1, 2. Salmo 34:8 tañi eipin, taiñ kimabel Jewba ñi küme piwkengen, ¿chumaiñ?

RAQUIDUAMNGE: elungelmi quiñe iyael, turpu tami iquenofiel. Fei pefilmi ca nümünümütufilmi ca pengelngelmi quiñe receta, feimu quimafuimi chumngechi ñi felen ti iyael. ¿Chumngechi quimafuimi cümen cam cümenon ti iyael? Fei ifilmi ti iyael, quimafuimi ñi cümen cam cümenon.

² Ca femngechi iñchiñ papeltufiliyiñ ta Biblia ca papeltufiliyiñ tati publicacion, feimu quimürpuaiñ ñi cüme piuquengen ta Chau Dios. Ca femngechi allcüqueiñ ñi cümelcafiel taiñ pu peñi ca taiñ pu lamngen ta Chau Dios. Fei, ¿fentepuhuai taiñ quimafiel Chau Dios tañi cüme piuquengen? Femlai. Rüf quimafuiñ ta Jehová tañi cüme piuquengen eluuliyiñ taiñ cümelcayaeteu (papeltunge Salmo 34:8). Raquiduamaiñ tüfa: raquiduamcüleliyiñ taiñ huneleal ta amuldungun mu, huelu mülei taiñ cümelcacünual taiñ mongen. Allcüqueiñ chi hunentucufiliyiñ taiñ cüdahuelafiel ta Jehová, eluaiñmu chem taiñ duamnieel. Huelu turpu pequelafiyiñ tañi femün ta Jehová iñchiñ mu, re allcüquefiyiñ müten (Mat. 6:33). Tunte felefule rume, iñchiñ quimnieiñ Jehová taiñ eluaeteu taiñ duamnieel. Femngechi eluhuiyiñ taiñ doi pichi cüdahual ca doi pichin plata taiñ huehual, femngechi taiñ hunentucuafiel taiñ cüdahuelafiel ta Jehová. Femngechi femliyiñ, rüf quimafiyiñ chumngechi taiñ duamtunieteu ta Jehová.

3. Salmo 16:1, 2 tañi eipin, Jewba ¿iñi am ta elukebi kümeke dungu?

³ Jehová com pu che eluquefi cümeque dungu ca tañi quimnoeteu rume (Sal. 145:9; Mat. 5:45). Doi mai eluquefi  fentren cümeque dungu tañi piuqueyequeteu ca tañi serfiqueteu (papeltunge Salmo 16:1, 2). Ngüneduamaiñ chem cümeque dungu ñi femquen ta Jehová iñchiñ mu.

4. Pu che ñi bülkontuetu, ¿chumngechi Jewba pengelkebi tañi duamtunebel?

⁴ Taiñ quimürpun Jehová mu piuquentucufiyiñ ca inaquefiyiñ. Por ejemplo, iñchiñ quimürpufiyiñ ta Jehová ca piuqueyefiyiñ. ¿Chumi ta Jehová? Quellueiñmu taiñ elcünual huesaque huimtun (Col. 1:21). Fei taiñ elufiel taiñ mongen ca taiñ fautizahun mu, ¿chumi ta Jehová? Elueiñmu cüme raquiduam ca taiñ doi fülcontunieafiel (1 Ped. 3:21).

5. ¿Chumngechi kellukeimu (ingkakeimu) Jewba amuldungun mu?

⁵ Amuldungun mu iñchiñ pequeiñ chumngechi taiñ quelluqueteu meu ta Jehová. Raquiduamnge tüfa mu: eimi yehuenchen-ngeimi chi, fentren testigo femngei. Petu tami testigongenon, raquiduamlaimi rume chi tami amuldungulelafiel quimnofielchi che, huelu feula rumel femqueimi. Doi mai Jehová quellueimu tami ayühunquechi amuldungual. ¿Ca chumngechi am quelluqueimu ta Jehová? Amuldungun mu quiñe che huesa pielmu, Jehová quelluaimu tami tüngcüleal. Ca femngechi quelluqueimu tami loncontucunieal quiñeque troquiñ Biblia mu tami amuldungual. Ca femngechi quelluqueimu tami amuldunguleal pinole rume ta che tañi allcütual (Jer. 20:7-9).

