5. Mapu ñi wedalkangeken

“[Bücha Chaw wedalkaabi] pu wedalkakebilu Mapu” (APOCALIPSIS 11:18).

● Ti wentru Pirri pingelu vendeki pulko nentungelu palmera mu, Nigeria mapu mu. Welu ñami kom niekel tañi mongeleal. Wedalmangi kom pu palmera wütrüntukungelu petroleo lewbü Niger pingelu. Pirri eipi: “Ti petroleo lamgümki pu challwa, wedalmaki taiñ trawa ka podümki ta lewbü. Müna weda tati, ñamün kom tañi mongeleabel” rakiduamküli.

¿CHEM UPAUPAMEKI? Bill tripantu 6,5 millon tonelada podngechi dungu ütrübtukungeeki labken mu. Tübachi rangiñ plastico podüm ütrübentungelu, bentren tripantu müleai labken mu. Tati pu che podümmeki mapu ka matu nentunmeki mapu ñi wülkeel. Tati nentungelu 12 küyen mu ti mapu wülki 17 küyen mu. “Bemngechi amulele ti bemün ta che, duamneaiñ epu planeta powliiñ 2035 tripantu mu”, eipi ti diario Australia mapu mu Sydney Morning Herald.

KIÑEKE MUPIKELAINGÜN Taiñ chengen mu, elelngiiñ chumngechi wiño kümeltual ti Mapu, eipiki ta che.

¿MUPI MAI? Bentren tañi küdawmeken kiñeke wentru ka domüche, kabei ecologista che, kimtukukingün ñi küme kümeltol ta Mapu. Welu amulekiiñ ñi bente wedalmaken ta Mapu.

¿CHEM PIMI KAI? Bücha Chaw Dio tañi eipin, ¿duamniiñ mai ñi montual taiñ Mapu?

Bantepu mu, papiltuiñ kechu küdawngechi pelon dungu Biblia mu. Welu kabei eipingi ñi upaal kümeke dungu. Peaiñ kiñe dungu.

[Eipin]

“Niekebün kiñe adngechi mülewe, welu bachantü wedalkali podngechi dungu mu” (ERIN TAMBER, MONGELELU ESTADOS UNIDOS MAPU MU, TAÑI EIPIN PETROLEO ÜTRÜBNGELU 2010 TRIPANTU MU, GOLFO DE MEXICO MU).

[Ka mülechi dungu]

¿Bücha Chaw wedalkakeiñmu?

Biblia mu, Bücha Chaw eipikünoi tati wedake dungu ñi upaabel. Beimu ramtuabüimi chi, kidu ¿wedalkakeiñmu am? Capitulo 11 ti libru ¿Qué enseña realmente la Biblia?, pu dungukelu iñi ngen Jewba wül-lu, küme wiñoldunguki tübachi ramtun.

[Chew tuwi]

U.S. Coast Guard photo