1. Taiñ montutripaal Jehová ñi antü, ¿chumaiñ?

 QUIÑEQUE mu Biblia nütramcai Jehová tañi antü mu, ¿chem pi tüfa? Jehová tañi apümcaquefiel tañi pu caiñe ca tañi montulquefiel tañi pu che. Cuifi mu, Jehová castigaquefi quiñeque troquiñche tañi caiñetueteu (Is. 13:1, 6; Ezeq. 13:5; Sof. 1:8). Pichilehuechi antü mu, Jehová tañi antü conai lefcontungele ti Fütra Babilonia, fei afai Armagedón hueichan mu. Taiñ mongetripayal feichi antü mu, mülei taiñ pepicaucüleal fachantü. Doi mai Jesús feipi taiñ ‘rumel pepicaucüleal’ petu ñi acunon ti fütra cutrancahun (Luc. 12:40; Mat. 24:21).

2. ¿Chemu cümeabüi taiñ ngüneduamabel 1 Tesalonicenses mu?

² Ti apostol Pablo hunen carta ñi huirintuculelfiel pu Tesalónica che, adentucünulelfi fentren quimeltun, femngechi ñi pepicaucüleal engün petu tañi acunon Jehová tañi antü. Pablo quimniefui ñi acunoal Jehová ñi antü feichi antü mu (2 Tes. 2:1-3). Huelu feipifi engün ñi pepicaucüleal, femngechi ñi llihuatuleal reque. Iñchiñ ca femngechi mülei taiñ pepicaucüleal. Feula peafiyiñ cüla dungu ñi feipiel ta Pablo: 1) chumngechi cüpayai Jehová ñi antü, 2) inei engün am mongetripalayai, ca 3) chem mülei taiñ femal taiñ pepicaucüleal.

3. Jehová tañi antü acurumeai quiñe hueñebe reque, ¿chemu eipiabüiñ tüba? (Pebinge pu adentun).

³ Chau Dios ñi antü acuai ‘chumngechi ñi acurumequen quiñe hueñefe pun meu’ (1 Tes. 5:2). Pu hueñefe aporiauquechi hueñequeingün, inei no rume ñi esperanienoeteu. Ca femngechi acurumeai Jehová tañi antü, fentren pu che ñi esperanienon. Pu rüfngechi cristiano ca femngechi afmatulehueaingün  chi ñi matu rupan mu com dungu. Feichi antü mu apümcangeai pu huesaque che, huelu iñchiñ no.

4. Chumngechi cutranqui quiñe domüche niepüñeñcülelu, acuai Jehová ñi antü, ¿chemu eipiabüiñ tüba?

⁴ “Chumngechi cutranrumequei quiñe domo ñi püñeñal”, ca femngechi acuai Jehová ñi antü (1 Tes. 5:3). Quiñe domo esperanielu quiñe pichiche quimlai chem antü ca chem hora ñi püñeñal, huelu maneluucülei feichi antü ñi acual. Aculu chi antü ñi püñeñal, ti domo rume cutranrumequei. Iñchiñ ca quimlaiñ chem antü ca chem hora ñi acual Jehová tañi antü, huelu quimnieiñ ñi acual. Jehová tañi antü acurumeai inei no rume ñi esperanienon, fei huesaque che montulayai.

5. ¿Chumngechi tati bütra cutrancahun acuai tati hunman reque?

⁵ Jehová tañi antü trürümngei epe hunchi antü mu. Pablo ca huiño nütramcai pu hueñequelu dumiñ mu (1 Tes. 5:4). Pu hueñefe hueñequelu pun meu quimlaingün rume chumngechi ñi matu rupaquen ti hora, fei inaduamlaingün rume ñi epe hunrumen, fei pelochi antü mu ngelai cheu ñi ellcahual engün. Ca femngechi rupayai ti fütra cutrancahun mu. Pu che huesaque dungu femquelu trürümafuiñ feiti hueñequelu pun meu. Huelu acule ti fütra cutrancahun, Jehová com pengelcünuaeyu ñi huesa femmequen engün. Huelu iñchiñ fei engün reque femquelaiñ, doi mai pepicaucüleiñ taiñ montual Jehová tañi antü mu. Feimu femquelaiñ Jehová tañi üdequeel, ‘cüme piuquengeiñ fillque dungu mu, nor dungu femqueiñ ca miyauqueiñ rüf dungu mu’ (Efes. 5:8-12). Feula peafiyiñ chem mu trürümngei pu mongetripanoalu Jehová tañi antü mu.