6. Amuldungun mu, ¿chumngechi pepikakeiñmu Jewba?

⁶ Jehová pepicaqueiñmu ta amuldungual, femngechi pengelqueiñmu ñi cüme piuquengen iñchiñ mu (Juan 6:45). ¿Chumngechi pepicaqueiñmu Jehová? Taiñ trahun mu quimeltungequeiñ chem taiñ feipiafiel tati pu che amuldungun mu, fei iñchiñ inayafuiñ tüfachi ngülam. Hune pichi müllmüllcüleafuiñ chi, huelu eluuliyiñ taiñ femal, peafuiñ ñi cüme tripalen. Cafei trahun mu ca fütraque trahun mu ngülamtungequeiñ ñi caquerumeal taiñ amuldunguchen. Tüfa ca müllmüllelafeiñmu chi, huelu femliyiñ, Jehová cümelcayaiñmu. Feula peaiñ chumngechi cümelcaqueiñmu Jehová taiñ maneluucülen quisu meu ca taiñ com piuque mu ñi serfiquefiel. Fei hula peafiyiñ chumafuiñ doi taiñ cüdahuelafiel ta Jehová.

7. Taiñ doi küdawelkebel ta Jewba, ¿chem kümeke dungu llowkiiñ?

⁷Doi fülconqueiñ ta Jehová mu. Peafiyiñ ñi rupan quiñe curehuen mülelu Colombia mapu mu. Tañi trahunche mu fei engu hunelequefuingu amuldungun mu, huelu ayülefuingu ñi quellual cangelu trahunche doi duamnielu quellu. Femngechi tañi femal engu huelu mülefui tañi doi cüme elcünutual tañi mongen. Ti huentru, Samuel pingelu, * feipi: “Inafiyu ti ngülam Mateo 6:33. Femngechi ngillahuelayu chemcün taiñ duamnienofiel” pi taiñ peñi. Huelu tüfachi curehuen cüdautui ñi elcünual quiñeque dungu. Samuel feipi: “Mülefui tayu elcünual tayu ruca. Rume ayüniefuyu tüfachi ruca, ca defelelafuyu chem plata no rume tayu cullial” pi taiñ peñi. Puulu engu ti hue trahunche mu, quimürpuingu ñi doi pichin plata ñi duamniefel tañi mongeleam engu. Samuel ca feipi: “Pefiyu chumngechi tayu quellueteu Jehová ca ñi allcütun tayu ngillatuquefiel. Raquiduamiyu Jehová ñi rume ayüucülen  iñchiu mu. Jehová pengeleyumu tayu piuqueyenieteu, cuifi femngechi pequelafuyu” pi taiñ peñi. Eimi cai, ¿ca femngechi eluucüleimi tami doi cüdahuelafiel ta Jehová? Femülmi doi fülconaimi ta Jehová mu, fei eluaimu chem rume tami duamnieel (Sal. 18:25).

8. Iván ka Victoria ñi eipin, ¿chem kimeleiñmu?

⁸Rume ayüucülen serfiquefiyiñ ta Jehová. Peafiyiñ ñi feipin quiñe curehuen hunelequelu amuldungun mu, Iván ca Victoria pingelu. Fei engu eluhuingu ñi femal chem cüdau rume mülele Jehová ñi troquiñche mu, ca ñi deumarucayal cütu. Femngechi duamnielafingu ñi nieal falichi chemcün tañi mongen mu. Iván feipi: “Com tayu nehuen mu cüdauqueyu. Afchi antü meu rume ürcüqueyu, huelu tüngcüleyu ca ayüucüleyu tayu cüdahuelquefiel ta Jehová. Ca femngechi cümeque hueni ta niequeyu ca acordaqueyu com ti cümeque dungu tayu rupaqueel” pi taiñ peñi (Mar. 10:29, 30).

9. ¿Chumi kiñe lamngen weyake dungu upalu ume? ¿Chum tripai ñi bemün?

