“Tati Wentrukünowpalu [...] küpay [...] ñi wültukual tañi mongen bemngechi ñi librenentobel ta kom che ñi yabkan mu” (Matew 20:⁠28).

¿Chemu duamniiñ tañi montulngeal?

• Génesis 3:⁠17-19

  Adan yabkalu Chaw Dio, wenüyngewetulay Jewba mu, ñangümi tañi lib mongen ka tañi küme mülewe chew mülekebüy.

• Romanu 5:⁠12

  Adan weda bemi, beymu niiñ tati yabkan ka lan.

• Efesio 1:⁠7

  Tati montulchen Jewba tañi bemkünomom naytripay kom pu che, tati yabkan ka lan mu.

“Ngünechen [...] werkülu tañi kiñen Botüm ta tübachi mapu mu bemngechi taiñ nieal rumel [abnochi] mongen ta kidu ñi Botüm mu” (1 Juan 4:⁠9).

¿Chumngechi Jewba wüli tati montulchen?

• Salmo 49:⁠7, 8

  Adan niewelabüy yabkan-ngenochi mongen ka iñi no ume kullilabüiñ Adan ñangümelchi küme mongen.

• Luka 1:⁠35

  Jewba werküy tañi sakiñ Botum ta mapu mu tañi llegal kiñe wentru reke, welu nielay yabkan.

• Romanu 3:⁠23, 24; Ebrew 9:⁠24

  Jesu wiñomongetulu ka wiñotuy wenu mapu mu, beymu wüli chumten ñi balin-ngen kidu tañi yabkan-ngenochi mongen ta Jewba, kiñe montulün reke.

“Angkümüñmangetoy engün tañi külle, bey ngewelaay ta lan” (Apokalipsi 21:⁠4).

¿Chumngechi kellukeiñmu tati montulchen?

• 1 Juan 1:⁠8, 9

  Ulpakünoabüy taiñ pu yabkan.

• Ebrew 9:⁠13, 14

  Nieabüiñ kiñe lib rakiduam Jewba tañi ad mu.

• Romanu 6:⁠23

  Niekiiñ maneluwün taiñ abnochi mongen nieal.

• Galata 2:⁠20

  Tati montulchen kiñe küme dungu wüli reke ka pengeli Jewba ka Jesu rüb piwkeyeiñmu.

“Ngünechen [...] wüli ñi kiñen Botüm bemngechi kom tati beyentulu [mupitulu] kidu mu [...] ñi nieal ta rumel [abnochi] mongen” (Juan 3:⁠16).

¿Chumngechi pengelabüiñ taiñ mañumün tati montulchen mu, Chaw Dio tañi küme wülün?

• Juan 17:⁠3

  Kimaiñ iñi ngen Jewba ka Jesu, ka inayentoiñ.

• Luka 22:⁠19

  Amoiñ ta tukulpangeam (akordangeam) Jesu tañi lan bill tripantu mu.

• Juan 3:⁠36; Santiaw 2:⁠26

  Eypilaiñ müten tañi mupitun Jesu mu. Inayentobüiñ Jesu tañi bemün.