Chaw Dio mangelkebi billke che tañi weniyeabel ngillatuken mu (Salmo 65:⁠2). Welu Kidu allkütukelay itrokom pu che tañi ngillatun. Biblia eypi kiñe wentru tañi ngillatun ‘katrülkaabüy’ küme bemnole tañi kure (1 Pedro 3:⁠7). Pu israelche mübükechi weda bemle engün Chaw Dio allkütukelabüy tañi ngillatun. Beymu müna manelbalngi tati ngillatun. Welu kiñe che weda bemle wiñorakiduamtule, Chaw Dio allkütuay tañi ngillatun. Papiltunge Isaías 1:⁠15, ka Hecho 3:⁠19.

Pebinge tati video ¿Allkütuki Chaw Dio itrokom taiñ ngillatuken?

Ngillatubiliiñ Jewba, pengelaiñ Kidu taiñ Chaw Ngünechen ngen. Beymu ngillatuabiiñ Kidu müten (Matew 4:⁠10; 6:⁠9). Yabkabe che ngiiñ, beymu ngillatuaiñ Jesu tañi üy mu, kidu am wül-lu tañi mongen taiñ montuletu yabkan mu (Juan 14:⁠6). Jewba ayüki taiñ eypiabel ngillatun mu chem taiñ nieel rakiduam ka piwke mu. Beymu, papiltulaaiñ kiñe wirintukuelchi ngillatun ka wiñome eypilaabiiñ kiñe ngillatun taiñ kimelelngeel. Papiltunge Matew 6:⁠7, ka Filipense 4:⁠6, 7.

Ngillatubiliiñ taiñ Dewmaetu ñükübkülen mu ume, Kidu allkütukeiñmu (1 Samuel 1:⁠12, 13). Ka eypieiñmu ‘bentekünolaaymi tami ngillatun: konülmi tami billke küdaw mu ka bentekünolmi, petu tami inon ka upalmi wedake dungu mu’. Papiltunge Salmo 55:⁠22, ka Matew 15:⁠36.

Müliiñ rangi che mupitukenolu Chaw Ngünechen mu. Kiñeke engün ayetukebingün Kidu tañi eypikünoelchi dungu tañi küpalal tüngkülechi mongen Mapu mu. Bemngechi, doy küdawngeabüy taiñ weniyeabel Kidu (2 Timotew 3:⁠1, 4; 2 Pedro 3:⁠3, 13). Beymu, duamniiñ taiñ trawüluwal kake pu kristiano taiñ llowal yabüluwün. Kidu engün kabey duamniingün taiñ yabültukuabel. Papiltunge Ebrew 10:⁠24, 25.

Trawüluwliiñ pu che piwkeyebilu Chaw Dio, doy weniyeabiiñ Kidu. Pu Dungukelu Iñi Ngen Jewba tañi trawün mu, yabülngeabüiñ kake pu kristiano tañi inayentubalchi mupitun. Papiltunge Romanu 1:⁠11, 12.

Rakiduamülmi tami kimneel Chaw Dio Biblia mu, doy weniyeabüymi. Rakiduamnge Kidu tañi bemken, ngülam ka eypikünol. Rakiduamal ka ngillatual kelluaeymu tami doy küme kimal Chaw Dio tañi doy piwkeyen ka kimün. Papiltunge Josué 1:⁠8, ka Salmo 1:⁠1-3.

Mupitulmi Chaw Dio mu ka manelbilmi, doy weniyeabüymi. Mupitun kiñe rayen reke beli, duamni ko ka iyal tañi tremal. Eymi eluabimi ko ka iyal reke tami mupitun, bemngechi tremkülepoy. Tami bemal tüba, rakiduamaymi beychi kimelün mu chew tuwüngi tami mupitukeelchi dungu. Papiltunge Matew 4:⁠4, ka Ebrew 11:⁠1, 6.

Jewba duamni tañi pu piwkeyekeetu. Kuñiwtukuabüy kakewmechi wedake dungu mu, tañi ñangümnol tañi mupitun ka tañi maneluwün niel abnochi mongen (umel mongen) (Salmo 91:⁠1, 2, 7-10). Kellukebi tañi konnoal wedake bemken mu, tañi kutrannoal ka tañi ayüwküleal, ka kimelkebi chumngechi doy küme mongeleal. Papiltunge Salmo 73:⁠27, 28, ka Santiaw 4:⁠4, 8.