⁹ Rupafuliyiñ rume huesaque dungu mu taiñ mongen mu, ca ayüucüleafuiñ taiñ serfiafiel ta Jehová. Peafiyiñ ñi rupan quiñe cushe lamngen mülelu África mapu mu. Cuifi doctorangefui. Huelu elcünui ñi cüdau, fei eluhui ñi huneleal amuldungun mu. Taiñ lamngen niei artritis cutran. Nehue puedelai tañi fentren trecayahual, feimu quiñe hora müten trecayahun amuldunguquei. Carrito mu müten doi tiempo rupayafui tañi amuldunguquen. Taiñ lamngen fentren che quimeltuquefi Biblia mu, quiñeque engün quimeltuquefi telefono mu. ¿Chumngelu femquei com tüfa? Taiñ lamngen feipi: “Iñche rume piuqueyeniefiñ ta Jehová ca Jesús. Cafei llellipuquefiñ ta Jehová tañi serfiafiel tunte tañi pepi femal” pi taiñ lamngen (Mat. 22:36, 37).

10. Isaías 54:13 kam 1 Pedro 5:10 tañi eipin, kom pu doi küdawelkebilu Jewba, ¿chem kümeke dungu llowkingün?

¹⁰Jehová pepicaqueiñmu taiñ quellual com cüdau mu. Quiñe hunelequelu amuldungun mu, Kenny pingelu, femngechi dungu mu rupai. Fei amuquefui universidad mu. Huelu quiñe antü mu quimfi ti rüf dungu, fei elcünufi ti universidad. Rupachi tiempo mu fautizahui, fei eluhui ñi precursorngeal. Taiñ peñi feipi: “Eluuquen ñi Isaías reque ñi feleal: ‘¡Tüfa mu mülen! ¡Huercüen llemai!’” (Is. 6:8). Taiñ peñi Kenny quelluquefui ñi deumayal Trahunhue Ruca, ca ñi rulpadungungeal tati publicacion quisu ñi quehun mu. Taiñ peñi feipi: “Müna cüme pepicangen tañi doi adümuucüleal tañi cüdau mu. Ca femngechi inaduamün tañi pepi femquenofel quiñeque dungu. Quimürpun tañi doi cüme cristianongeal, femngechi tañi quelluntucual chem cüdau rume” pi taiñ peñi (papeltunge Isaías 54:13). Ca femngechi eimi eluhulmi tami doi serfiafiel ta Jehová, fei ta cüme pepicayaimu.

11. ¿Chumi küla lamngen tañi amuldungucheal? (Pebinge ti adentun mülelu ti unen pagina mu).

¹¹ Taiñ pu peñi ca taiñ pu lamngen fentren tripantu rume yeniele tañi testigongen, ca duamnieingün ñi cüme pepicangeal ñi pepilal cangelu dungu. Peafiyiñ ñi feipin quiñeque loncolelu Corea del Sur pingechi mapu mu. Petu mülelu ti COVID-19 pingechi cutran, fei engün feipingün tüfa: “Trahunche mu quiñeque peñi ca quiñeque lamngen pepi amuldunguquelafui tañi cutrancülen mu,  huelu feula amuldunguqueingün internet mu. Mülei cüla lamngen nielu doi 80 tripantu, adümfingün chi computador fei amuldunguqueingün fill antü” (Sal. 92:14, 15). Eimi cai, ¿ayüafuimi tami doi serfiafiel ta Jehová, fei tami peal chumngechi tami quelluaeteu? Peafiyiñ quiñeque dungu tami femal.

12. Jewba, ¿chem am eluabi tati pu maneluwkülelu kidu mu?

¹²Maneluhuaimi ta Jehová mu. Jehová feipieiñmu maneluuliyiñ quisu mu ca com piuque mu cüdahuelfiliyiñ, eluaiñmu alünque cümeque dungu (Mal. 3:10). Peafiyiñ ñi rupan quiñe lamngen Fabiola pingelu. Fei despue ñi fautizahun mu, ayülefui ñi huneleal amuldungun mu. Huelu taiñ lamngen mülefui ñi cüdahual tañi eluafiel plata tañi familia, huelu cüdaunole ngelayafui iyael ruca mu. Rupachi tripantu mu, puhui tañi jubilayal, fei ngillatufi ta Jehová. Fei tramitafi tañi jubilayal. Quisu feipi: “Petu tramitangen ti jubilacion, rume fentreñmaquei tañi lloungeal. Huelu iñche quiñe cüyen müten ñi rupan, lloufiñ tañi tramitael. ¡Rume afmatufali!” pi taiñ lamngen. Epu cüyen ñi rupan, hunelei amuldungun mu taiñ lamngen. Feula doi 70 tripantu niei taiñ lamngen ca doi 20 tripantu yeniei tañi hunelequen amuldungun mu. Taiñ lamngen quellufi pura che tañi fautizahual engün. Quisu ca feipi: “Quiñeque mu müte nehuen-ngequelan, huelu Jehová quellueneu tañi huneleal amuldungun mu”.

