“Mupitumün iñche tañi dungun, beymu tamün Chaw Ngünechen ngepon, ka eymün iñche tañi pu che ngepoymün” (Jeremías 7:⁠23).

¿Weniyepeabüiñ may Chaw Ngünechen?

• Génesis 22:⁠18; Santiaw 2:⁠23

  Abraam allkütubi ka mupitubi Jewba. Beymu weniyebi.

• 2 Crónicas 16:⁠9

  Jewba kelluabi tañi pu mupitukeetu.

• Salmo 25:⁠14; 32:⁠8

  Jewba elukebi kimün tañi pu wenüy.

• Salmo 55:⁠22

  Jewba inaduamneabi tañi pu wenüy.

“Kom tübachi dungu mu, Job yabkalay, eypintukulabi Chaw Ngünechen chem weda dungu mu no ume” (Job 1:⁠22).

Satana ¿chumbi Job? Ka Job ¿chumi?

• Job 1:⁠10, 11

  Satana eypi Job mu: ‘Kidutu rakiduamkawki ka piwkeyekelabi Chaw Dio’.

• Job 1:⁠12-19; 2:⁠7

  Jewba bemkünoy Satana muntuñmabel kom tañi nieel Job, beymu Satana elubi kiñe müna weda kutran.

• Job 27:⁠5

  Job kimkelabüy chemu tañi müna kutrankawkülen, welu inawitrapüralekebüy reke Jewba mu.

“Kiñe wentru wülkünoay kom tañi nieel tañi montulal tañi mongen” (Job 2:⁠4).

¿Chem duam bemki Satana taiñ weniyewenoabel Jewba?

• 2 Korintio 11:⁠14

  Satana küpa ngünenkaiñmu taiñ mupitunoabel Jewba.

• Proverbios 24:⁠10

  Satana ayüki taiñ rakiduamal taiñ pepilnol poyeabel Jewba.

• 1 Pedro 5:⁠8

  Satana inayawülkeiñmu.

• Proverbios 27:⁠11

  Ngümintunge tami mupitobel Jewba ka tañi inawitrapüralechi wenüy ngeal. Bemülmi pengelngeay Satana tañi koylatukeel.

“Tati rüb dungu mu piwkeyebilu ta Ngünechen ka beli tañi müngeltuñmaabel kidu ñi werkün dungu” (1 Juan 5:⁠3).

¿Chumngechi weniyepobüymi Jewba?

• Deuteronomio 6:⁠5

  Pengelnge piwkeyebel Jewba. Tüba kelluaymu tami mupituleal.

• Isaías 48:⁠17, 18

  Mupitunge Jewba mu, beymu llowaymi re kümeke dungu bill antü.

• Deuteronomio 30:⁠11-14

  Maneluwnge Jewba mu. Kidu ngillatulaaymu tami bemal chem no ume tami bemnol.

• Filipense 4:⁠13

  Bemnge kümeke dungu ka Jewba newentuaymu tami duamyel.