doi nieal, quisu reque. Ellaca mu femngechi raquiduamelfi ta Eva. Jehová feipifi ta Adán engu Eva ñi iyafiel com pu anümca ñi fün, huelu quiñe müten tañi inoafiel (Gén. 2:16). Huelu Huecüfü encañafi ta Eva ca raquiduamelfi ñi illutuafiel ti fün. Eva falintulafui tañi niefel, doi ayüfui tañi nierpual. ¿Chum tripai tañi femün? Culpai ca larpui (Gén. 3:6, 19).

10. ¿Chumngechi koila ngünenkabi David ti doi küpa nieal?

¹⁰ Peafiyiñ ñi rupan ti rey David. Jehová elufi ta David ñi nieal fentren chemcün, ñi cüme üitunchengeal ca ñi huehuafiel tañi pu caiñe. Pütrünque dungu ñi niefel ta David rume mañumcülefui ta Chau Jehová mu (Sal. 40:5). Huelu hueluletui tañi raquiduam ta David, ngoimanentui reque tañi elueteu Jehová ca doi ayürpui ñi nieal. David niefulu rume fentren domo, ayütufi ca huentru ñi domo. Feitachi domo Bat-Seba pingequefui, Urías ñi domo. Fei David quisu mu müten raquiduami, fei cudumfi ta Bat-Seba ca niepüñeñelfi. Huelu fei müten femlai, ¡ca mandalangümfi ta Urías! (2 Sam. 11:2-15). Rume huesalcai ta David, fei ramtuhuafuiñ: ¿Chem raquiduamcülefui David? ¿Chumngelu femi? ¿“Penielaeneu Jehová” pipefui mai? Pütrün tripantu mu poyequefui rume ta Jehová, huelu David quisu mu müten raquiduamurpui ca doi ayürpui ñi nieal. Ñi femün mu rume sufri. Rupachi antü mu David huiñoduamtui ca feipi ñi culpan ta Chau Jehová mu, fei Jehová perdonaeyu.  Rume mañumtupelai ta David ñi perdonaeteu Jehová (2 Sam. 12:7-13).

11. Efesios 5: 3, 4 tañi eipin, ¿chem katrütubi ti doi küpa nieal?

¹¹ ¿Chem quimeltueiñmu David ñi rupan? Taiñ diñmatufengerpunoal, mülei taiñ mañumnieafiel ta Jehová com taiñ elueteu (Efes. 5:3, 4). Ayüucüleaiñ com taiñ nieel mu. Raquiduamaiñ tüfa mu. Enseñafiel mu ta che ta Biblia, feipiquefiyiñ engün ñi raquiduamal chem cümeque dungu ñi llohun Jehová mu, fei ñi mañumafiel. Femngechi femle caque quiñeque antü, afle quiñe semana, pütrüquen dungu mu mañumafui ta Ngünechen (1 Tes. 5:18). ¿Femngechi femquepeiñ mai iñchiñ? Raquiduamliyiñ com taiñ elueteu Jehová, mañumcüleaiñ ca ayüucüleaiñ taiñ nieel mu, femngechi diñmatufengelayaiñ.

12. ¿Chumi Judas Iscariote tañi doi küpa nieal ñi duam mu?

¹² Inaduamaiñ Judas Iscariote ñi rupan. Ellaca mu cüme piuque niefui, huelu diñmatufengerpui (Luc. 6:13, 16). Jesús dullieyu tañi apostolngeal. Jesús maneluuquefui Judas mu, feimu elfalcünufi ñi adcünual chi caja cheu guardangequen ti plata ñi femngeal ti amuldungun. Jesús mollquechi feipiquefi tañi pu discipulo ñi cuñiutucuhual fei ñi diñmatufengenoal engün. ¿Allcütupei mai Judas Jesús ñi feipin? Femlai. Rupachi antü mu hueñei, fei traicionafi ta Jesús (Mar. 7:22, 23; Luc. 11:39; 12:15).

13. ¿Chumül Judas pengelkünoi tañi doi küpa nieal?

