QUIMELÜN ÑI PAPILTUNGEAL 39
Tati “libru mongen mu”, ¿tami üi mülepi mai?
“Quidu tañi adquiñ mu huirintucui quiñe libru tañi tuculpaabel pu yamnequebilu Jehová” (MAL. 3:16).
ÜLCATUN 61 Amuleaimün Jehová ñi pu che
¿CHEM QUIMAIÑ? a
Abel ñi antü meu ca fantepu meu, Jehová huirintucunieñmafi ñi üi pu che ti “mongen ñi lifru mu”. (Inaduamnge parrafo 1 ca 2).
1. Malaquías 3:16 tañi eipin, ¿chem libru huirintucuqui Jehová ca chem eipi bei mu?
FENTREN tripantu mu, Jehová huirintucunieuyei reque quiñe lifru. Fentren che ñi üi huiriconcülei tüfachi lifru mu. Ti hunen che fei ta Abel b (Luc. 11:50, 51). Fachantü Jehová ca huirintucumequei fentren che ñi üi (papeltunge Malaquías 3:16). Biblia meu, tüfachi lifru “ti mongen ñi lifru” pingequei (Apoc. 3:5; 17:8).
2. ¿Iñi engün am ñi üi huiriconcüli tati libru mongen mu, ca chumabüiñ taiñ üi ñi huirintucungeal beichi libru mu?
2 ¿Inei engün am ñi üi huiriconcülei feitachi lifru mu? Tati pu che poyequefilu Jehová ca yamquefilu tañi üi. Feichi pu che maneluucülei ñi rumel mongeleal huenu meu cam mapu meu. ¿Chumafuiñ ñi huiriconcüleal taiñ üi feitachi lifru mu? Mülei taiñ falintuafiel Jesús tañi lan ca taiñ hueniyeafiel ta Jehová (Juan 3:16, 36). Com iñchiñ ayüniefuiñ taiñ üi ñi huiriconcüleal feitachi lifru mu.
3, 4. 1) Huirintucule tañi üi tati libru mongen mu, ¿abquenochi mongen niepeaiñ mai? 2) ¿Chem peaiñ tübachi ca inalechi papiltun mu?
3 Huiriconcülefule rume taiñ üi ti mongen ñi lifru meu, ¿feipipei mai taiñ nieal afnoachi mongen? Femlai. Éxodo 32:33 mu Jehová feipifi ta Moisés: “Inei rume culpalu iñche meu, iñche nentuñmayafiñ ñi üi tañi lifru meu”. ¿Chem pi tüfa? Huiriconcülefule rume quiñe che ñi üi, huelu borrangeafui. Jehová quiñe lapiz grafito mu huirintucufi reque taiñ üi piafuiñ (Apoc. 3:5). Feimu chumafuiñ rume taiñ borrañmangenoal taiñ üi feitachi lifru mu, femngechi Jehová tinta mu reque huirintucuafi taiñ üi taiñ turpu borrañmangenoal.
4 Ramtuhuafuiñ: ¿Inei engün am ñi üi huiriconcülei feitachi lifru mu? Ca ¿inei engün am ñi üi huiriconcülelai tüfa mu? Tati huiriconcülelu ñi üi ti lifru mu, ¿chumül am llohuai ti rumel mongen? Tati pu lalu quimnofilu Jehová, ¿huiriconcülepeai mai ñi üi ti lifru mu? Tüfachi troquiñ mu ca ti cüpalelu mu, peaiñ ti huiñoldungun.
¿IÑI ENGÜN AM ÑI ÜI HUIRICONCÜLI TATI LIBRU MONGEN MU?
5, 6. 1) Filipenses 4:3 tañi eipin, ¿iñi engün tañi üi huiriconcüli tati libru mongen mu? 2) ¿Chumül abquenochi huirintucungeai tañi üi mu?
5 ¿Inei tañi üi huiriconcülei feitachi lifru mu? Taiñ quimal, nütramcayaiñ quechu troquiñche mu. Quiñeque troquiñche huiriconcülei ñi üi ti lifru mu, huelu caquelu femlai.
6 ¿Inei am tati hunen troquiñche? Tati amualu huenu mu ñi ngünenieal Jesús engün. Tañi üi engün deu huiriconcülei ti lifru mu. Ti apostol Pablo feipi pu dullinque cristiano deu huirintuculei ñi üi ti mongen ñi lifru meu (papeltunge Filipenses 4:3). Huelu tañi üi ñi borrañmangenoal engün, mülei ñi püntütripanoal Jehová mu. Marcacünungele tañi tol mu, ñi üi engün huirintucungeai tinta mu reque femngechi ñi borrangenoal. Tüfachi dungu rupayai petu ñi lanon engün cam petu ñi acunon ti fütra cutrancahun (Apoc. 7:3).
