QUIMELÜN ÑI PAPILTUNGEAL 35
ÜLCATUN 123 Cüme llounieafiyiñ Chau Dios ñi Ngünenien
¿Chumngechi quellungeabüi pu nentungelu trahunche mu?
“Ca bemngechi mülele ume 99 nor che duamnenolu huiñoraquiduamtual, doi ayühun müleai huenu mu quiñe yabcabe huiñoraquiduamtule” (LUCAS 15:7).
¿CHEM QUIMAIÑ?
Chemu duambali quiñeque che ñi nentungeal trahunche mu ca chumngechi pu loncolelu quelluabüi ñi huiño hueniyeabel Jehová.
1, 2. 1) Quiñe che yabcale ca huiñoraquiduamtunole, ¿chem raquiduamqui Jehová? 2) ¿Chem ayüni Jehová?
CHAU JEHOVÁ üdequefi ti culpan dungu ca rulpacünuquelai ti huesa femün (Sal. 5:4-6). Ayüniei ñi inangeal tañi huercün dungu mülelu Biblia mu. Chau Jehová quimniei taiñ culpafe chengen ca taiñ huelulcayafel (Sal. 130:3, 4). Huelu turpu ayülafi pu che yehuequenolu tañi huesa femün (Jud. 4). Biblia feipilei apümcangeai “pu che yamquenofilu ta Chau Ngünechen” Armagedón hueichan mu (2 Ped. 3:7; Apoc. 16:16).
2 Huelu Chau Jehová ayüquelai inei no rume ñi apümcangeal. Chumngechi peiñ tüfachi revista mu, Biblia feipilei Chau Dios “ayüniei ta com pu che ñi nor raquiduamtual” (2 Ped. 3:9). Pu loncolelu inayentuquefi ta Jehová. Ñom piuque mu quelluquefingün pu culpalu ñi nor raquiduamtual ca ñi huiñotual Jehová mu. Huelu quiñeque che culpalu nor raquiduamtulaingün (Is. 6:9). Quellueliyu rume pu loncolelu, amulei tañi huesa femquen. ¿Ca chem chumafui pu loncolelu? Peafiyiñ.
“NENTUABIMÜN BEICHI HUEYA CHE”
3. 1) Quiñe yabcabe huiñoraquiduamtunole, ¿chem eipi Biblia ñi bemngeal? 2) ¿Chemu eipiabüiñ beichi huiñoraquiduamtunolu ngümintui nentungeal trahunche mu?
3 Repentiutunole quiñe culpafe, pu loncolelu mülei ñi inayal ñi feipin 1 Corintios 5:13: “Huemünentuafimün feichi huesa che eimün mu mülelu”. Mai, mülei ñi entungeal trahunche mu. Ti culpafe quimniefui ñi entungequen trahunche mu pu repentiutunolu, feimu re cosechaquei müten tañi huesa dullin mu (Gál. 6:7). ¿Chemu feipiafuiñ? Pu loncolelu fentren rupa cüpa quellufeyu, huelu pilai ñi elcünual tañi femquen (2 Rey. 17:12-15). Tañi femün mu pengeli ñi duamtuquenofiel Chau Jehová ñi huercün dungu (Deut. 30:19, 20).
4. Nentungele quiñe che, ¿chemu duambali tati trahunche ñi quimal?
4 Nor raquiduamtunole ti culpafe, entungeai trahunche mu ca trahun mu feipingeai feichi che coneltuhuelai pu Dunguquelu Ineingen Jehová mu. a Feipingelai tañi yehuelcangeal. Doi mai ti trahunche ñi quiñeucülenoal feichi che engu chumngechi feipi Biblia ca ñi ‘quiñentrür inoal rume’ (1 Cor. 5:9-11). Falin-ngei ñi femngechi femngeal. ¿Chumngelu? Pablo huirintucui: “Quiñe pichin fayümhue, fayümquefi com ti masan” (1 Cor. 5:6). Entungenole trahunche mu pu repentiutunolu, pu peñi ca lamngen raquiduamafui duamfal-lai inangeal Chau Jehová ñi huercün dungu (Prov. 13:20; 1 Cor. 15:33).