6. Epe com che umaucüli reque, ¿chemu eipiabüiñ tüba? (1 Tesalonicenses 5:6, 7).

⁶ “Tuchi umautulu” (papeltunge 1 Tesalonicenses 5:6, 7). Pu che mongetripanoalu Jehová ñi antü mu Pablo trürümfi engün quiñe che umaucülelu mu. Quiñe che umaucülelu quimlai chem ñi rupamequen ca quimlai chumngechi ñi rupan ti hora. Quimnolu am chem dungu ñi rupamequen, feimu ngelai tañi chumal engün. Famülque mu, fentren pu che umaucülechi che reque feleingün (Rom. 11:8). Ngüneduamlaingün taiñ mülen afaelchi antü mu ca ñi epe aculen ti fütra cutrancahun. Rupan mu fütraque dungu mapu mu, pu che eluuquei tañi allcütuafiel Biblia ñi dungu, feimu nepequeingün reque. Huelu pürüm ngoimanentuingün, feimu ca huiño umaucülequetuingün. Quiñeque quimnieingün tañi juzgangeal ta che, huelu rume fentrelehuei ñi rupayal femngechi dungu piqueingün (2 Ped. 3:3, 4). Huelu iñchiñ quimnieiñ fill antü doi falin-ngei taiñ llihuatuleal.

7. Pu che apümcangealu, ¿chemu ngollibe reque belingün?

⁷ “Tuchi ngolliquelu”. Pablo trürümfi pu che ñi apümcangeal ngollife reque felelu. Quiñe che ngollilelu cümeque raquiduam nielai ca cümeque dungu femquelai. Ca femngechi huesaque che huesa mongen yenieingün, allcütuquelafingün ta Chau Dios. Huelu iñchiñ pu cristiano mülei taiñ nieal cüme raquiduam (1 Tes. 5:6). Quiñe quimche feipi quiñe che nielu cüme raquiduam tüngcülequei, cüme ngüneduamuuquei, fei cümeque dungu femquei pi. Tüngcüleliyiñ, conlayaiñ politico dungu mu. Doi püllelepale Jehová ñi antü, pu che doi ngüchaltucuaiñmu taiñ conal fei engün ñi femqueel mu. Huelu müte fill raquiduamcülelayaiñ, Chau Jehová tañi nehuen tüngduamelaiñmu ca quelluaiñmu taiñ cüme femal (Luc. 12:11, 12).

8. 1 Tesalonicenses 5:8 tañi eipin, ¿chem duamniiñ taiñ trepeluucüleal ca cüme raquiduamcüleal? (Cabei pebinge adentun).

⁸ ‘Tucutuhuaiñ taiñ cuñiutucuhual tañi rücu ca taiñ lonco’. Pablo feipieiñmu taiñ inayentuafiel pu soltau llihuatulelu ca cüme tucutuucülelu (papeltunge 1 Tesalonicenses 5:8). Mülele hueichan, pu soltau mülei ñi pepicaucüleal ñi hueichayal. Iñchiñ ca mülei taiñ pepicaucüleal acule Jehová ñi antü, ¿chumngechi? Mülei taiñ feyentuleal, nieal piuqueyehun ca taiñ maneluucüleal, tüfa quelluaiñmu taiñ pepicaucüleal.

9. ¿Chumngechi tati mupitun (beyentun) cuñiutucuqueiñmu?

⁹ Pu soltau cüme tucutuuquei ñi cuñiutucuhual tañi rücu, femngechi ñi allfülmangenoal ñi piuque. Ca femngechi ti feyentun ca piuqueyehun cuñiutucuqueiñmu. Taiñ feyentun ca piuqueyehun quelluqueiñmu taiñ serfinieafiel Jehová ca taiñ inayentuafiel ta Jesús. Ca femngechi taiñ feyentun mu, maneluucüleiñ Jehová ñi fürenequefiel feichi pu che tañi serfiqueteu com piuque mu (Heb. 11:6). Ca quelluaiñmu taiñ inanieafiel taiñ feipieteu Jesús rupaliyiñ rume cüdaungechi dungu mu. ¿Chumafuiñ taiñ doi feyentuleal? Inaduamafiyiñ chumngechi ñi aguantan pu peñi ca pu lamngen inacangelu rume ca müte nienolu rume ta plata. Ca inaduamafuiñ quiñeque peñi, lamngen cüme yenieingün ñi mongen ca hunentucuquefingün Jehová ñi dungu tañi mongen mu. Tüfa quelluaiñmu  taiñ rume falintunoafiel falinque fillem. b