7. Apocalipsis 7:16, 17 tañi eipin, pu caquelu obicha ¿chumül abquenochi hurintucungeai tañi üi tati libru mongen mu?
7 ¿Inei am ti epuconchi troquiñche? Ti pu fentrenque che ufisa reque felelu. Fachantü, ¿huirintuculei tañi üi engün ti mongen lifru mu? Felei. Mongetripale engün Armagedón mu, ca huirintuculeai tañi üi engün tüfachi lifru mu (Apoc. 7:14). Jesús feipi tüfachi pu che ufisa reque felelu “rumel mongeleai engün” (Mat. 25:46). Huelu pu mongetripalu Armagedón mu, lloufemlayaingün ti afnoachi mongen. Tañi üi engün huirintuculeai ti mongen lifru mu lapiz grafito mu. Ngüneniele Jesús huaranca tripantu mu, ‘camañnieafi ca adnieafi tati pu che tati huitrunco meu hulquelu mongen’. Fei engün feyentufile Jesús ca püntütripanole Jehová mu engün, tañi üi huirintuculeai ti mongen lifru mu, turpu borrañmangelayai (papeltunge Apocalipsis 7:16, 17).
8. ¿Iñi engün tañi üi huirintucungelai tati libru mongen mu, ca chem llohuaingün?
8 ¿Inei am ti cülangechi troquiñche? Tati pu capüra, apümcangeaingün Armagedón mu. Tañi üi engün huirintuculelai ti mongen lifru mu. Jesús feipi fei engün “rumel apümcangeai” (Mat. 25:46). Pablo ca feipi feitachi pu che juiciantucungeaingün, “fei apümcangeai ñi mülehuenoal engün” (2 Tes. 1:9; 2 Ped. 2:9). Tati pu che caiñetufilu Chau Ngünechen ñi nehuen lloulayaingün afnoachi mongen. Lale rume, huiñomongetulayaingün, rumel apümcangeaingün (Mat. 12:32; Mar. 3:28, 29; Heb. 6:4-6). Feula nütramcayaiñ epu troquiñche huiñomongetualu mapu mu.
PU HUIÑOMONGETUALU
9. ¿Iñi engün huiñomongetoi mapu mu, ca chemu trürlaingün? (Hechos 24:15).
9 Biblia feipi epu troquiñche huiñomongetuai mapu mu, “pu norngechi che ca pu norngenochi che”. Tüfachi epu troquiñche nieingün quiñe maneluhun ñi llohual afnoachi mongen mapu mu (papeltunge Hechos 24:15). ¿Inei engün am “pu norngechi che”? Pu cüdahuelfilu Jehová petu ñi lanon. Huelu, ¿inei engün am “pu norngenochi che”? Turpu cüdahuelnofilu ta Jehová. Epe com engün quimlafingün Jehová ñi huercüelchi dungu, feimu cüme mongen yenielafuingün. Tüfachi epu troquiñche huiñomongetuai, fei ¿huirintuculei ñi üi ti mongen lifru mu? Peafiyiñ.
10. ¿Chemu huiñomongetoi pu “norngechi che” ca chem elbal cüdau nieaingün? (Pebinge Ti Huerquen ti dungu “Preguntas de los lectores” tañi eipin huiñomongetun mapu mu).
10 Ti meli troquiñche fei tati “pu norngechi che”. Petu ñi lanon engün, deu huirintuculei ñi üi ti mongen lifru mu. ¿Borrañmangetui tañi üi ñi lan mu? Femlai. Fei engün petu müleingün Chau Jehová ñi raquiduam mu. Chau Dios “pu layelu ñi Ngünechen no, huelu mai pu mongelelu ñi Ngünechen llemai. Com engün mongelelu troquiquefi” (Luc. 20:38). Pu norngechi che huiñomongetule engün, tañi üi petu huirintuculeai ti mongen lifru mu, huelu lapiz grafito mu (Luc. 14:14). Pu norngechi che huiñomongetulu quiñeque engün üitungeai ñi loncoleal mapu mu (Sal. 45:16).
11. ¿Chem duamqui quimal pu “norngenochi che” tañi huirintucungeal tañi üi tati libru mongen mu?
11 Ti quechu troquiñche fei ti “pu norngenochi che”. Fei engün quimquelafuingün chi Chau Jehová tañi ley dungu, feimu yeniequefuingün huesa mongen. Feimu tañi üi huirintuculelai ti mongen lifru mu. Huelu Chau Dios huiñomongeltuayu engün, femngechi tañi üi ñi huirintuculelngeal ti mongen lifru mu. Huelu duamnieaingün tañi quellungeal. ¿Chumngelu? Quiñeque engün rume huesaque dungu femingün petu tañi lanon, üdefalchi dungu cütu. Fei engün duamaingün tañi quimeltulngeal Chau Jehová ñi ley dungu, femngechi ñi cümelcacünual ñi mongen engün. Feimu Jehová tañi troquiñche adcünuai quiñe fütra cüdau ñi quimeltulngeal pu norngenochi che Chau Jehová ñi huercün dungu.