13, 14. ¿Iñi engün ñi bemün kelluabeiñmu taiñ maneluwal Jewba mu ka taiñ doi küdawelabel?

 ¹³Quimafimi ñi femün ti pu che maneluulu Jehová mu. Biblia quimeltuquei fentren che ñi nehuentun ñi serfifiel ta Jehová. Fei engün pengelingün ñi maneluucülen ta Jehová mu, fei Jehová elueyu cümelcan. Peafiyiñ cüla ejemplo. Quiñe: Abrahán. Quimlafui rume cheu ñi huercüeteu Jehová. Huelu elcünui ñi ruca, fei hula Jehová cümelcaeyu (Heb. 11:8). Epu: Jacob. Deu ñi quehuatun quiñe püllü mu, fei hula cümelcaeyu Jehová (Gén. 32:24-30). Cüla: ¿acordaimi feichi pu israelche epe concülepulu ti Feipicünuelchi Mapu mu? Pu sacerdote pünoconpulu hula ti leufü mu, fei hula Jehová eluñmaeyu ñi nopual engün (Jos. 3:14-16).

¹⁴ Famülque mu ca mülei fentren peñi ca fentren lamngen pengelqueingün tañi maneluucülen Jehová mu. Quiñe peñi Payton pingelu ca tañi domo Diana, rume ayüqueingu ñi papeltual ñi femün quiñeque peñi ca quiñeque lamngen cüdahuelquefilu ta Jehová. Quiñe troquiñ ñi papeltuqueel engu fei tati feipilelu Se ofrecieron de buena gana. * Ti peñi feipi: “Ñi papeltufiel mu ñi femün feitachi pu peñi ca pu lamngen, rume yafültucuqueiñmu. Fei ‘ca femafuyu iñchiu’ piquefuyu”. Rupai chi tripantu, fei Payton engu Diana huiñamtuhuingu cañpüle cheu ñi duamniengeel doi amuldunguquelu. Eimi ¿papeltuquefuimi cai feitachi troquiñ? Ca ¿pequefuimi cai ti video Predicación en lugares apartados: Australia ca ti video Predicación en lugares apartados: Irlanda mülelu jw.org mu? Com tüfachi quellu quelluafeimu tami doi cüdahuelafiel ta Jehová.

15. Weniyebiliiñ tati pu che unentukukebilu ta Jewba, ¿chumngechi newentungeaiñ?

¹⁵Hueniyeafimi taiñ pu peñi ca pu lamngen hunentucuniefilu ta Jehová. Femngechi femliyiñ, eluucüleaiñ taiñ doi cüdahuelafiel ta Jehová. Femngechi dungu mu rupai quiñe curehuen Kent engu Verónica pingelu. Taiñ peñi Kent feipi: “Taiñ pu hueni ca taiñ familia feipiqueiñmu taiñ doi cüdahuelafiel ta Jehová. Quimürpuyu tüfa: hueniyefiliyiñ taiñ pu peñi ca taiñ pu lamngen hunentucufilu ta Jehová tañi mongen mu, quelluaiñmu taiñ ca femngechi femal fei taiñ doi cüdahuelafiel ta Jehová” pi taiñ peñi. Famülque mu, tüfachi curehuen Serbia mapu mu hunelequei amuldungun mu 130 hora fill cüyen.

