KIMELÜN 13
¿Chumlepoy pu billke religion?
1. Pu religion, ¿kom küme religion ngepi may?
Kom pu religion mu müli ñompiwke ka rübngechi che. Küme dungu tüba, taiñ kimün Chaw Dio tañi duamnel ka balintubel tübachi pu che. Welu, weñangküngi alün wedake dungu bemngekelu religion tañi duam mu (2 Korintio 4:3, 4; 11:13-15). Noticia mu allkütukiiñ kiñeke religion tañi deyükonküleken terrorismo, langümcheken, weychan ka nüntukapüchükechen mu. ¡Bente kutranpiwkekingün pu ñompiwkengelu kimlu tübachi dungu tañi upalen! Papiltunge Matew 24:3-5, 11, 12.
Tati rüb religion yamkebi Jewba, welu tati koyla religion lladkülkebi. Tübachi koyla religion kimelki koylake dungu Chaw Dio mu, pu la tañi chumkülen ka billke dungu tripanolu Biblia mu. Welu Jewba ayüki pu che tañi kimal tati rüb dungu Kidu mu. Papiltunge Ezequiel 18:4, ka 1 Timotew 2:3-5.
2. ¿Chumlepoy pu billke religion?
Pu religioso eypilelu ‘piwkeyebiiñ Chaw Dio’, welu rüb piwkeyebi tübachi mapu Satana tañi ngüneneetu, ngünenkalaabüy Chaw Ngünechen (Santiaw 4:4). Biblia mu, kom tübachi koylake religion “Babilonia Bütra Wariba” üytukulelngi. Tübachi üy nüwküli kiñe kuybi wariba mu chew tuwi tati koyla religion, upalu tati bütra mangiñ ko Noe tañi antü mu. Püchün antü mu, Chaw Ngünechen apümkaabi pu religion ngünenkakebilu ka weda bemkebilu pu che. Papiltunge Apokalipsi 17:1, 2, 5, 16, 17, ka 18:8.
Müli ka küme dungu: Jewba ulpakünokelabi pu kümeke che mülelu billke koylake religion wall Mapu püle. Kidu trawülkebi tañi rüb kimelün dungu mu. Papiltunge Juan 6:45.
3. ¿Chumabüy engün pu küme piwkengelu?
Rüb religion kellukebi pu che ñi kiñewküleal
Jewba duamnebi pu che piwkeyebilu tati rüb dungu ka ayükelu ñi bemal kümeke dungu. Beymu eypikebi tañi tripaal engün koyla religion mu. Kidu engün rüb piwkeyebile Jewba, elkünotuayngün billke weda rüpü, tañi ayüwülabel. Papiltunge Apokalipsi 18:4.
Upalu ula Jesu tañi lan, bentren pu che ayüwün mu llowingün pu apostol tañi kümeke werkün dungu. Jewba kimelelbi tübachi pu che chumngechi yeneal engün ñi mongen tañi doy ayüwküleal, ka maneluwal. Kidu engün reke, iñchiñ kabey küme llowaiñ Biblia tañi werkün dungu, beymu uneltukuabiiñ Jewba. Papiltunge 1 Tesalonisense 1:8, 9, ka 2:13.
Jewba ayüwün mu llowkebi pu elkünotulu koyla religion ka konlu rüb religion mu. Kom engün weniyekebingün Chaw Dio, welukentu piwkeyewkingün peñiwen ka lamngewen, ka maneluwkingün tañi llowal abnochi mongen (umel mongen). ¿Ayüabüymi tami llowal tübachi kümeke dungu? Papiltunge Marku 10:29, 30, ka 2 Korintio 6:17, 18.
4. ¿Chumay Chaw Ngünechen tañi küpalal tüngkülen ka ayüwün billke lob mapu mu?
Jewba apümbile koyla religion, kom Mapu mu tüngküleay pu che. Iñi no ume ngünenkangewelaay ka udamngewelaay engün koyla religion mu. Itrokom pu che poyeabi tati kiñen rüb Chaw Ngünechen, kiñewkülen mu. ¿Küme dungu no am chi? Papiltunge Apokalipsi 18:20, 21, ka 21:3, 4.
