Pu dunguquelu iñingen Jehová cüme quelluquebi (incaquebi) tati pu che ñi doi quimal chem pi Biblia. Tübachi quimelün quelluabeimu:

•   Ayüucüleaimi

•   Hueniyeabimi Cha Chau

•   Quimaimi chem cümeque dungu eipi Biblia cüpalechi antü mu

Lloudunguaiñ tübachi ramtun:

•  ¿Chumngechi quimelquiiñ Biblia?

•  ¿Cullingequi?

•  ¿Chumten alüñmahui?

•  ¿Chumabün?

•  ¿Pengelngeabün?

•  Ayüabün tañi doi quimal Biblia, ¿bautizangeabün?

•  ¿Papiltuabün tañi Biblia?

•  ¿Müleabün quiñe hütran mu?

•  Cuibi mu papiltuquen Biblia pu Dunguquelu mu, ¿ca huiño papiltuabün?

•  Ayüquelan pu Dunguquelu acuingün tañi ruca mu, ¿chumngechi ngüneduamqueabün chem pi Biblia?

 Quiñe dunguquelu iñingen Jehová ñochi quimeltuaimu chem pi Biblia. Ti papil Abquenochi ayühun nieaimi quelluabeimu tami doi adümal Biblia ca chumngechi cümelcaayu. ¿Ayüabüimi tami doi quimal? Quintulbe tati video.

 Belelai. Pu dunguquelu iñingen Jehová inabiiñ chem pibi Jesús tañi pu inanequetu: “Llohulu eimün, cullilaimün. Beimu, ulalu eimün, cullingelaaimün” (Mateo 10:8). Llohuaimi quiñe Biblia cam quiñe papil Abquenochi ayühun nieaimi. Cullilaaimi.

 Ti libru Abquenochi ayühun nieaimi nii 60 dungu. Quimeltuabüimi rangiñ dungu, quiñe dungu cam epu dungu bill semana mu.

1.  1. Internet mu huirintucunge tati formulario “Tami pemengeal”. Tami huirintucun mu adngeai quiñe Dunguquelu tami pemeabel müten.

2.  2. Quiñe dunguquelu iñingen Jehová ngütrümabeimu. Quidu pengelneaimu chumngechi quimelquiiñ Biblia ca, nielmi quiñeque ramtun, quidu lloudunguaimu.

3.  3. Piabüimi quiñe Dunguquelu cheu ca chumül papiltuabüimi Biblia. Pemengeabüimi cheu tami mülen, telefono, videollamada, carta cam correo electronico mu. Ngüneduamabüimi ti Biblia mari minuto, rangiñ hora, quiñe hora cam doingeabüi. Chumte tami ayünel.

 Mai. Beimu internet mu huirintucunge tati formulario “Tami pemengeal”. Quiñe dunguquelu ngütrümaimu. “Pengelen quiñe dungu müten” eipiabimi. Llohuaimi quiñe folleto Abquenochi ayühun nieaimi pingelu. Tübachi folleto mu müli cüla dungu müten.

 Belelai. Pu dunguquelu iñingen Jehová müna ayüucüliiñ ñi quimelelabel pu che chem pi Biblia. Altrontucungelaaimi tami dunguquelu iñingen Jehová ngepoal. Quimelquiiñ Biblia yamühun mu ca eimi müten mupituabüimi (beyentuabüimi) chem dungu tami ayünel (1 Pedro 3:15).

 Mai. Chem traducción niimi ume, papiltuabüimi. Pu dunguquelu iñingen Jehová papiltuiñ tati Traducción del Nuevo Mundo pingelu, tübachi traducción müna adümbali ca cüme ulpadungungi taiñ quehun mu. Huelu quimniiñ bentren che ayüquingün ñi papiltobel quidu ñi Biblia müten.

 Mai. Mangelabimi com tami pu che, tami pu hueni ca iñi ume ayüabüimi.

 Mai. Tati hue libru doi cüme quelluquebi pu che bachantü. Nii bentren video, adentun, audio ca ülcatun. Beimu doi ayühulabeimu.

 Mai, bentren che ayüqui ñi quimelngeal. Huelu ayünolmi quiñe Dunguquelu tami pemeatu, amunge “Billque dungu tami doi quimal Biblia mu” pingelu internet mu. Müli cümeque ngülam tami quimabel. Pebinge:

•   Billque video Biblia mu. Püchüque video mu quimaimi Biblia ñi unenque quimelün mu.

•   Lloudungun tripalu Biblia mu. Quimnge Biblia tañi lloudungun billque ramtun Chau Dio mu, Jesús, taiñ pu che, cutrancahun ca caque dungu mu.

•   Textos bíblicos explicados. Tami doi cüme quimal quiñeque huirin tripalu Biblia mu.