16. Lucas 12:16-21 tañi eipin, ¿chemu doi küdawelabüiñ ta Jewba?

¹⁶Eluunge tami doi cüdahuelafiel Jehová. Duamfal-lai taiñ com elcünual taiñ serfiafiel Jehová (Ecl. 5:19, 20). Huelu nieafuiñ chi quiñeque chemcün catrütuqueiñmu taiñ doi serfiafiel Jehová, huelu cüpa elcünulafiyiñ. Femngechi raquiduam nieliyiñ, felerpuafuiñ feiti ricu huentru reque ñi nütramcael ta Jesús: taiñ cüme mongen nieal müten, huelu duamtulayafuiñ ta Jehová (papeltunge Lucas 12:16-21). Quiñe peñi Cristian pingelu, mülelu Francia mapu mu, feipi: “Cuifi müte eluucülelafun tañi doi cüdahuelafiel ta Jehová ca tañi rupayal tañi familia iñchiñ” pi taiñ peñi. Rupachi antü mu, taiñ peñi ca tañi domo eluhui ñi huneleal amuldungun mu. Femngechi tañi femal engu, elcünui tañi cüdau engu. ¿Chumquefui tañi mongeleam engu? Cüdauqueingu ñi liftuafiel  ruca. Feula rume ayüucüleingu ñi pichique hueufiel mu rume ta plata. ¿Cümepei mai ñi com femün engu? Taiñ peñi feipi: “Rume ayüucüleyu tayu doi serfiafiel ta Jehová ca rume ayüqueyu tayu quimeltuafiel Biblia tati pu che ca ñi quimürpuqueel engün Jehová mu”.

17. ¿Chem newentueyu kiñe lamngen tañi amuldungual telefono mu?

¹⁷Eluunge tami femal caquerume dungu tami amuldungual (Hech. 17:16, 17; 20:20, 21). Quiñe lamngen hunelequelu amuldungun mu Estados Unidos mapu mu, cambiafi quiñeque dungu tañi amuldungual petu ñi mülen ti pandemia COVID-19 pingelu. Hunelu meu pilafui ñi amuldungual telefono mu. Huelu ti huitran-ngepaquechi loncolelu quellueyu ñi femngechi amuldungual. Feula taiñ lamngen amuldungulequei telefono mu. Quisu feipi: “Hunelu mu llicaquefun, huelu feula ayühunquechi amuldunguquen telefono mu. Feula doi fentren che ta amuldungulelquefiyiñ ta cuifi mu”.

18. Doi küdawelnobiliiñ ta Jewba, ¿chem newentuabeiñmu?

¹⁸Raquiduamnge chem tami femafel, fei huechunenturpunge. Rupaliyiñ huesaque dungu mu iñchiñ, ngillatuquefiyiñ ta Jehová taiñ quelluaeteu ca cüme raquiduamqueiñ chem taiñ femal (Prov. 3:21). Peaiñ ñi feipin quiñe lamngen Sonia pingelu. Quisu mülei Europa mapu mu, amuldunguquei romaní quehun meu. Fei feipi: “Cüme raquiduamquen tañi chumal. Huirintucucünuquefiñ quiñe papel mu, fei adquiñ mu elcünuquefiñ tañi ngoimanoal. Cafei tañi mesa mu nien quiñe dibujo epu rüpü hudatripalu, fei petu ñi dullinon quiñe dungu, adquintuquefiñ chi dibujo. Fei tüfa quellueneu tañi cüme quimal chem tañi femal ca tañi rüf quellupeafeteu” pi taiñ lamngen. Taiñ lamngen Sonia eluuquei ñi nieal cümeque raquiduam rupan mu huesaque dungu mu. Quisu ca feipi: “Caletule tañi mongen, iñche raquiduamquen: ‘Tüfa, ¿quelluaeneu tañi cüdaucüleal Jehová mu cam catrütuaeneu?’. Iñche mülei tañi dullial”.

19. ¿Chumngechi pengelabüiñ taiñ mañumkebel Jewba?

¹⁹ Jehová eluqueiñmu fill cümelcan. ¿Chumngechi pengelafuiñ taiñ mañumquefiel? Chem rume femaiñ taiñ püramyeafiel Jehová (Heb. 13:15). Quiñe dungu taiñ femafel, fei ta quintuafuiñ chumngechi taiñ doi cüdahuelafiel Jehová. Deu femliyiñ, Jehová eluaiñmu fentren cümelcan. Iñchiñ fill antü peafuiñ Jehová ñi cüme piuquengen ca ñi cüme Chau Diosngen. Femliyiñ, Jesús reque feleaiñ, quisu feipi: “Iñche tañi iyael reque felei tañi femal ñi Chau ñi huercüeteuchi dungu” (Juan 4:34).