“Kidu engün ñi rangiñ mu mülekilmün, ka bamtripalemün. Bemkilmün ti wedake dungu” (2 Korintio 6:⁠17).

¿Chemu kümelay poyeabel tati adentun ka taiñ kuybike cheyem?

• Éxodo 20:⁠4, 5; 1 Juan 5:⁠21

  Jewba ayükelay taiñ lukutol pu adentun taiñ poyen mu.

• Deuteronomio 18:⁠10-12

  Tati pu che dungubaluwkelu tati pu la, dungulkebingün pu wedake püllü.

“Küme ngüneduamnemün Señor tañi tutekeetuchi dungu” (Efesio 5:⁠10, TNM).

¿Chumngechi küme kimabüymi tami amol kam amunoal kiñe kawiñ mu?

• Ezequiel 44:⁠23; 2 Korintio 6:⁠14, 15

  Ramtuwnge ¿tuwi tübachi kawiñ Jesu tañi kimeltun mu kam tuwlay?

• Éxodo 32:⁠2-10

  Chaw Dio ayükelay pu che tañi müleel kiñe weda kawiñ mu, lib piwke mu bemle ume.

• Daniel 3:⁠1-27

  Kiñepülekünonge pu kawiñ wenupürambilu pu che, tañi trawüluwün, tati bandera kam kake tañi dewman.

• 1 Timotew 1:⁠18, 19

  Küme ngümintunge tami chumal, welu lib rakiduam nietoymi Jewba tañi adkiñ mu.

“Ka bemngechi tamün ngütramyekeelchi dungu ñi ayübal ngütramngeal ka ñi balin kümeke dungual, ka müley tamün kimael [kimaymün] chumngechi tamün küme llowdunguabel tati pu che ramtuelmünmu chem dungu ume” (Kolosense 4:⁠6).

¿Chumngechi kimelelabüymi kake che tami mupitukeelchi dungu?

• Matew 7:⁠12

  ¿Ayükimi pu che tañi yamneetu tami ngümintun? Beymu yamnge kake che tañi ngümintun.

• 2 Timotew 2:⁠24

  Chemchichengekeymi ka yabkawkilnge kake che mu tami mupitukeelchi dungu mu.

• 1 Pedro 3:⁠15

  Ingkange tami mupitukeelchi dungu chemchichengen mu ka yamün mu.

• Ebrew 10:⁠24, 25

  Kristiano trawün mu kake pu mülepalu yabültukuaymu, ka kelluaymu tami kimal chem eypiabüymi kiñe che mupituñmanolmu tami mupitukeelchi dungu.