“Eymi mu tuwi tati mongen” (Salmo 36:⁠9).

¿Chumngechi pengelkiiñ taiñ yamnebel tati mongen?

• Hecho 17:⁠28; Apokalipsi 4:⁠11

  Jewba eluiñmu tati mongen, beymu yamabiiñ tati mongen.

• Éxodo 21:⁠22, 23; Deuteronomio 5:⁠17

  Langümal ka angkanentol püñeñ, weda dungu.

• 1 Juan 3:⁠11, 12, 15

  Üdewün weda dungu.

• 2 Korintio 7:⁠1

  Elkünonge tami wedake bemün, pütremtun ka wedake lawen weda longkokelu.

• Salmo 11:⁠5

  Bemkilnge wedake kintulün ka wedake awkantun.

“Welu iñmalaabimün ñi ilo tati entumollbüñngenoelchi kulliñ, beychi mollbüñ am ta mongen” (Génesis 9:⁠4).

¿Chem rakiduamki Chaw Dio tati mongen ka tati mollbüñ mu?

• Génesis 4:⁠10; Deuteronomio 12:⁠23

  Tati mollbüñ, tati mongen reke beli.

• Génesis 9:⁠3, 4

  Iabüiñ ilo, welu ilaabüiñ mollbüñ.

• Hecho 15:⁠28, 29; 21:⁠25

  Chaw Dio eypi: tukulkilnge mollbüñ tami kuerpu mu. Beymu, tukul-laaiñ mollbüñ lawentun dungu mu.

• Ebrew 11:⁠6

  Taiñ weniwün Jewba mu müna manelbalngi. Chem no ume doy manelbalngelay.

“Jesucristo, Ngünechen ñi Botüm, tañi mollbüñ libtutueiñmu kom yabkan mu” (1 Juan 1:⁠7).

¿Chem llowabüiñ Jesu tañi wülün tañi mongen mu?

• Levítico 17:⁠11

  Biblia tañi antü mu, kiñe israelche yabkalu, wülkebüy kiñe kulliñ ka eypikebüy tati saserdote tañi wütrünentol tati kulliñ tañi mollbüñ llangi kura mu. Bemngechi Jewba ulpakünokebüy tañi yabkan.

• Matew 20:⁠28; Ebrew 9:⁠11-14

  Jesu wüli tañi mongen, tañi mollbüñ, tañi ulpakünol taiñ yabkan. Bemngechi, weluntuy tati ley chalintukubilu kulliñ.

• Juan 3:⁠16

  Jesu tañi mongen müna balingebüy. Beymu, Jewba wiñomongeltueyu wenu mapu mu. Bemngechi itrokom pu mupitulu kidu mu, abnochi mongen nieabüyngün.