¹³ Epe puulu ñi layal Jesús, Judas pengelcünui ñi diñmatufengen. ¿Chumi? Quiñe antü Simón, tati leproso pingequefulu, mangelfi ta Jesús ca tañi pu inanieteu tañi ruca mu. Ca mangelfi ta María engu Marta. Petu imequelu engün, María huitrapürarumei ca fülcontufi ta Jesús, fei hutrunacümelfi ñi lonco meu quiñe cüme nümün-ngechi aceite rume falilu. Fei Judas ca pu caquelu discipulo rume illcuingün. Pu discipulo raquiduamquefuingün ti domo ñi ngünamcamequen feiti aceite. Feipingün “pütrün plata meu fendengeafui, fei elungeafui pu pofre” pingün. Judas ca illcufui. Ayüniefui ñi fendengeal ti aceite fei ñi tucungeal ti plata caja meu, femngechi tañi hueñeafiel. Fei Judas fente ñi diñmatufiel mu tati plata, quintui chumngechi tañi fendeafiel ta Jesús (Juan 12:2-6; Mat. 26:6-16; Luc. 22:3-6).

14. ¿Chumngechi kiñe kurewen pünebi Lucas 16:13 tañi eipin?

¹⁴ Jesús feipifi tañi pu inanieteu: ‘Ngelai tañi poyengeal ta Ngünechen ca tati plata’ (papeltunge Lucas 16:13). Inaduamaiñ ñi femün quiñe curehuen Rumania mapu meu mülelu. Fei engu ofrecelngei quiñe cüdau ca pais mu, fei ñi huehual fentren plata. Fei feipingu: “Alün plata defelequefuyu banco mu feimu ayüumaquefuyu. Jehová ta quellueteu troquihuiyu” pingu. Huelu lloufule ti cüdau engu, nielayafui tiempo tañi cüdahuelafiel ta Jehová. Fei, ¿chumingu? Papeltuingu quiñe troquiñ feipilelu “Mantengámonos leales con un corazón unificado”, tripalu La Atalaya 15 conchi agosto cüyen, 2008 tripantu mu. Fei feipi engu: “Huiñamtuufuliyu ca pais meu taiñ doi huehual plata, cüme poyelayafuiñ ta Jehová, fei huenihuelayafuyu” pingu. Feimu ti curehuen lloulafi ti cüdau. Ti huentru elungei quiñe cüdau tañi pais mu, fei tüfa quellueyu engu ñi nieal tañi duamnieel. Ti domo feipi: “Jehová rumel quelluniequefi tañi pu serfiqueteu” pi. Feitachi curehuen doyümlafi ti plata,  fei rume ayüucüleingu ñi serfiniefiel ta Jehová.

15. ¿Chemu küme kimniiñ pepi bamentual Satana tañi koilake ngünenkan?

¹⁵ Mallmangerpuliyin cam diñmatufengerpuliyin, ¿chumafuiñ? Pablo feipi iñchiñ ngünencaeliyiñmu Huecüfü femngechi dungu mu, montuafuiñ (2 Tim. 2:26). Fei tüfa ñi femün ta David. Diñmatufengerpulu, eluhui ñi ngülamaeteu Natán, fei repientetuhui ca hueniyetufi ta Jehová. Loncontucuaiñ: Jehová doi nehuen-ngei Huecüfü mu. Feimu eluuliyiñ taiñ quelluaeteu, Huecüfü ngünencalayaiñmu.

16. ¿Chem kellueiñmu taiñ bamentual Satana tañi koilake ngünenkan?

¹⁶ Eluulayaiñ taiñ mallmangenoal ca diñmatufengenoal. ¿Chem quelluafeiñmu? Jehová llemai. Raquiduamnge: quiñeque che alün tripantu yenielu rume ñi poyefiel Jehová, femngechi chengerpui. Feimu cuñiutucuhuaiñ. “Iñche turpu femngechi chengelayan” pilayaiñ. Müna cümei taiñ ngüneduamuhual chem ñi mülen taiñ piuque mu. Taiñ femngechi femal fill antü llellipuafiyiñ ta Jehová taiñ quelluaeteu (Sal. 139:23, 24).

17. Püchün upa mu, ¿chem upaabi taiñ kaiñe Satana?

¹⁷ Alün tripantu mu ti Huecüfü mequei ñi ngünencacheal. Huelu pichiñma mu, traringeai ca apümcangeai (Apoc. 20:1-3, 10). Rume ayünieiñ ñi ngehuenoal ti Huecüfü. Huelu petu ñi apümcangenon, trepeluucüleaiñ taiñ ngünencanoaeteu, fei eluhuaiñ taiñ mallmachengenoal ca diñmatufengenoal. Inayafiyiñ tüfachi ngülam: ‘Nehuentuumün tamün ngünencanoaeteu ta Huecüfü, fei tüfa lefmautuai ta eimün meu’ (Sant. 4:7).