“Lalechi che, chem no ume kimwetulay” (Eclesiastés 9:⁠5).

¿Chumtukiiñ taiñ layüm?

• Eclesiastés 3:⁠20; 9:⁠6, 10

  Kiñe che layüm pelowekelay, allküwekelay ka niewekelay rakiduam.

• Juan 11:⁠11-14

  Jesu eypi tati lan umawtun reke.

“Welu ikebilnge ti anümka wülkelu ñi kimngeal ti küme dungu ka ti weda dungu. Ikebilnge tüyechi anümka ñi bün, bey ibilmi tati, rüb beyngi tami laal” (Génesis 2:⁠17).

¿Chemu lakiiñ?

• Génesis 3:⁠1-6

  Satana koylatuy, kidu kimbüy chem tañi upaal Eva mupitunole Chaw Dio tañi werkün dungu. Bemngechi Adan Eva engu mupitulabi Jewba, beymu yabkayngu ka layngu.

• Génesis 3:⁠19

  Adan lalu, kidu mülewetulay.

• Romanu 5:⁠12

  Tati yabkan weda kutran reke müli, elkünolpoiñmu taiñ unen chaw. Kom iñchiñ llegiiñ yabkan, beymu latukiiñ.

• 1 Korintio 15:⁠26

  Biblia eypi tati lan kiñe kayñe reke.

“Lale kiñe wentru, ¿wiñomongepetobüy may? [...] Ingelan (esperaan), akule ula tañi neykümün” (Job 14:⁠14).

Taiñ küme kimal rüb dungu lan mu ¿chumngechi nentukeiñmu koylake dungu taiñ longko mu?

• 1 Juan 4:⁠8

  Tati koyla kimelün kutrankangeki ka lüpümngeki che, infierno pingelu, weda eypin Jewba mu. Kidu bemkünolay tati pu che tañi bemngechi kutrankawal engün.

• Apokalipsi 4:⁠11

  Bentren che llükakebingün lalechi che, beymu yamkebingün ka poyekebingün, kiñepülekünokebingün Jewba. Jewba rüb Chaw Ngünechen ngen, beymu wenupüramabiiñ Kidu müten.