5. ¿Chem raquiduamabüiñ pu nentungelu mu, ca chemu?
5 Entungele trahunche mu quiñe peñi cam lamngen, ¿chem mülei taiñ raquiduamal? Quiñeucülelaiñ feichi che engu. Huelu maneluucülequeiñ tañi huiñotual, ñamquiyauchi ufisa reque troquiquefiyiñ. Quiñe ufisa püntütripale, huiñotuafui tañi corral mu. Loncontucuaiñ, feichi che huli tañi mongen Jehová mu, huelu ayühuel-lafi ta Chau Jehová tañi huesa femmequen meu, feita cuñihun-ngei (Ezeq. 18:31). Chau Jehová petu amulniei tiempo tañi cutranpiuqueyechen. Feimu maneluuqueiñ feichi che ñi huiñotual trahunche mu. Pu loncolelu, ¿chumngechi quelluafui pu entungelu trahunche mu?
PU LONCOLELU, ¿CHUMNGECHI QUELLUQUEBI PU NENTUNGELU?
6. ¿Chumqui pu loncolelu ñi quelluabel pu nentungelu?
6 Quiñe che entungelu trahunche mu, ¿quisucünungei tañi quisutu huiñotual Jehová mu? Femlai llemai. Tati pu loncolelu feipifilu quiñe che tañi entungeal trahunche mu, ca feipiquefi chem ñi chumal tañi huiñotual. Huelu fei müten no. Ca feipiquefi rupale quiñeque cüyen ayüfui tañi ca trahuluhual tañi ngüneduamal tañi chum amulen. Rupale quiñeque cüyen tati che eluule ñi huitranmangeal, pu loncolelu yafültucuafi tañi repentiutual. Feichi mu ti che petu eluunole ñi repentiutual, pu loncolelu ca adcünuai tañi ca huiño trahutual, femngechi ca yafültucuafi tañi repentiutual.
7. Pu loncolelu, ¿chumngechi inayentuabüi Jehová? (Jeremías 3:12).
7 Pu loncolelu cutranpiuqueyefi pu entungelu trahunche mu, femngechi inayentuquefi Jehová. Cuifi mu petu ñi repentiunon, Chau Jehová quellueyu pu Israel che tañi nor raquiduamtual. Feimu huercülelfi tañi pu profeta. Epungechi troquiñ mu pefiyiñ Jehová ñi feipifiel ta Oseas tañi huiñotual tañi domo engu ca tañi perdonayafiel petu tañi culpamequen rume. Femngechi pengelelfi tañi pu che fei tañi rume cutranpiuqueyechequen (Os. 3:1; Mal. 3:7). Pu loncolelu inayentuquefingün Jehová. Fei rüf ayünieingün tati che ñi huiñotual trahunche mu, feimu quelluquefingün (papeltunge Jeremías 3:12).
8. Jesús tañi eipiel, ¿chumngechi quelluqueiñmu taiñ doi cüme adümabel Jehová tañi cutranpiuqueyechen? (Lucas 15:7).
8 Acordayaiñ Jesús ñi nütram fei ti fotüm ñamquiyaufulu. Tati chau pefilu müten ñi huiñotun, ‘lefi ñi trafmeafiel, pancofi ca piuqueyen mu truyufi’ (Luc. 15:20). Tati chau üngümlai perdonaen tañi piaeteu. Doi mai fente tañi piuqueyefiel, lefcülen trafmefi. Femngechi duamquei Jehová tati pu püntütripalu fei meu. Fei pu loncolelu inayentuqueyu. Ayüqueingün tati ñamquiyaulu ufisa reque ñi huiñotual trahunche mu (Luc. 15:22-24, 32). Tañi huiñotun mu quiñe che, rume ayüucülei Jehová, Jesús, tati pu cümeque püllü ca tati trahunche (papeltunge Lucas 15:7).
