1, 2. ¿Chemu küpa kimniiñ Apocalipsis ñi eipin?

 RAQUIDUAMNGE: eimi amuimi quiñe ruca mu, feimu pengelelngeimi quiñeque foto. Eimi petu pefilu ti foto inaduamrumeimi tami mülen fei mu. Fei ramtuhuafuimi chi: “¿Cheu am entungei feitachi foto? ¿Chumül am entungei?”. Ca femngechi inaduammequefimi inei tañi mülen ti foto mu. Feitachi foto müna falin-ngefui eimi mu.

² Tati lifru Apocalipsis feitachi foto reque felei, ¿chumngelu? Huirintucungei iñchiñngealu. Apocalipsis 1:1 feipi ta Jehová elufi ta Jesucristo ñi “quimelelafiel tañi pu poyequeteu” chem ñi rupayal pichiñma mu. Feimu feitachi lifru com chengenoalu tati, Chau Dios ñi pu serfiqueteu müten. Com ñi feipicünungeel Apocalipsis pingechi lifru mu, iñchiñ coneltuleiñ. Feimu feipiafuiñ “müleiñ reque ti foto mu”.

3, 4. Apocalipsis ñi eipin, ¿chumül bemtripaai tañi pu pelon dungu, ka chumabüiñ?

³ ¿Ca chumngelu inaduamafuiñ ti lifru Apocalipsis? Tati apostol Juan feipi com ñi feipicünungeel Apocalipsis lifru mu ñi femtripayal “Ñidol tañi antü meu” (Apoc. 1:10). Juan feipi 96 tripantu mu. Feichi meu petu aculafui Ñidol tañi antü (Mat. 25:14, 19; Luc. 19:12). ¿Chumül am coni Ñidol tañi antü? Feichi Jesús reycünungelu huenu mu 1914 tripantu mu. Feichi meu ca fantepu meu,  femtripamequei ñi feipicünuel Apocalipsis lifru. Feimu iñchiñ famülque meu müleiñ mai Ñidol tañi antü meu.

⁴ Mülelu am iñchiñ Ñidol ñi antü meu, feimu cümei taiñ raquiduamcüleal ñi feipin Apocalipsis 1:3. Feipi: “Ayühun nieai tati chillcatulu ca ti pu allcütulu tüfachi huerquen dungu llohuel ta Ngünechen meu, ca tati feyentulu com tati huiriconcülelu ta tüfa meu, deu fülcülepalu am tati antü ñi mupial tüfachi dungu”. Felei llemai, com iñchiñ mülei taiñ papeltuafiel, allcütuafiel ca inayafiel ñi feipin Apocalipsis. Feula peafiyiñ quiñeque dungu ñi feipin Apocalipsis.  

5. ¿Chumngechi kellueiñmu (ingkaeiñmu) Apocalipsis taiñ kimal Jewba küme llowki taiñ wenupüramün?

⁵ Apocalipsis pingechi lifru feipi Jesús cüme quimniei chem ñi ruparupangen trahunche mu (Apoc. 1:12-16, 20; 2:1). Jesús cüme quimniefui chem ñi rupaquefel tati regle trahunche Asia Menor meu mülelu. Feimu cüme ngülamtufi tañi cüme poyeafiel ta Jehová engün, femngechi tañi cüme lloumayaeteu. Feitachi cümeque ngülam ñi elufiel engün ca quelluqueiñmu iñchiñ. ¿Chem quimeltueiñmu tüfa? Taiñ Ñidol Jesús cüme quimniei inei tañi cüme hueniyefiel ta Jehová. Quisu cüme adniequeiñmu, cuñiutucuqueiñmu ca quimniei chem tañi rupamequen. Ca cüme quimniei chumngechi ayühulafuiñ ta Jehová. Feula peafiyiñ quiñeque ngülam Jesús ñi elufiel feitachi trahunche ca peaiñ chumngechi inayafuiñ iñchiñ.

6. 1) Apocalipsis 2:3, 4 tañi eipin, ¿chem upabüi pu cristiano Efeso trawünche mu? 2) ¿Chem kimeleleiñmu tüba?

