“Tati pu norngechi che lloway tati Mapu ñi ngen-ngeal engün, ka abnochi mongen nieayngün bey mu” (Salmo 37:⁠29).

¿Chem am Chaw Ngünechen tañi ayükeel kom pu che mu?

• Génesis 1:⁠28

  Chaw Dio ayübüy kom pu che tañi küdawal Mapu ta kiñe küme mülewengeel. Kabey kidu engün tañi inaduamal billke kullin.

• Isaías 46:⁠9-11; 55:⁠11

  Chaw Ngünechen bemay kom tañi ayükel ñi mupitripaal, ka chem no ume katrükonlaay.

“Kom tübachi [...] mapu ñi ngüneneetu tati wekübü [weda püllü] ñi pepiluwün” (1 Juan 5:⁠19).

¿Iñi am ngüneni kom Mapu?

• Juan 12:⁠31

  Jesu eypi: ‘Satana ngüneni kom Mapu’.

• Santiaw 1:⁠13-15

  Satana ayükebüy kiñe dungu welu kidu ngen-ngelay.

• Génesis 2:⁠17; 3:⁠1-6

  Satana ngünenkabi Eva. Adan ka Eva müngeltulabingu Chaw Dio, beymu kidu engu layngu.

• Romanu 3:⁠23; 5:⁠12

  Kom iñchiñ llowiñ Adan tañi yabkan, beymu lakiiñ.

• 2 Korintio 4:⁠3, 4

  Satana ngünenkakebi tati pu che.

“Küpape tami Ngüneneel. Bemngepe tami eypin [...] Mapu mu” (Matew 6:⁠10, Traducción del Nuevo Mundo [TNM]).

¿Chumay Jewba?

• Daniel 2:⁠44

  Chaw Ngünechen tañi Ngüneneel welukünotoy itrokom che tañi ngüneneel mülelu Mapu mu.

• Apokalipsi 16:⁠14-16

  Chaw Dio apümabi itrokom wedake dungu mülelu mapu mu Armagedon mu.

• Isaías 9:⁠6, 7

  Jewba ngümintubi Jesu Longko Ülmen ngelu, Chaw Dio tañi Ngüneneel mu mülelu wenu mapu mu. Jesukristo ngünenetoy Mapu.

“Ngülanentunimi tami kuwü ka elunebimi kom tañi duamyeel kom pu mongelelu” (Salmo 145:⁠16).

Chaw Ngünechen tañi Ngüneneel, ¿chumay iñchiñ mu?

• Salmo 46:⁠9

  Ngewelaay weychan, ngüchatun, nalün ka wedake dungu.

• Isaías 32:⁠18; 65:⁠21-24

  We Mapu mu, kom che nieayngün kümeke ruka ka doy kümelkaletoy, tüng müleayngün.

• Salmo 72:⁠16

  Kom che nieay alün mongewe.

• Isaías 11:⁠6-9

  Kom che ka billke kulliñ tüng mületoy engün.

• Isaías 33:⁠24; Hecho 24:⁠15

  Kom pu che kutrankülen piwelaay, ka lalechi pu che wiñomongetoy engün.