10. Taiñ piuqueyebel Jehová ca com pu che, ¿chumngechi quelluaiñmu?

¹⁰ Ti piuqueyehun ca quelluqueiñmu taiñ llihuatuleal ca taiñ nieal cüme raquiduam (Mat. 22:37-39). Piuqueyefiliyiñ Chau Ngünechen, eluhuaiñ taiñ amuldungual cüdaungefule rume (2 Tim. 1:7, 8). Cafei fente taiñ piuqueyefiel mu pu che, chumqueiñ rume taiñ quimelelafiel engün Jehová ñi dungu, telefono, carta mu rume. Maneluucüleiñ ñi norcünutual ñi mongen engün ca ñi inayal Jehová ñi rüpü (Ezeq. 18:27, 28).

11. Taiñ piuqueyebel pu peñi ca lamngen trahunche mu, ¿chumngechi quelluaiñmu? (1 Tesalonicenses 5:11).

¹¹ Ca piuqueyequefiyiñ taiñ pu peñi ca pu lamngen, feimu huelucontu nehuentucuuqueiñ ca yafültucuuqueiñ (papeltunge 1 Tesalonicenses 5:11). Pu soltau quiñe mu mülelu huelucontu quelluuqueingün. Petu hueichamequelu engün, quiñe hueichafe allfülafui quiñe compañ, huelu ¿allfülpefi mai quisu tañi pin mu? Femlai. Iñchiñ ca femngechi turpu huesalcalayafuiñ taiñ pu peñi ca pu lamngen quisu taiñ pin mu, ca huiñoleltulayafiyiñ huesalcangeliyiñ rume (1 Tes. 5:13, 15). ¿Ca chumngechi pengelafuiñ taiñ piuqueyeniefiel pu peñi ca pu lamngen? Respetanieafiyiñ tati pu loncolelu (1 Tes. 5:12). Peafiyiñ ñi rupan Tesalónica trahunche. Pablo huirintuculelfilu tüfachi carta, ti trahunche epe quiñe tripantu niefui. Feimu ti pu loncolelu müte pepiluulafuingün chi, feimu huelulcaufuingün, huelu mülefui ñi respetangeal. Iñchiñ ca mülei ñi piuqueyeafiel ca respetayafiel pu loncolelu huelulcaufule rume. Doi püllelepale ti fütra cutrancahun, llouhuelayafuiñ chi taiñ adnieaeteu pu peñi central mundial mu cam Betel mu, feimu mülefui taiñ maneluhual müten pu loncolelu mu. Feimu chem rupafule rume, cüme raquiduam nieaiñ ca loncontucuaiñ Jehová Jesús mu adniefi pu loncolelu.

12. Taiñ maneluhun, ¿chumngechi cuñiutubi taiñ raquiduam?

 ¹² Tati casco cuñiutucuquefi ti hueichafe ñi lonco. Ca femngechi taiñ maneluucülen cuñiutucuñmaqueiñmu taiñ raquiduam, feimu falinolu troquiquefiyiñ tati mülelu ti mapu mu (Filip. 3:8). Tati maneluhun quelluqueiñmu taiñ tüngcüleal taiñ piuque. Peafiyiñ ñi rupan peñi Wallace ca tañi domo Laurinda, fei engu müleingu África mapu mu. Cüla semana mu müten, quiñe lai tañi chau, cangelu lai tañi ñuque. Huelu pepi huiñotulai tañi mapu mu engu ti pandemia ñi duam mu. Peñi Wallace feipi: “Raquiduamquelan ñi chumlequefel petu ñi lanon engu, huelu mai raquiduamquen ñi doi cüme feletual huiñomongetule engu. Tati maneluhun quellueneu tañi tüngduamcüleal ca tañi fente hueñancülenoal”.

13. ¿Chumabüiñ taiñ llohual Jehová tañi nehuen?

