18. ¿Wülabün tañi mongen Chaw Dio mu ka bawtisawabün?
1 ¿DUAMBALNGI TAÑI BAWTISAWAL?
“¿Kümepelaabüy may ñi bawtisangeal ta iñche?” (Hecho 8:36).
Bawtisawülmi ¿chemu ka chumngechi bemaymi?
Tami bawtisawün mu, pengelaymi tami elkünobel tami kuybike wimtun, tami we mongen reke ngetol, tami bemal Chaw Dio tañi piel.
-
Bawtisawaymi tami poyeabel Chaw Dio.
-
Tami bawtisawün mu, pengelelabimi kake che tami küpa poyeabel Chaw Dio.
-
Jesu reke, kom tami kuerpu konay ko mu tami bawtisangeel.
2 JEWBA EYPIKELAYMU TAMI BEMAL TAMI PEPILNON
“Tati rüb dungu mu piwkeyebilu ta Ngünechen ka beli tañi müngeltuñmaabel kidu ñi werkün dungu. Bey kidu tañi werkün dungu abeluwün-ngelay” (1 Juan 5:3).
¿Chemu llükalaabüymi tami wülal tami mongen Jewba mu?
-
Duambalngelay tami yabkakenochi chengeal tami wülal tami mongen Jewba mu. Kidu kelluaymu tami küme bemal.
-
Piwkeyebilmi Chaw Jewba, llükalaaymi tami weñangkülkaabel.
3 CHUMABÜYMI TAMI BAWTISAWPOOL
“Tañi bemal tami pin, oh Chaw Dio, müna ayüwülkeenu, ka tami werkün dungu punwi iñche mu” (Salmo 40:8).
¿Chumaymi tami wülal tami mongen Jewba mu?
-
DOY KIMNGE CHAW DIO TAÑI DUNGU
Kimpobinge Jewba ka Jesu. Doy kimbilmi engu, doy piwkeyeabimi.
-
NEWENTUBE TAMI MUPITUN
Maneluwnge Jewba tañi eypikünon ka taiñ montuletu Jesu. Kidu tañi lan mu, montulngeabüiñ yabkan ka lan mu.
-
WIÑORAKIDUAMTUNGE
Müna weñangküleaymi kom tami weda bemün mu.
KÜME YENETUNGE TAMI MONGEN
Elkünoaymi billke wedake dungu tami bemkebel, ka küme bemnge.
-
WÜLNGE TAMI MONGEN JEWBA MU
Ngillatube Jewba ka eypibe tami poyeabel kom tami mongen mu. Bemngechi pengelaymi Chaw Dio tañi piel doy manelbalngi eymi mu, ka wülaymi tami mongen kidu mu.
