1, 2. 1) Acab ka Manases trürlai engu, ¿chemu? 2) ¿Chem ngütramkaaiñ tübachi kimelün mu?

 PEAIÑ ñi femün epu rey mülequefulu cuifi. Quiñe ngüneniefui Israel mapu, cangelu ngüneniefui Judá mapu. Trür mongelequelaingu feichi mu, huelu trürcülefui reque tañi femün engu. Famentuhui Jehová mu engu. Ca fei engu ñi duam mu, pu israelita culpaingün. Mür engu poyerpufingu coilaque dios ca langümchefengerpuingu. Felefulu rume engu, quiñe fentecünulai tañi huesa femel, cangelu rüf repentiutui fei perdonangei. ¿Inei engu chi am feitachi epu huentru?

² Feiti ngünenielu Israel mapu mu, Acab pingequefui. Ca tati ngünenielu Judá mapu mu, Manasés pingequefui. Ñi femün engu, pengelqueiñmu ñi chumquen tati pu rüf repentiuquelu (Hech. 17:30; Rom. 3:23). Tüfachi troquiñ mu peaiñ quiñe che fütra culpale, ¿chumngechi pengelafui tañi rüf repentiutun? Cümeafui taiñ quimal tüfa, femngechi quimafuiñ taiñ chumal taiñ perdonayaeteu Jehová. Inaduamaiñ chem quimeltuafeiñmu ñi femün Acab ca Manasés. Ca inaduamafiyiñ quiñe nütram ñi feipin ta Jesús.

3. Longkolelu Acab, ¿chumi?

³ Tati rey Acab cureyefi ta Jezabel. Feitachi domo ñahueyeyu tati lonco ülmen mülelu Sidón mapu mu. Feichi mapu rume riculequefui. Ñi niehun Acab engu Jezabel, tati Israel mapu ca riculerpuafui. Huelu cafei ñi cureyehun feitachi epu  che, tati pu israelita doi fütra culpaingün Jehová mu. Jezabel poyequefui ta Baal, fei feipifi ta Acab ñi ca femngechi poyengeal Israel mapu mu. Quiñeque huentru ca domo cudumuuquefui tati ngillatuhue ruca mu, ca chalintuculelngefui tañi pu pichique che engün ta Baal. Jezabel reinangelu, pütrüquen Jehová tañi pu profeta langümngei (1 Rey. 18:13). Acab rume huesaque dungu femi, chaflafui chem rey no rume mülequefulu ta cuifi (1 Rey. 16:30). Jehová adquintuniefui com ti huesaque dungu ñi femqueel Acab engu Jezabel. Fei, ¿chumi Jehová? Huercüfi ta Elías ñi quelluafiel tati pu israelita ñi norümtual tañi raquiduam engün. Huelu Acab engu Jezabel pilafui ñi cambiatual tañi raquiduam.

4. Jewba, ¿chem weya dungu eipibi Acab ñi bemün mu? Ka, ¿chumi Acab?

⁴ Fente tañi huesa femün mu engu, Jehová eluhui ñi castigayafiel engu. Huelu hune Jehová mandalelfi ta Elías ñi feipiafiel chumngechi ñi castigangeal. ¿Chumngechi ñi castigayaeteu Jehová? Com tañi pu familia ñi apümcangeal. Acab ñi ngüfetungen mu, feimu huichafcai tañi ropa, tucutuhui saco mu, fei rume ngañhuadquiyauquefui (1 Rey. 21:19-29).

5, 6. Acab wiñorakiduamlai, ¿chumngechi piabüiñ tüba?

⁵ Acab pengelfui rume tañi huesa duamcülen, huelu cüpalechi antü mu pengel-lai tañi rüf repentiucülen. Acab famentulafi ñi poyehuenoafiel ta Baal. Ca femngechi inei rume feipilafi Jehová müten tañi poyengeal. ¿Ca chumngechi pengeli Acab tañi rüf repentiucülenon?

⁶ Rupachi antü mu, Acab mangelfi ta Jehosafat ñi quiñehual engu, fei ñi hueichayafiel tati pu sirio. Jehosafat cüme rey, maneluuquefui ta Jehová mu. Fei Jehosafat feipi mülei ñi ramtungeal quiñe Jehová tañi profeta petu ñi amunon tati hueichan mu engün. Acab mailafui tañi femal. Acab feipi: “Petu mülehuei quiñe huentru, fei ñi duam mu ramtufalafuiñ ta Jehová. Tüfa ta Micaya, Imlá tañi fotüm. Huelu iñche üdequefiñ, re huesaque dungu feipicünuquei iñche mu”. Femngechi feipin mu rume ta Acab, ramtungei tati profeta Micaya. Fei, ¿chem pi? Micaya feipi Acab rupayai cutrancahun-ngechi dungu mu. Allcülu tüfa, Acab repentiulai. Doi mai presuntucufi tati profeta (1 Rey. 22:7-9, 23, 27). Femngechi ñi femün mu rume ta Acab, huelu ti profecia ñi feipicünuel mu Micaya huechutriparpui. Cüpalechi hueichan mu, Acab langümngei (1 Rey. 22:34-38).