12. 1) ¿Iñi engün quimelabingün pu norngenochi che? 2) ¿Chem upaai pu bemquenolu ñi quimpol?
12 ¿Inei engün am quimeltuayu pu norngenochi che huiñomongetulu? Com pu mongetripalu Armagedón mu ca pu norngechi che huiñomongetulu. Ti pu norngenochi che ayüle engün ñi huirintuculeal tañi üi ti mongen lifru mu, ¿chem mülei ñi femal? Mülei ñi hueniyeafiel ca cüme serfinieafiel ta Jehová. Jesús ca tati pu dullinque cristiano cüme lelinieayu engün chumngechi ñi llouniefiel tañi quimeltungeel (Apoc. 20:4). Inei rume pinole ñi quimeltungeal, catrüngeai, huiño latuai, 100 tripantu niele rume engün (Is. 65:20). Jehová ca Jesús peñmaquefi ñi piuque pu che, feimu eluñmalayafi pu che ñi femal huesaque dungu hue mapu mu (Is. 11:9; 60:18; 65:25; Juan 2:25).
HUIÑOMONGETUN TAÑI ABQUENOCHI MONGEN NIEAL CAM RAMTUCADUNGUNGEAL
13, 14. 1) ¿Chumngechi adümquiiñ cuibi mu Jesús ñi eipin Juan 5:29 mu? 2) ¿Chem dungu ñochi raquiduamabüiñ Jesús ñi eipin mu?
13 Jesús ca feipi ñi huiñomongetual pu che mapu meu. Feipi: “Puhuai ti antü, fei com tati pu che mülelu rüngan eltun mu allcüñmayafi ñi dungun ta Chau Ngünechen ñi Fotüm. Fei huiñomongetuaingün. Inei rume femlu cümeque dungu, llohuai rumel mongen. Huelu inei rume femlu huesaque dungu, juiciantucungeai” (Juan 5:28, 29). ¿Chem quimeltueiñmu Jesús ñi feipin?
14 Cuifi raquiduamquefuiñ pu che ñi femal cümeque dungu cam huesaque dungu huiñomongetule hula. Huelu, ¿femngechi quimeltupei mai ta Jesús? Femlai. Tüfa mu Jesús feipi ñi huiñomongetual pu femlu cümeque dungu ca pu femlu huesaque dungu. Tüfa femingün petu tañi lanon engün. Tüfa raquiduameleiñmu. ¿Chumngelu? Hue mapu mu, pu che eluñmangelayai ñi femal huesaque dungu, feimu Jesús feipi pu norngenochi che femingün huesaque dungu petu tañi lanon. Huelu, ¿chem piel am Jesús pu huiñomongetulu llohuai rumel mongen, cangelu juiciangeai?
15. ¿Iñi engün “huiñomongetoi tañi nietol abnochi mongen” ca chemu?
15 Pu norngechi che femingün cümeque dungu petu ñi lanon engün. Tañi femün mu engün huirintuculei ñi üi ti mongen lifru mu, feimu huiñomongetuaingün tañi llohual rumel mongen. Feimu pu “femlu cümeque dungu” ñi feipin Juan 5:29 fei engün tati “pu norngechi che” ñi nütramcael Hechos 24:15. Ca femngechi Romanos 6:7 feipi: “Tuchi lalu, rulpacünuñmangei ñi culpan”. Rüfngei, lalu quiñe norngechi che, Jehová ngoimañmaquefi tañi culpan, huelu ngoimaquelai ñi cümeque dungu ñi femün. Feimu huirintuculei ñi üi ti mongen lifru mu (Heb. 6:10). Huelu pu norngelu huiñomongetule engün, mülei ñi püntütripanoal Jehová mu, femngechi rumel huirintuculeai ñi üi ti mongen lifru mu.
16. ¿Chem am ‘huiñomongetun tañi ramtucadungungeal’?