⁶ (Papeltunge Apocalipsis 2:3, 4). Piuqueyenieafiyiñ ta Jehová com taiñ piuque mu. Peafiyiñ Jesús ñi feipifiel pu cristiano Éfeso meu mülelu. Fei engün nehuencülefuingün rupafulu engün rume huesaque dungu mu ca fentecünulaingün ñi serfiafiel Jehová. Femfulu rume, piuqueyehuelafingün ta Jehová chumngechi tañi piuqueyefel ellaca mu. Mülefui tañi com piuque mu tañi piuqueyenieafiel ta Jehová ayüle engün tañi cüme llohuaeteu. Ca femngechi iñchiñ nehuentuleliyiñ, femaiñ fente taiñ piuqueyefiel mu ta Jehová. Fei tüfa rume falin-ngei Jehová mu. Iñchiñ serfiquefiyiñ Jehová fente taiñ piuqueyefiel mu ca mañumtufiel mu (Prov. 16:2; Mar. 12:29, 30).

7. 1) Apocalipsis 3:1-3 tañi eipin, Jesu ¿chem eipibi pu cristiano Sardis trawünche mu? 2) ¿Chumabüiñ?

⁷ (Papeltunge Apocalipsis 3:1-3). Trepeluucüleaiñ. Peaiñ ñi rupan Sardis pingechi trahunche. Fei engün cuifi mu rume cüdahuelquefuingün Jehová, huelu rupachi antü mu fente femhuelaingün. Feitachi trahunche umautumequefuingün, feimu Jesús feipieyu ñi trepeleal. ¿Chem quimeltueiñmu tüfa? Jehová ngoimanentuquelai taiñ cüdahuelquefiel (Heb. 6:10). Huelu raquiduamlayaiñ “deu fente cüdahuelquefiñ Jehová” pilayaiñ. Umautumequelayaiñ pu sardische reque. Chumngechi taiñ cüdauquefel cuifi mu, femngechi fente cüdauhuequelaiñ chi fachantü. Huelu rumel cüdahuelnieafiyiñ Jehová com taiñ piuque mu ca trepeluucüleaiñ (Mat. 24:13; Mar. 13:33; 1 Cor. 15:58).

8. Jesu tañi eipibel pu cristiano Laodicea trawünche mu, ¿chem kimeleleiñmu? (Apocalipsis 3:15-17).

 ⁸ (Papeltunge Apocalipsis 3:15-17). Serfiafiyiñ Jehová com taiñ piuque mu. Peaiñ ñi rupan Laodicea trahunche. Fei engün llacolefuingün reque, raquiduamquelafuingün rume chumngechi tañi serfiquefiel ta Jehová. Feimu Jesús feipieyu ñi cuñifallfel engün. Feimu mülefui ñi yafüluhual engün, fei ñi com piuque mu ñi serfiafiel ta Jehová (Apoc. 3:19). ¿Chem quimeltueiñmu tüfa? Müte ayüucülehuenoliyiñ taiñ serfiquefiel ta Jehová, raquiduamaiñ com ti cümeque dungu taiñ eluqueteu Jehová ca tañi troquiñche, femngechi taiñ mañumcüleal (Apoc. 3:18). Doyümliyiñ taiñ ricungerpual, cüme poyehuelayafuiñ ta Jehová. Feimu mülei taiñ hunentucual ta Jehová taiñ mongen mu.

9. Rakiduamliiñ Jesu tañi eipibel pu cristiano Pergamo ka Tiatira trawünche mu, ¿chem bamentuaiñ?

⁹ Famentuafiyiñ com ñi quimeltuqueel pu apostata. Peaiñ ñi rupan epu trahunche. Quiñe, Pérgamo trahunche. Fei mu quiñeque cristiano hudamcafuingün tañi pu peñi ca pu lamngen, feimu quiñeucülehuelaingün. Fei Jesús norümtueyu engün (Apoc. 2:14-16). Ca epu, Tiatira trahunche. Pu cristiano mülelu feichi trahunche mu famentufingün ñi quimeltuel ta Huecüfü. Feimu Jesús saquieyu ca feipieyu ñi elcünunoal engün ti rüfngechi dungu (Apoc. 2:24-26). Feitachi pu cristiano inaquefilu coilaque quimeltun, mülefui ñi repentiutual. Ca femngechi iñchiñ famentuafiyiñ com coilaque quimeltun cüpalu Huecüfü mu. Pu apostata falintuquefilu ti Biblia femfaluuqueingün, huelu rüf falintuquelafingün (2 Tim. 3:5). Cüme papeltufiliyiñ ta Biblia pürüm inaduamaiñ pu apostata ñi rüfngenon tañi enseñaqueel, femngechi famentufemafiyiñ (2 Tim. 3:14-17; Jud. 3, 4).

