DUNGU 12
¿Chem quelluabeimu ñi amuleal tami papiltun Biblia?
Cümeabüi tami papiltol Biblia, cüdaungebüle ume. ¿Raquiduamquepimi mai “doi cümi, papiltuhuelaan”? Huelu, cüdaungebüle ume, ¿chem quelluabeimu (incaabeimu) tami papiltol Biblia? ¿Chemu cümeabüi amuleal tami papiltun Biblia?
1. ¿Chemu müna cüme dungungi tami papiltol Biblia?
“Chau Ngünechen ñi dungu mongen nii ca nii pepiluhun” (Hebreos 4:12). Biblia pengelqui chem raquiduamqui Chau Dio ca müna tami piuqueyetu. Papiltulmi, doi quimaimi, cüme ngüyulaimi tami mongen ca nieaimi maneluhun. Tübachi dungu doi manelbali: papiltulmi Biblia, doi hueniyepoabimi Jehová. Biblia müna balin-ngi. Papiltubilmi, ayühulaimu.
2. ¿Chemu maneluhuabüimi tübachi rüb dungu mu mülelu Biblia mu?
Tübachi rüb dungu mülelu Biblia mu, müna balin-ngi. Beimu Biblia eipi: “Niebinge tati rüb dungu ca neicümquebilnge” (Proverbios 23:23). Balintubilmi tübachi rüb dungu cüdaungele ume, amuleai tami papiltun tami quimelelquetu engu (papiltunge Proverbios 2:4, 5).
3. ¿Chumngechi quelluabeimu Jehová amuleal tami papiltun Biblia?
Jehová tati com deumalu, tami hueningi. Quimi iñingen eimi, ca quelluaimu tami quimabel iñingen quidu. Beimu eluabeimu tami ‘cüpa bemal quidu tañi ayüquel ca eluabeimu nehuen tami bempoabel’ (papiltunge Filipenses 2:13). Cüdautulmi tami papiltol Biblia cam inaal tami papiltun, Jehová quelluaimu. Hueyaque dungu mu upalelmi cam caque che elunoelmu tami papiltol Biblia, Jehová quelluaimu amuleal tami papiltun. Beimu, ngillatube tami quelluatu (1 Tesalonicenses 5:17).
DOI CÜME QUIMNGE
Papiltobüimi Biblia pinobüle ume caque che cam pünelebülmi ume. ¿Chumabüimi? ¿Chumngechi quelluabeimu Jehová?
4. Doyümnenge tami papiltol Biblia
Quiñeque mu müna pünelequiiñ taiñ papiltol Biblia. ¿Chumabüiñ? Papiltoiñ Filipenses 1:10. Papiltungele hula, ngütramcaabiiñ tübachi epu ramtun:
-
¿Chem dungu doi balintubimi?
-
¿Chumabüimi tami doyümal papiltobel Biblia?
-
Tati caru, huneltu mu tuculelngele cuyüm, beimu hula tati cura, com conlaai.
-
Huelu, huneltu mu tuculngele tati cura, conai epe com tati cuyüm. Ca bemngechi, huneltuculmi tati balin-ngechi dungu, ca pepi bemaimi caque dungu.
Com duamniiñ tañi doi quimal iñingen Jehová. Papiltuliiñ Biblia, quelluaiñmu taiñ quimabel ca huenupüramabel. Papiltoiñ Mateo 5:3. Papiltungele hula, ngütramcaabiiñ tübachi ramtun:
-
Doyümliiñ ñi papiltol Biblia, ¿chem nentobüiñ?
5. Amulepe tami papiltol Biblia, chem ume eipingelmi
Quiñeque mu eipingeabüimi tami papiltuhuenool Biblia. Peaiñ chem dungu mu upai Francesco. Quintulbe tati VIDEO. Quintulngele hula, ngütramcaabiiñ tübachi epu ramtun:
-
¿Chem pi Francesco tañi pu che eipilu quidu ñi papiltuquen Biblia?
-
¿Chumngechi quellueyu quidu ca tañi pu hueni abeluunolu tañi papiltobel Biblia?
Papiltoiñ 2 Timoteo 2:24, 25. Papiltungele hula, ngütramcaabiiñ tübachi pu ramtun:
-
¿Chem piqui tami pu che ca tami pu hueni tami papiltuquen mu Biblia?
-
Biblia ñi eipiquen mu, ¿chumabüimi eipingelmi tami papiltunool Biblia? ¿Chemu?
6. Maneluunge, Jehová quelluaimu
Doi hueniyebiliiñ Jehová, doi ayüabüiñ taiñ ayühulabel. Cüpa ayühulbiliiñ ume, cüdaungeabüi tañi bemal quidu ñi eipiquel. Cüdaungebüle ume, elcünouquilnge, Jehová quelluaimu. Quintulbe tati VIDEO. Quintulngele hula, ngütramcaabiiñ tübachi epu ramtun:
-
Tañi ayühulabel Jehová, ¿chem hueyaque dungu elcünotoi Jim?
-
Quidu ñi upan mu, ¿chem doi amatuleimu?
Papiltoiñ Hebreos 11:6. Papiltungele hula, ngütramcaabiiñ tübachi epu ramtun:
-
¿Chumai Jehová tati pu nehuentuquelu tañi peabel quidu, quimabel ca tañi ayühulabel?
-
Papiltulmi Biblia cüdaungebüle ume, ¿chumcüleai Jehová?
QUIÑEQUE CHE EIPIELMU: “¿Chumal papiltuquimi Biblia?”.
-
¿Chem piabüimi?
CHEM PEIÑ TÜBAMU
Cüdaungele ume tami papiltol Biblia, bemülmi, abquenochi ayühun nieaimi. Maneluucülelmi Jehová mu, quidu eluaimu re cümeque dungu.
Chem quimeleleiñmu tüba
-
¿Chemu balintuquebimi tati rüb dungu tripalu Biblia mu?
-
Quimlu eimi chuchingen tati doi balin-ngechi dungu, ¿chumabüimi?
-
¿Chemu ngillatobüimi Jehová tami quelluatu amuleal tami papiltun Biblia?
DOI QUIMABÜIMI
Quimnge meli ngülam chumngechi ñi püneal taiñ antü.
“Chumngechi doi cüme püneabüiñ taiñ antü” (¡Tami quimabel!, febrero 2014)
Quiñe domüche cüpa huenupürambi Jehová, huelu tañi büta catrütuquebeyu. ¿Chumngechi quellueyu Jehová?
Jehová quelluqueiñmu cüme tripaal ñi hueyaque dungu mu (5:05)
Quiñe domüche elcünoulai. Bemngechi quellubi tañi büta ñi quimal iñingen Jehová.
Quiñeque eipiqui tati pu dunguquelu iñingen Jehová hudamqui pu che. Huelu ¿belepi mai?
“Pu dunguquelu iñingen Jehová, ¿hudamquepi mai pu che?” (Papiltun internet mu)
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