16 ¿Chem dungu mu rupayai ti pu che femlu huesaque dungu petu ñi lanon? Tañi culpan borrañmangeingün ñi lan mu engün, huelu serfilafingün Jehová, feimu tañi üi engün huirintuculelai ti mongen lifru mu. Feimu pu “femlu huesaque dungu” fei engün tati “pu norngenochi che” ñi nütramcael Hechos 24:15. Fei engün huiñomongetuai tañi juiciangeal. c ¿Chem quimeltueiñmu tüfa? Huiñomongetule pu norngenochi che, Jesús lelinieaeyu engün chem dungu ñi femmequen (Luc. 22:30). Rupachi antü mu, Jesús quimai ñi huirintucuñmangeal cam huirintucuñmangenoal ñi üi engün ti mongen lifru mu. Feimu pu norngenolu femhuenole huesaque dungu ca poyefile Jehová, fei huirintucuñmangeai ñi üi ti mongen lifru mu.
17, 18. ¿Chumai pu huiñomongetolu mapu mu, ca chem am tati “bemün” eipilelu Apocalipsis 20:12, 13?
17 Ngünenietule Jesús huaranca tripantu mu, nülangeai chumpolque lifru. Fei com pu huiñomongetulu, norngelu ca norngenolu, mülei ñi inayafiel ñi feipin ti chumpolque lifru. Ti apostol Juan feipi: “Fei pefiñ tati pu layelu, tati pu illamngelu ca ti pu falin-ngelu. Huitraleingün itrotripa ti ülmen huancu meu, fei nülangei chumpolque lifru. Huelu ca quiñe chumpol lifru nülangei, mongen ñi lifru pingei. Fei ramtucadungungei pu layelu tañi femün meu, chumngechi huirintuculei tati chumpolque lifru mu” (Apoc. 20:12, 13).
18 ¿Chem dungu meu ramtucadungungeai pu huiñomongetulu? ¿Tañi femquefel mu petu ñi lanon? Femlai. Acordayaiñ, tañi culpan engün ngoimañmangei ñi lan mu engün. Feimu ramtucadungungelayai tañi femün petu ñi lanon, doi mai chumngechi tañi lloufiel ñi quimeltungeel hue mapu mu. Noé, Samuel, David, Daniel ca caquelu che poyequefilu ta Jehová cuifi, mülei ñi quimafiel ta Jesús ca maneluhual tañi lan mu. Doyelchi mai mülei ñi femal pu norngenolu.
19. Pu ayüquenolu ñi llohual tübachi cümelcan, ¿chum tripaaingün?
19 ¿Chumngeai pu pinolu ñi enseñalngeal ca ñi poyeafiel Jehová? Apocalipsis 20:15 feipi: “Tati pu huirintucunienolu tañi üi ti mongen ñi lifru mu, ütrüftucungei cütral lafquen meu”. Felei llemai, apümcangeaingün turpu ñi ngehuetunoal. Feimu rume falin-ngei taiñ üi ñi huirintucungeal ti mongen lifru mu ca ñi turpu borrangenoal.
Ti hue mapu mu, quiñe peñi quimeltumequefi ta caquelu che (Inaduamnge parrafo 20)
20. ¿Chem cüdau bemngeai ngüneneel 1.000 tripantu mu? (Pebinge adentun unen pagina mu).
20 Ngünenietule Jesús huaranca tripantu mu, femngeai quiñe fütra cüdau: enseñangeai tati pu che com huall mapu mu. Huelu ca femngechi, pu norngelu ca pu norngenolu mülei ñi pengelal tañi inaniefiel Jehová tañi huercün dungu (Is. 26:9; Hech. 17:31). Huelu, ¿chumngechi entungeai feitachi fütra cüdau? Ca troquiñ mu peafiyiñ. Tüfa quelluaiñmu taiñ falintuafiel.
ÜLCATUN 147 Afnoachi mongen feipicünungei
a Juan 5:28, 29 nütramcai quiñeque che ñi huiñomongetual tañi juiciangeal, caquelu ñi llohual rumel mongen. Pichi caletui chumngechi taiñ entendequefiel tüfachi texto. ¿Inei engün am huiñomongetuai?¿Chumngelu? Tüfachi troquiñ mu peafiyiñ.
b Tüfachi lifru huirintucungei “hue choyüngelu pu che mapu meu”. Tüfa tati pu che perdonangeafulu tañi culpan mu (Mat. 25:34; Apoc. 17:8). Feimu feipiafuiñ tati hunen üi ñi huirintucungen tüfachi mongen ñi lifru meu, fei ta Abel ñi üi. Feichi lifru mu petu huirintucungequei famülque mu.
c Cuifi mu, ¿chem raquiduamquefuiñ Jesús ñi feipin ñi ‘juiciantucungeal’ pu femlu huesaque dungu? Raquiduamquefuiñ ñi huesa juzgangeal cam ñi condenangeal. Huelu felelai. Jesús quimeltui ñi lelinieafiel ca ñi inaduamnieafiel. Quiñe diccionario de griego biblico ca feipi juiciangen mu quiñe che, inaduamngequei ñi femün cüme dungu cam huesa dungu.