¹³ ‘Catrütulayafiyiñ ñi femün Chau Ngünechen ñi nehuen ta iñchiñ meu’ (1 Tes. 5:19). Nieliyiñ Jehová ñi nehuen, yafüluucüleaiñ ca eluucüleaiñ taiñ femal cümeque dungu ca taiñ cüdahuelafiel Jehová (Rom. 12:11). ¿Chumafuiñ taiñ llohual Jehová ñi nehuen? Ngillatunieafiyiñ Jehová taiñ eluaeteu, papeltuafiyiñ Biblia ca püntütripalayaiñ Jehová ñi troquiñche mu. Femngechi femliyiñ, doi cüme cristianongeaiñ (Gál. 5:22, 23).

14. ¿Chem dungu bamentoiñ taiñ llohual Jehová tañi nehuen? (Pebinge pu adentun).

¹⁴ Jehová eluqueiñmu tañi nehuen, huelu mülei taiñ cuñiutucuhual. Catrütulayafiyiñ taiñ quelluaeteu Jehová ñi nehuen. Feimu taiñ quelluaeteu Jehová ñi nehuen, mülei taiñ femal cümeque dungu ca nieal cümeque raquiduam. Nieliyiñ huesaque raquiduam ca eluuliyiñ ñi foliluhual reque taiñ lonco mu, fei llouhuelayaiñ Jehová ñi nehuen (1 Tes. 4:7, 8). ¿Ca chumaiñ? ‘Illamcalayafiyiñ Chau Ngünechen ñi feipicünuel’ (1 Tes. 5:20). Tüfa mu Pablo nütramcai com dungu ñi feipicünuel Jehová  tañi nehuen mu. Por ejemplo, Jehová feipicünui ñi püllelepan quisu tañi antü ca chem dungu ñi rupayal acule feichi antü. Iñchiñ raquiduamquelaiñ ñi fente faltan ñi acual Jehová ñi antü ca tati Armagedón. Doi mai raquiduamtucuniefiyiñ, epechi aculniefiyiñ. Feimu eluuqueiñ taiñ femal cümeque dungu ca taiñ serfinieafiel Jehová com piuque mu fill antü (2 Ped. 3:11, 12).

15. ¿Chumabüiñ taiñ ngünencangenoal? (1 Tesalonicenses 5:21).

¹⁵ Pichiñma mu Chau Dios ñi pu caiñe feipiaingün: “¡Com cümelcalei, ngelai chem dungu rume!” (1 Tes. 5:3). Com püle feipingeai huesaque dungu Huecüfü mu cüpalu, fei fentrenque che ngünencangeai (Apoc. 16:13, 14). ¿Iñchiñ cai? ¿Chumafuiñ taiñ ngünencangenoal? Inayafiyiñ tüfachi ngülam: “Ngüneduamaimün ñi rüfngepen mai com dungu” (papeltunge 1 Tesalonicenses 5:21). Griego quehun mu, ñi feipin Pablo pengeli quiñe che cüme ngüneduamquefilu ñi rüfngepen mai ti plata cam ti oro. Ca femngechi femaiñ iñchiñ, taiñ allcüel ca taiñ papeltuqueel cüme ngüneduamafiyiñ ñi rüfngepen mai. Doi fülcülepale ti fütra cutrancahun, doi mülei taiñ femal tüfa. Feyentufemlayafiyiñ com taiñ feipingeel, huelu mai trürümafiyiñ tañi feipin mu ta Biblia ca Jehová tañi troquiñche. Femngechi chem coilaque dungu rume Huecüfü mu cüpalu, ngünencalayaiñmu (Prov. 14:15; 1 Tim. 4:1).

16. ¿Chem maneluuquiiñ? Beula cai, ¿chumabüiñ?

¹⁶ Jehová ñi pu che mongetripayai ti fütra cutrancahun mu, huelu caque quiñeque iñchiñ quimlaiñ ñi chumleal taiñ mongen ta hule (Sant. 4:14). Iñchiñ mongetripayaiñ chi ti fütra cutrancahun mu cam layafuiñ petu ñi acunon. Huelu püntütripanoliyiñ Chau Jehová mu, eluaiñmu rumel mongen. Pu dullinque cristiano amuai engün huenu mu ñi müleal Jesús engün, ca ti caquelu ufisa rumel müleaingün mapu mu. Feimu, ¿chem mülei taiñ femal feula? Raquiduamtucunieafiyiñ ti maneluhun ca pepicaucüleaiñ petu acunole Jehová ñi antü.