¿Chumngechi ad niefui ta Jesús?
Biblia ñi quimeltuqueel
Inei no rume quimlai chem ad ñi niefel Jesús. Biblia ta feipiquelai chem ad ñi niequefel, feimu falin-ngelai ñi quimal. Feingelu rume, Biblia mu peafuiñ quiñeque dungu taiñ raquiduamelaeteu chem ad ñi niefel Jesús.
¿Chumngechi ad niefui Jesús? Tañi ñuque judia tuhun-ngefui, feimu Jesús judio ad niepelafui (Hebreos 7:14). Jesús afmatufal-lafui tañi ad. ¿chumngelu feipiafuiñ? Biblia feipi quiñe rupa Jesús ellcalen amui ta Jerusalén, fei chem che no rume quimlaeyu. Afmatufal ad niefule ta Jesús, ellcalen miyaulayafui (Juan 7:10, 11). Ca femngechi rume calelafui tañi ad tañi pu discipulo mu. ¿Chumngelu feipiafuiñ? Biblia feipi Judas ñi truyufiel ta Jesús, femngechi ñi queñangenoal tañi pu discipulo mu fei ñi presungeal ta Jesús (Mateo 26:47-49).
¿Cupilquepefui mai tañi cal lonco? Jesús cupilquefui tañi cal lonco. ¿Chumngelu feipiafuiñ? Biblia feipi ‘yehuen-ngequei ta huentru ñi tremümal tañi cal lonco’ (1 Corintios 11:14).
¿Niepefui mai payun? Jesús niefui ta payun. Tati ley judio feipiquefui pu huentru ñi catrünoal tañi payun. Fei Jesús ca femngechi inaquefui ti ley (Levítico 19:27; Gálatas 4:4). Ca quiñe profecia feipi Jesús niei ta payun (Isaías 50:6).
¿Chumngechi niefui ñi cuerpo? Jesús niefui fentren nehuen. ¿Chumngelu am? Biblia feipi fentrenque mapu trecayauquefui ñi amuldungual (Mateo 9:35). Epu rupa quechanentufi pu negociaquelu ti ngillatuhue ruca meu. Huaichüfrulpanentuñmafi tañi mesa ca quechanentufi tañi pu culliñ quiñe refenque meu (Lucas 19:45, 46; Juan 2:14, 15). Quiñe falin-ngechi lifru feipi ti meli Evangelio raquiduamelquei Jesús ñi nieel quiñe tremolechi cuerpo (Cyclopedia ñi entuel M’Clintock ca Strong, volumen IV, página 884).
¿Chem pengelquefui Jesús tañi ange? Jesús piuqueyechequefui ca cutranpiuqueyechequefui, fei tañi ange mu pengelquefui tañi femngechi chengen (Mateo 11:28, 29). Itrofill che quintuquefui ta Jesús ñi yafültucuaeteu ca quelluaeteu (Lucas 5:12, 13; 7:37, 38). Pu pichiqueche cütu ayüquefui ñi müleal Jesús engu (Mateo 19:13-15; Marcos 9:35-37).
Quiñeque che raquiduamquei coilaque dungu Jesús ñi chumngechi adngen
Quiñeque che raquiduamquei: Jesús ñi curü cupanchengen. Feipiqueingün: “Biblia mu ti lifru Apocalipsis trürümquefi tañi cal lonco cal ufisa reque ca tañi namun trürümngei ta ‘cobre reque fundingelu ta quiñe horno meu’” (Apocalipsis 1:14, 15)
Ti rüf dungu: Ti lifru Apocalipsis mu, mülei fillque adentun ñi pengelelngeel ta Juan (Apocalipsis 1:1, TNM) Feimu ti lifru Apocalipsis feipilai ñi chumngechi adngen ta Jesús mülepalu Mapu mu. Doi mai Apocalipsis pengelquei ñi chumngechi chengen ta Jesús tañi huiñomongetun mu. Apocalipsis capitulo 1, versiculo 14 feipi: “Tañi lonco lingari cal ufisa reque, ca pire reque felei”. Tüfa mu trürümngei tañi chumngechi colorngen müten, rüfngelai ta cal ufisa ca tati pire. Jesús fentren tripantu mongelei, feimu niei fentren quimün. Fei tañi lingarcülen tañi cal lonco adentulei fente ñi quim huentrungen ta Jesús (Apocalipsis 3:14).
Ca femngechi Juan pengelngei Jesús ‘ñi namun huilüfi fente cüme liftulechi cobre reque fundingelu ta quiñe horno meu’ (Apocalipsis 1:15). Cafei “ñi ange antü reque felei, huilüfüyüm itrocom ñi nehuen meu” (Apocalipsis 1:16). Quimfali Jesús ñi femngechi ad nienon, doi mai Juan pengelelngei chumngechi ñi adentulen caquelu dungu. Tüfachi fillque versiculo pengelquei ta Jesús deu huiñomongetulu. ¿Chumngelu feipiafuiñ? Biblia feipi Jesús ‘mülei quiñe fütra pelon meu inei no rume tañi pepi fülcon-noal’ (1 Timoteo 6:16).
Quiñeque che raquiduamquei: Jesús nehuen-ngelafui ca yafüngelafui.
Ti rüf dungu: Jesús rume nehuen-ngefui ca llicaquelafui. Por ejemplo quiñe rupa fentren che quintufi ta Jesús ñi presuafiel, fei Jesús llicanon mu ramtueyu: “¿Inei anta quintupefimün?”. Fei feipingelu ñi quintuyahulngen, nehuen piuque mu Jesús feipi: “Iñche tati” (Juan 18:4-8). Cafei Jesús cüdauquefui carpinteria mu, feimu nehuen cuerpo niepelafui (Marcos 6:3).
Huelu ramtuhuafuiñ: “Jesús, ¿chumngelu duamniefui quellu ñi yeal ti orcon mamüll? Ca, ¿chumngelu hune lai ti epu hueñefe mu?” (Lucas 23:26; Juan 19:31-33). Petu ñi langümngenon ta Jesús, com pun umautulai. Rume raquiduamcülefui ca hueñancülefui, feimu rume cansalefui (Lucas 22:42-44). Pun mu, pu judio huesalcamequefingün ta Jesús ca pulihuentu ca femngechi pu romano huesalcafingün (Mateo 26:67, 68; Juan 19:1-3). Feimu peno hune lai Jesús.
Quiñeque che raquiduamquei: Jesús hueñancülequefui.
Ti rüf dungu: Jesús rume cüme inayentufi tañi huenu Chau Jehová. Biblia feipi Chau Dios ñi ‘ayühun-ngechi Ngünechen-ngen’ (1 Timoteo 1:11, TNM; Juan 14:9). Cafei Jesús quimeltufi pu che ñi ayüucüleal (Mateo 5:3-9; Lucas 11:28, TNM). Com tüfa raquiduamelqueiñmu Jesús ñi ayühun-ngechi chengen. Femngechi pengelquefui tañi ange mu peno.
Eimi ca ayüafuimi
FALINQUE QUIMELTUN BIBLIA MU TRIPALU
¿Rüf dungu feipiquei ti Biblia?
Ti Biblia Ngünechen meu mai cüpale mülefui ñi pengelal tañi doicülen caquelu lifru mu.
IÑCHIÑ TAIÑ DUNGU
Huirintucunge tami pemengeal
Ngüneduamnge quiñe ramtun Biblia mu, cam doi quimafuimi pu Dunguquelu Ineingen Jehová.