7. Lalu Acab, ¿chem eipi Jewba kidu mu?

⁷ Deu ñi lamum Acab, Jehová pengeli chem ñi raquiduamquefel Acab mu. Deu huiñometulu tañi ruca mu Jehosafat, Jehová huercülelfi quiñe profeta, Jehú pingelu, ñi feipiafiel cümelafui tañi quiñehual Acab engu. Jehová tañi profeta feipifi ta Jehosafat: “¿Tati pu huesaque che mülei tami quelluafiel, ca pu üdequefilu ta Jehová mülei tami piuqueyeafiel?” (2 Crón. 19:1, 2). Raquiduamnge tüfa: Acab pengel-le tañi rüf repentiucülen, huesa che pilayafeyu ta Jehú. Acab pichin pengelfui rume tañi repentiucülen, huelu com tañi piuque mu rüf repentiulai.

8. Acab wiñorakiduamlai, ¿chem kimeleleiñmu tüba?

⁸ Elías feipifilu ta Acab ñi castigangeal quisu ca tañi familia, Acab pengeli tañi hueñancün. Cümei tañi hueñancün, huelu amulniei tañi huesaque femün mu. Femngechi pengeli tañi rüf repentiucülenon. Fei ¿chem quimeltueiñmu tüfa? Taiñ rüf repentiuhual taiñ huesaque femün mu, fentepuulai müten taiñ pengelal hueñancün.  Ca dungu mülei taiñ femal. ¿Chem dungu? Peafiyiñ Manasés tañi ejemplo.

9. Longkolelu Manases, ¿chumi?

⁹ Fentren tripantu ñi rupan mu, Manasés reyngerpui Judá mapu mu. Manasés doi huesaque dungu femi ta Acab mu (2 Crón. 33:1-9). ¿Chem huesaque dungu femi ta Manasés? Manasés deumai ta altar cheu ñi poyengeal coilaque dios. Ca femngechi Jehová ñi ngillatuhue ruca meu tucui quiñe adentun. Tüfa pengeli quiñe coila dios peno. Ca femngechi coni calcutuhun dungu mu. Huelu com feiti no, langümi rume fentrenque che. Ca femngechi cütral mu rulpai tañi pu yall, femngechi ñi chalintuculelafiel coilaque dios (2 Rey. 21:6, 7, 10, 11, 16).

10. ¿Chumngechi Jewba norümbi Manases? Ka, ¿chumi kidu?

¹⁰ Manasés, Acab reque, eluulai ñi allcütuafiel ta Jehová. Fei Jehová adcünufi quiñeque hueichafe Asiria tuhun-ngelu ñi presuafiel ta Manasés ca ñi yeafiel Babilonia mu. Petu ñi mülen Babilonia mu, Manasés com piuque mu raquiduami com ti huesaque dungu ñi femün mu. Fei ¿chumi Manasés? “Ngünechen ñi adquiñ meu, illamcaumequefui”. Huelu fei müten no. ‘Manasés amulei tañi ngillatuniefiel Jehová’. Feichi huesa huentru norümuutui tañi raquiduam (2 Crón. 33:10-13).

11. Manases wiñorakiduami, ¿chumngechi piabüiñ tüba? (2 Crónicas 33:15, 16).

¹¹ Rupachi antü mu, Jehová allcütuñmafi tañi ngillatun ta Manasés. ¿Chumngelu? Jehová peñmafi ñi piuque ta Manasés ñi norcületun. Jehová cutranpiuqueyefi ta Manasés, fei eluñmafi ñi reyngerputual. Manasés eluhui ñi femal com cümeque dungu ñi pengelal tañi rüf repentiucülen. Femi Acab tañi femnon. Manasés eluhui ñi apümcayafiel com ti coilaque religion ca quimeltufi tati pu che Jehová müten tañi poyeafiel (papeltunge 2 Crónicas 33:15, 16). Tañi femal com tüfa, Manasés duamniefui nehuen ca maneluhun Jehová mu. ¿Chumngelu? Com tañi pu che, tañi pu cüdahuelqueteu ca tati pu israelita, pequefeyu ti huesaque dungu ñi femün ta Manasés. Huelu doi füchalu hula, Manasés eluhui ñi norümtual ti dungu. Fei quiñe cüme ejemplongetui tañi nieto mu, Josías pingelu (2 Rey. 22:1, 2).

