“Wenupürambimün ta Jewba, kom eymün kidu tañi werken püllü, pepiluwüngechi newen mu” (Salmo 103:⁠20).

¿Chem kimiiñ pu werken püllü ñi chumngen?

• Job 38:⁠4-7

  Jewba dewmay tati pu werken püllü petu dewmanolu mapu.

• Apokalipsi 5:⁠11

  Müli alün warangkake werken püllü.

• 1 Pedro 1:⁠11, 12

  Pu werken püllü abeluwkelay ñi kimal chem ayüken Jewba Mapu mu.

• Luka 15:⁠10

  Pu werken püllü duamnebi pu che poyekebilu Chaw Dio.

“Jewba tañi werken püllü umañküli reke kom wall püle pu yamnebilu kidu, ka montulkebi” (Salmo 34:⁠7).

Pu werken püllü pepi kellukebi pu che ¿chumngechi kimiiñ tüba?

• Génesis 19:⁠15, 16; Daniel 6:⁠22; Luka 22:⁠43; Hecho 12:⁠6-11

  Pu werken püllü kellubi Lot, Daniel, Jesu ka Pedro.

• Ebrew 1:⁠7, 14

  Jewba pünekebi pu werken püllü tañi kelluabel ka kuñiwtukol tañi pu poyekeetu bamülke mu.

“Bamngechi ta wekübü [weda püllü] ngelaay taiñ wewaetu ta iñchiñ, kimnebilu am iñchiñ ñi chumngen ta wekübü [weda püllü] ñi weda ngünen” (2 Korintio 2:⁠11).

¿Iñi am pu wedake püllü, ka chemu weda bemkünolümki?

• Apokalipsi 12:⁠9

  Kiñe werken püllü wentruwi Jewba mu. Satana pingi.

• Génesis 6:⁠2

  Noe tañi antü mu, kiñeke pu werken püllü wentruwingün ka nagpayngün mapu mu.

• Matew 9:⁠34

  Tüyechi pu werken püllü deyükoni Satana tañi wentruwün mu, beymu wedake püllü ngetuyngün.

• Deuteronomio 18:⁠10, 11

  Pu wedake püllü küpa ngünenkakebi pu che ka weda bemkünokebi chumngechi ume.

“Newentuwmün tamün ngünekanoaetu ta wekübü [weda püllü], bey tüba lebmawtoy ta eymün mu” (Santiaw 4:⁠7).

¿Chumngechi nieabüymi Jewba tañi kellun tami ngünenkanoaetu Satana ka tañi pu wedake püllü?

• Hecho 19:⁠19

  Ütrübentunge kom pu chemkün pengelnelu tati kalku ka kake wedake dungu nüwkülelu pu wedake püllü mu. Bemnolmi, küme dungu ka wedalkanochi dungu küchileabüy, welu bemlay tati.

• Efesio 6:⁠16, 18

  Doy kimnge Biblia mu ka ngillatunge Chaw Dio tami kuñiwtuaetu. Beymu, newentoy tami mupitun.

• Proverbios 18:⁠10

  Üytunge Jewba tañi üy.