10. ¿Ka chem dungu kimeleleiñmu Jesu tañi eipin?

¹⁰ Famentuafiyiñ com huesaque cudumuhun dungu. Pérgamo ca Tiatira trahunche mu, quiñeque cristiano coningün huesaque cudumuhun dungu mu. Feimu ta Jesús norümtueyu engün (Apoc. 2:14, 20). ¿Chem quimeltueiñmu tüfa? Jehová üdequei taiñ conal huesaque cudumuhun dungu mu, tunten tripantu  yeniefuliyiñ rume taiñ poyefiel Jehová cam niefuliyiñ rume falinque cüdau trahunche mu (1 Sam. 15:22; 1 Ped. 2:16). Huesa mongen rume yeniefule pu che, iñchiñ lifcüleaiñ Jehová ñi adquiñ mu (Efes. 6:11-13).

11. Bantepu mu taiñ papiltobel, ¿chem kimeleleiñmu? (Pebinge ti udamngechi dungu “ Apocalipsis tañi eipin, ¿chem kimeleleiñmu?”).

¹¹ ¿Chem quimürpuiñ rupachi parrafo mu? Rume falin-ngei taiñ ngüneduamuhual femngechi taiñ poyeafiel ta Jehová chumngechi ñi ayüqueel. Huesaque dungu femrumeliyiñ, pürüm famentuafiyiñ femngechi taiñ cüme llohuaeteu Jehová (Apoc. 2:5, 16; 3:3, 16). Feula peafiyiñ Jesús ca chem dungu feipifi tati pu trahunche.

12. Pu werkün dungu llowlu trawünche Esmirna ka Filadelfia, ¿chem kimeleleiñmu? (Apocalipsis 2:10).

¹² Peafiyiñ Jesús ñi feipifiel Esmirna ca Filadelfia trahunche. Jesús feipifi tüfachi pu cristiano ñi llicalenoal caiñetungele engün. ¿Chumngelu? Fei engün inaniefile müten ta Jehová, Jehová cümelcayaeyu (papeltunge Apocalipsis 2:10; 3:10). ¿Chem quimeltueiñmu Jesús ñi feipin? Quiñe antü caiñetungeaiñ, feimu pepicaucüleaiñ taiñ nehuencüleal (Mat. 24:9, 13; 2 Cor. 12:10). Rume falin-ngei taiñ loncontucual tüfa, ¿chumngelu? Peafiyiñ.

13, 14. Apocalipsis capitulo 12 tañi eipin, ¿chem upaki Jewba ñi pu che mapu mu?

¹³ Apocalipsis lifru feipi Jehová ñi pu che ñi caiñetungeal famülque mu. Apocalipsis capitulo 12 feipi reycünungelu ta Jesús, mülefui quiñe hueichan huenu mu. Jesús, ca Miguel pingelu, tañi cümeque püllü engün hueichafingün Satanás ca tañi huesaque püllü (Apoc. 12:7, 8). Huecüfü ca tañi huesaque püllü hueungeingün, fei quechanacümngepaingün Mapu mu fei huesalcaquefingün pu che mülelu tüfa mu (Apoc. 12:9, 12). Fei, ¿chem dungu rupamequei Jehová tañi pu che mu?

¹⁴ Huecüfü pepi conhuepunolu am huenu mu, feimu huesalcamequefi pu dullin cristiano. Fei engün huldunguqueingün Chau Dios ñi Gobierno mu ca Jesús meu (2 Cor. 5:20; Efes. 6:19, 20; Apoc. 12:17). ¿Chumngechi caiñetungequei pu dullin cristiano? Peafiyiñ.

15. ¿Iñi engu am “epu dungukelu” Apocalipsis capitulo 11 mülelu, ka chem upaingu?

¹⁵ Cuifi mu Huecüfü tañi duam mu,  caiñetungequei pu dullin cristiano adcünuquefilu ti amuldungun cüdau. Feitachi pu peñi mu mülefui pura peñi nielu falinque cüdau. Ti “epu hueupife” ñi nütramcael Apocalipsis lifru adentulei feitachi pura peñi. Feichi “epu hueupife” feipicünungei ñi langümngeal * (Apoc. 11:3, 7-11). 1918 tripantu mu feichi pura peñi coila dalluntucungei ca presuntucungei. Feimu turpu amuldunguhuenoalu troquingequefui, langümngelu quechilefuingün.