12. Manases wiñorakiduami, ¿chem kimeleleiñmu tüba?

¹² Manasés re illamcaulai müten. Ca femngechi llellipufi ta Jehová ca cümelcacünutui tañi mongen. Manasés com ñi nehuen mu eluhui ñi cümelcacünutual ti huesaque dungu ñi femel. Cafei eluhui tañi poyeafiel Jehová ca quimeltulelfi ta caquelu che ñi ca femngechi femal. Manasés tañi rupan pengeli quiñe falin dungu: Chau Jehová ñi cüme piuquengen ca eluucülei  tañi perdonacheal (Sal. 86:5). Feimu quiñe che fütra culpale huelu rüf repentiule, Jehová perdonayafeyu.

13. ¿Chem dungu kimeleiñmu tübachi pengelün dungu wiñorakiduamün mu?

¹³ Manasés re huesa duamlai müten tañi culpan mu. Tañi rupan quimeltueiñmu ñi chumquen pu rüf repentiuquelu. Raquiduamnge tüfa: quiñe che huesa duamle tañi culpan mu, trürümngeafui ta quiñe mate yerfa müten nielu. Tami matetual duamniefuimi yerfa, huelu fei ca müten no. Ca duamniefuimi co ca azucura. Ca femngechi cümei quiñe culpalu ñi huesa duamal tañi culpan mu, huelu fei ca müten no. ¿Ca chem mülei ñi femal? Taiñ quimal ngüneduamaiñ quiñe nütram ñi feipiel ta Jesús.

14. Upalu weyake dungu mu, ti weche ¿chumi?

¹⁴ Lucas 15:11-32 Jesús nütramcai quiñe ñamquiyauchi hueche mu. Feitachi hueche feyentuhuelafi tañi chau, elcünui ñi ruca, fei amui ca mapu. Fei üyeu huedhuedcahurpui. Huelu huesaque dungu rupalu tañi mongen mu, ti hueche raquiduami ñi chau ñi ruca mu ñi cümelcalequefel. Ti hueche cümelcacünutui tañi raquiduam. Fei tañi raquiduamün mu, eluhui ñi huiñotual tañi chau ñi ruca mu, fei ñi feipiafiel tañi perdonayaeteu. Falin-ngefui ñi quimal ti hueche tañi huesa femün. Huelu, ¿fentepuhui müten tañi femal? Fentepuulai llemai. Huelu mülefui ñi cümelcacünutual tañi mongen.

15. Weche wiñorakiduami, ¿chemu piabüiñ tüba?

¹⁵ Ti ñamquiyauchi hueche com piuque meu repentiuhui. Elcünutui com tañi huesaque dungu, fei huiñotui ñi chau ñi ruca mu. Fei feipifi: ‘Chachai, culpan ta Ngünechen meu ca eimi meu. Yehuen-ngei iñche ñi fotüm tami piafiel ta iñche’ (Luc. 15:21). Ñi feipin tati hueche pengeli tañi cümelcacünutual tañi mongen Jehová mu. Ca femngechi quimürpui ñi cutranduamfiel mu tañi chau. Cafei eluhui ñi cüdahuelafiel tañi chau, fei ñi cümelcacünutual com ñi dungu tañi chau engu (Luc. 15:19). Tüfachi rupan dungu re ayühun-ngelai müten, ca müna quelluafui tati pu loncolelu, ¿chumngechi? Pu loncolelu ngüneduamfile tüfachi rupan dungu, quimafui ñi rüf repentiucülepen mai quiñe che huesa culpalu.

16. Pu longkolelu, ¿chemu küdawngi ñi kimal pu che wiñorakiduami?

¹⁶ Pu loncolelu cüdautuafui ñi quimal ñi rüf repentiucülepen mai quiñe che, ¿chumngelu? Pu loncolelu peñmaquelafi ñi piuque ti culpachi che. Feimu mülei ñi cüme ngüneduamal chem dungu pengeli ti culpachi che ñi elcünutun tañi huesa femün ca ñi rüf üdefiel. Huelu quiñeque mu,  quiñe che rume fütra culpayafui, fei pu loncolelu cüdautuafui ñi quimal ñi rüf repentiucülen ti che.

17. 1) Kiñe yabkangelu müna weñangküli, welu wiñorakiduamlai, ¿chemu piabüiñ tüba? 2) Mateo 3:8 kam 2 Corintios 7:11 tañi eipin, ¿chumngechi pengeli kiñe che ñi wiñorakiduamtulen?