9. Piuqueyen mu, Jehová ¿chem eipiquebi pu yabcalu?
9 Taiñ ngüneduampeel tüfachi troquiñ mu, tati pu repentiutunolu Jehová entuquefi trahunche mu. Huelu amulequei tañi quellufiel ca ayüniei tañi huiñotual engün. Ngüneduamaiñ ñi chum duamquen Jehová quiñe che nor raquiduamtulu. Quisu feipi: “Iñche tremoltuafiñ reque, fei püntülehuelayaingün iñche mu. Illcutuhuelafiñ engün, feimu iñche tañi pin mu piuqueyeafiñ” (Os. 14:4). Pu loncolelu quimnieingün Jehová tañi raquiduam, feimu ngüneduamniequei tati che pichi pengelfule tañi cüpa huiñotun. Oseas ñi feipin mu, pu püntütripalelu Jehová mu quimtucunieafui tañi piuqueyenieteu ca ñi mangeleteu ñi huiñotual.
10, 11. Pu loncolelu, ¿chumngechi quelluabüi pu alüñma huemünentungelu trahunche mu?
10 Pu loncolelu, ¿chumngechi quelluafui pu yenielu doi alün tripantu ñi entungen trahunche mu? Quiñeque fei engün deu elcünui chi tañi huesa femquefel. Ca quiñeque acordahuelai chi chem culpan mu ñi conquefel. Tunten tripantu yeniele rume ti che ñi entungen trahunche mu, pu loncolelu quintuafui cheu ñi mülen fei pemeafuingün. Tañi huitranmamefiel ti che, feipiafui tañi quiñentrür llellipual ca yafültucuafi tañi huiñotual trahunche mu. Feiti che alün tripantu yenielu tañi püntütripalen Jehová mu cüme quimhuelai chi chumngechi ñi ayühuelafiel ta Jehová, feimu duamniei tañi doi quellungeal. Fei ti che feipile ñi huiñotual, fei pu loncolelu adcünuafui tañi quimeltulelngeal Biblia petu lloungetunole rume trahunche mu.
11 Pu loncolelu inayentuquefi Jehová tañi cutranpiuqueyechen, feimu quintuafingün com pu püntütripalelu ca yafültucuafingün ñi huiñotual Jehová mu. Tati che entungelu trahunche mu norümtule tañi raquiduam ca tañi huesa femquefel ñi hueniyetuafiel ta Jehová, pürüm lloungetuafui trahunche mu (2 Cor. 2:6-8).
12. 1) Pu loncolelu, ¿chem dungu mu cüme ngüneduamai ñi chumal engün? 2) ¿Chemu eipilaabüiñ Jehová cutranpiuqueyelaabi quiñeque yabcabe? (Pebinge quimal dungu).
12 Quiñeque mu tati pu loncolelu mülei ñi doi cüme ngüneduamal ñi rüf repentiutun pu cüpa huiñotulu. Tüfa tati pu rume huesalcaquefilu pichiqueche, pu caiñetufilu ti rüf dungu, apostata pingelu, ca pu adcünulu chumngechi ñi püntühual ñi afcadi meu (Mal. 2:14; 2 Tim. 3:6). Pu loncolelu mülei ñi cuñiutucuafiel pu peñi ca lamngen. Huelu loncontucuaiñ: chem huesa dungu rume femfule ti che, huelu rüf repentiutule ca elcünutule ñi huesa femün, Chau Jehová cutranpiuqueyeayu ca lloutuayu trahunche mu. Pu loncolelu cüme ngüneduamaingün petu ñi eluñmanofiel feichi che ñi huiñotual trahunche mu, huelu raquiduamlayaingün Jehová ñi turpu cutranpiuqueyenoafiel engün (1 Ped. 2:10). b
TATI TRAHUNCHE, ¿CHUMABÜI?
13. ¿Chumquebiiñ tati pu norümtungelu, huelu chumquebiiñ tati pu nentungelu trahunche mu?
13 Taiñ peel rupachi troquiñ mu, quiñeque mu quimelngeafui ti trahunche quiñe peñi cam lamngen ñi norümdungungen, tüfa pengeli ñi repentiutun tañi huesa culpan mu. Entungelai trahunche mu, feimu amuleafui taiñ quiñeucülen feichi che engu (1 Tim. 5:20). Feichi che petu coneltulei ti trahunche mu, fei duamniei tañi yafültucungeal (Heb. 10:24, 25). Huelu calequei dungu entungen mu quiñe che trahunche mu. Quiñeucülequelaiñ fei engün meu, quiñentrür iquelaiñ rume (1 Cor. 5:11).
