“Ngünechen am rume [müna] piwkeyebilu ta kom mapu mu mülechi pu che, beymu wüli ñi kiñen Botüm bemngechi kom tati beyentulu [mupitulu] kidu mu chumngechi no ume ñi lanoal, welu may ñi nieal ta rumel [abnochi] mongen” (Juan 3:⁠16).

¿Chumngechi pengelkeymu tami piwkeyeetu Chaw Dio?

• Salmo 91:⁠2

  Jewba taiñ ellkawküm reke ngi. Kidu tüng eluabeiñmu, mülele wedake dungu.

• Salmo 37:⁠29

  Kidu elukeiñmu amatubalchi maneluwün küpalechi antü mu.

• 1 Timotew 6:⁠12, 19

  Chaw Dio eluaiñmu abnochi mongen küme mülewe mu. Müleay tüng, ayüwün, ka kom kümeleaiñ.

“Piwkeyebinge tami Ñidol [Señor] Ngünechen kom tami piwke mu, kom tami mongen mu, ka kom tami kimün mu” (Matew 22:⁠37).

Piwkeyebilmi Chaw Dio, ¿chumaymi?

• Luka 17:⁠12-17

  Mañumnge kom kümeke dungu bemlu Chaw Dio eymi mu.

• Matew 7:⁠16-20

  Bill antü bemnge Chaw Dio tañi pin. Bemngechi pengelabimi tami piwkeyebel.

• 1 Juan 5:⁠3

  Mupitunge Chaw Dio tañi werkün dungu.

• 1 Timotew 6:⁠18

  Küme küdawnge tami kümelkaabel kake che.

“Rumel mülemün [elkünokilmün tamün müleal] ta Ngünechen ñi piwkeyechen mu” (Juda 21).

¿Chem kelluabeymu tami inabülkonküleal Jewba mu?

• 1 Tesalonisense 5:⁠17

  Elkünolaaymi tami ngillatol.

• Matew 28:⁠19, 20; 2 Timotew 4:⁠2

  Bemaymi kom tami pepi bemal tami amuldunguabel kake che Chaw Dio tañi Nguneneel mu.

• Proverbios 2:⁠1-5

  Amulepe tami doy kimal Jewba mu.

• Ebrew 10:⁠24, 25

  Amoymi trawün mu bill semana. Tami pu peñi ka pu lamngen kelluaymu tami doy inabülkonal Jewba mu.