¹⁷ Raquiduamnge tüfa: quiñe peñi encañafi tañi domo, femi huesaque cudumuhun fentren rupa ca fentren tripantu. Ti peñi quintulai tañi quellungeal, huelu mai ellcali tañi huesa femün, quimlafui tañi domo, tañi pu hueni ca tati pu loncolelu no rume. Huelu rupalechi antü quimngerumei tañi huesaque dungu ñi femqueel. Fei pu loncolelu feipieyu: “Quimiyiñ tami conün huesaque cudumuhun dungu mu”. Feipingelu tüfa ti peñi feipi: “Rüfcünu tüfa” pi, ca ¿huesa duamnagpelai? Huelu, ¿pengeli ñi rüf repentiucülen? Femlai. Pu loncolelu ngelai ñi peal engün ñi huesa duamcülen müten ti culpachi che. Feitachi peñi quiñe rupa müten culpalai tañi huelulcahun mu, doi mai fentren tripantu ca fentrenque rupa ñi concülen huesaque cudumuhun dungu mu. Cafei quisu feipilafi tati pu loncolelu, huelu mai quimngerumei cangelu che ñi feipin mu. Feimu pu loncolelu mülei ñi cüme ngüneduamal ñi nor raquiduamtun ti che, ñi huesa duamcülepen mai tañi femün meu ca ñi femhuenon feichi huesa dungu (papeltunge Mateo 3:8). Ti huentru alüñmayafui ñi cüme elcünutual tañi mongen, feimu huemünentungepelayai trahunche mu. Huemünentungele, ti che mülei ñi pengelal tañi mongen mu ñi rüf repentiucülen. Femle, huiñotuafui Jehová ñi troquiñche mu (1 Cor. 5:11-13; 6:9, 10).

18. Wemünentungelu wiñorakiduamle, ¿chumabüi? Ka, ¿chem kümeke dungu llowai?

¹⁸ Quiñe huemünentuelchi che trahunche mu, mülei ñi fill trahun mu ñi amual. Ca mülei ñi papeltunieafiel Biblia ca ñi ngillatuleal. Ca mülei ñi cuñiutucuhual ñi femhuenoafiel feiti huesa dungu. Com tüfachi dungu femle, femngechi pengelcünuai tañi rüf repentiucülen. Ti huemünentungechi che eluule ñi cümelcautual Jehová engu, Jehová perdonayayu. Cafei pu loncolelu quelluayu tañi huiñotual Jehová ñi troquiñche mu. Tati pu loncolelu ngüneduamfiel mu ñi rüf repentiucülepen mai caque quiñeque che, com femngechi juzgalayafingün. Huelu mai, com cüme ngüneduamafingün quisuque che ñi culpan mu.

19. Wiñorakiduamtule kiñe che, ¿chumabüi? (Ezequiel 33:14-16).

¹⁹ Tüfachi troquiñ mu pefiyiñ quiñe che fütra culpale, ngelai ñi re huesa duamal müten tañi culpan mu. Ca mülei ñi  nietual cüme raquiduam ca ñi femal cümeque dungu, femngechi ñi pengelcünual tañi rüf repentiucülen. Ngelai tañi femhuenoal huesaque dungu, ca mülei ñi inayafiel Jehová tañi ngülam (papeltunge Ezequiel 33:14-16). Ñi doi falin-ngen ti culpalu mu, ñi hueniyetuafiel ta Jehová.

20, 21. Kiñe peñi kam lamngen yabkai, ¿chumngechi kelluabüiñ?

²⁰ Jesús feipi ñi cüpan pu culpafe che ñi nor raquiduamtual engün (Luc. 5:32). Iñchiñ ca femngechi ayüqueiñ taiñ quelluafiel tati pu culpafe che. Feimu iñchiñ quimliyiñ quiñe taiñ hueni ñi fütra culpan mu, ¿chem mülei taiñ femal?

²¹ Iñchiñ ellcaleñmafiliyiñ ñi huesa femün taiñ hueni, doi huesalcayafiyiñ. Chau Jehová com peniei taiñ femquen (Prov. 5:21, 22; 28:13). Feipiafiyiñ taiñ hueni pu loncolelu eluucülei ñi quelluaeteu. Taiñ hueni eluunole ñi feipiafiel tati pu loncolelu, iñchiñ mülei taiñ feipiafiel tati pu loncolelu, femngechi quelluafiyiñ taiñ hueni. Tüfa rume falin-ngei taiñ femal, ¿chumngelu? Taiñ hueni feipinofile tati pu loncolelu, ca rüf repentiunole, hueniyehuelayafui ta Jehová.

22. Ka semana, ¿chem ngütramkaaiñ?

²² Huelu quiñe che fentren tripantu mu fütra culpale, fei pu loncolelu huemünentuelieyu trahunche mu, ¿feipipeafuiñ mai ñi cutranpiuqueyenoeteu engün? Cüpalechi troquiñ peaiñ Jehová chumngechi pengeli ñi cutranpiuqueyechequen ñi norümtufiel mu quiñe che. Ca peaiñ chumngechi inayentuafuiñ ta Jehová.