14. ¿Chem ngümintuabüi ñi chumal caque quiñeque cristiano? (Pebinge pu adentun).
14 Quiñe che entungele trahunche mu, iñchiñ quiñeucülelaiñ feichi che engu. Huelu mangelafuiñ ñi amual taiñ trahun mu, quiñe parientengeafui cam quiñe cuifi hueni chi. Huelu quisuque pu cristiano mülei ñi raquiduamal Biblia ñi feipin tañi quimal chem chumal. Cafei cuifi feipingequefuiñ taiñ chalinoafiel tati pu entungelu amule trahun mu. Huelu feula pu cristiano quisuque ngüneduamafui Jehová tañi ngülam, fei dulliai ñi chaliafiel cam femnoal. Quiñeque cüdautulayafui tañi chaliafiel ca ñi feipiafiel “cümei tami cüpan trahun meu”. Huelu alüntu nütramcalayafuiñ ca quiñentrür femlayafuiñ chem caquelu dungu rume.
Feula pu entungelu mangelngeafui amual trahun mu ca chalingeafui amule. Quisuque pu cristiano dulliafui ñi femal cam femnoal. (Inaduamnge parrafo 14).
15. ¿Iñi engün mu ngütramcai 2 Juan 9-11? (Pebinge ca mülechi dungu “ Ñi eipin Juan ca Pablo, nüucülepi mai?”).
15 Biblia feipilei: “Tati chalifilu feichi che culpaconquei tañi huesaque femün meu”. Feimu quiñeque che ramtuhuafui: “¿Chumngechi femafun tüfa?” (papeltunge 2 Juan 9-11). Huelu tüfa ñi feipin apostol Juan coneltulei tati pu caiñetufilu ti rüf dungu, apostata pingelu, ca tati pu amulquelu ti culpan dungu (Apoc. 2:20). Feimu pu loncolelu huitranmalayafuingün feichi che. Quimlaiñ, feichi che repentiutuafui chi. Huelu femnole, chalilayafuiñ feichi che ca mangel-layafuiñ ñi amual trahun meu.
INAYENTUABIIÑ JEHOVÁ ÑI CHUMNGEN
16, 17. 1) ¿Chem ayüni Jehová ñi bemal pu yabcabe? (Ezequiel 18:32). 2) Pu loncolelu, ¿chumabüi Jehová engün ñi quelluabel pu yabcabe?
16 ¿Chem quimürpuiñ tüfachi revista mu? Chau Jehová ayüquelai inei no rume tañi apümcangeal (papeltunge Ezequiel 18:32). Fei ayüniei tati pu culpalu ñi huiñotual quisu mu (2 Cor. 5:20). Feimu cuifi ca fantepu mu, Chau Jehová feipiquefi pu püntütripalu huiñotunge iñche mu. Feimu tati pu loncolelu quelluntucuquefi ta Jehová engün tati pu culpalu ñi nor raquiduamtual (Rom. 2:4; 1 Cor. 3:9).
17 Felei llemai, Jehová, Jesús ca tati pu cümeque püllü rume ayüuqueingün huiñotun mu tati pu püntütripafulu. Raquiduamlu iñchiñ Jehová tañi cutranpiuqueyechen afquenolu, iñchiñ doi eluuqueiñ taiñ piuqueyeafiel (Luc. 1:78).
ÜLCATUN 111 ¿Chem mu am ayüucüleiñ?
a Feipingehuelai feichi che ñi huemünentungeel, feula feipiaiñ tañi entungeel trahunche mu.
b Biblia feipi quiñeque che tañi perdonangenoal. Fei tati eluulu tañi caiñetuafiel Jehová. Huelu Jehová ca Jesús müten ngüneduamafui inei tañi perdonayafiel (Mar. 3:29; Heb. 10:26, 27).