16. ¿Chem amatubalchi dungu upai 1919 tripantu mu, welu Satana chumki?

¹⁶ Apocalipsis capitulo 11 ca feipi pichin rupalu müten ñi langümngeal ti epu hueupife, huiñomongetuaingu. ¿Chumngechi femtriparpui feitachi profecia? Pichin rupalu müten ñi presuntucungen feiti pura peñi, marzo 1919 tripantu mu lifretripaingün. Cafei com tañi culpantucungequefel engün, famentuñmangeingün. Feitachi pu peñi lifrecünungelu engün, fentecünulai ñi amuldungucheal ca quimeltucheal. Huelu Satanás fentecünulai ñi caiñetuafiel Jehová ñi pu che. Feitachi caiñetun quiñe “leufü” reque felei (Apoc. 12:15). Feimu com iñchiñ mülei taiñ nehuentuleal ca feyentuleal Chau Jehová mu (Apoc. 13:10).

17. Jewba tañi pu che, ¿chem kellun llowingün?

¹⁷ Apocalipsis capitulo 12 feipi Jehová ñi pu che ñi quellungeal. Biblia feipi ‘ti mapu nülatripai hun reque, fei hutruconi ti leufü’ (Apoc. 12:16). ¿Chumngechi femtripai tüfa? Quiñeque tribunal mülelu Mapu mu cüme raquiduamingün Jehová tañi pu che mu, fei quellufingün. Pu testigo fentren rupa culpantucungeingün, huelu tañi quellueteu mu pu tribunal hueutripaingün. Feimu catrütungehuelai ñi cüdahuelafiel ta Jehová (1 Cor. 16:9).

18. Tübachi abchike antü mu, ¿chuchi am unen küdaw taiñ bemal?

¹⁸ Jesús feipi tañi pu inaniequeteu ñi amuldungual com Mapu püle, petu ñi apümcangenon com huesaque dungu (Mat. 24:14). Fentren cümeque püllü quellueyu engün ñi amuldungual. Feitachi  cümeque püllü yeniei tüfachi “huerquen dungu tañi quimelelafiel tati pu che müleyelu ta mapu meu, ca itrocom troquiñque mapu, ca tripanche, dungun ca troquiñche” (Apoc. 14:6).

19. Jewba tañi pu che, ¿chem kakelu werkün dungu tañi amuldungual müli?

¹⁹ Jehová ñi pu che amuldunguquelai cümeque dungu müten, ca quelluntucuquefi pu cümeque püllü ñi nütramcael Apocalipsis capitulo 8 puulu 10. Feitachi cümeque püllü amuldunguquei ti huesaque dungu ñi rupayal pu poyequenofilu ta Jehová. Taiñ amuldunguqueel ‘pire (yai) ca cütral’ reque felei. Feita mu feipi Jehová ñi chumafiel Huecüfü ñi ngünenieel (Apoc. 8:7, 13). Com tati pu che cümefui ñi quimal ñi pichilehuen ñi afal com huesaque dungu. Fei cüme elcünutuafuingün tañi mongen fei montuafuingün (Sof. 2:2, 3). Feitachi dungu taiñ feipiel müte ayüquelai ta che, fei nehuencünuhuafuiñ. Doi mai conle ti fütra cutrancahun, doi illcuai ta che tañi feipingeel mu (Apoc. 16:21).

20. ¿Chem peaiñ küpalechi epu kimelün mu?

²⁰ Iñchiñ coneltuleiñ ñi feipiel Apocalipsis lifru, feimu rume falin-ngei taiñ inayafiel ñi feipin (Apoc. 1:3). Huelu caiñetungeliyiñ, ¿chumafuiñ taiñ aguantayal ca taiñ com nehuen mu amuldunguleal? Epu dungu quelluaiñmu taiñ femal. Hune, inaduamafuiñ ñi feipin Apocalipsis Jehová tañi pu caiñe mu. Ca epu, raquiduamafuiñ ti cümeque dungu taiñ llohual püntütripanoliyiñ Jehová mu. Cüpalechi epu troquiñ mu ngüneduamaiñ feitachi epu dungu.