Pu mapuche yehuequeiñ ñi dungual tüfachi dungu mu, huelu mülei taiñ cüme quimal tüfa, femngechi femlayaiñ Chau Ngünechen ñi üdequeelchi dungu. Chau Dios deumai ta huentru ca domo, ca eluñmafi ti füta ca ti domo nieulu müten ñi cudumuhual (Génesis 1:27, 28; Levítico 18:22; Proverbios 5:18, 19). Feimu ñi cudumuhual epu che curengenolu cam chaf huentru ca chaf domo engu, tüfa ayüquelai ta Jehová (1 Corintios 6:18, Traducción del Nuevo Mundo [TNM]). Ca coneltulei idotuhual, culmayafiel ca malütuafiel ñi dollüm cam ñi cünüfül ca ñi cüdañ quiñe che.

 Cafei, Biblia feipi Chau Dios famentuquefi pu cudumuulu chaf domo cam chaf huentru engu, huelu ca famentuquei ñi üdengeal pu femlu tüfa, Biblia ngülamtuquelu am: “Com che ta yamnieafimün” (1 Pedro 2:17).

 Pu cüpa cudumuulu chaf huentru ca chaf domo engu, ¿femngei tañi choyüngen mu?

Biblia feipi pu che ñi choyüngen mu eluucülei ñi famentual Chau Dios ñi cümeque ngülam (Romanos 7:21-25). Huelu, feipiquelai pu che ñi yenieel tañi mollfüñ ñi cüpa cudumuhual chaf huentru cam chaf domo engu, ca feipiquelai rume chem dungu yeeyu ñi femal tüfa. Huelu mai, feipi Chau Ngünechen ñi raquiduamqueel tüfachi dungu mu, quisu condenaquefi pu cudumuulu chaf huentru ca chaf domo engu.

 Quiñe che cüpa cudumuule chaf huentru ca chaf domo engu, ¿hueniyepeafui mai ta Chau Ngünechen?

Biblia feipi: “Com tati troquiñ ñi nieel tamün cuerpu tüfachi Mapu meu com ngünenieafimün, tamün femnoal fillque pecan cudumuhun eluñmaquenolu Ngünechen ñi ley, [...] tamün rume illunienoal cudumuhun” (Colosenses 3:5, TNM). Taiñ cüme ngünehual ñi femnoal huesaque dungu, mülei taiñ ngüneafiel ti raquiduam ca loncontucual cümeque dungu ca com lifngechi dungu, tüfa quelluaiñmu ñi chaftuafiel huesaque illutun (Filipenses 4:8; Santiago 1:14, 15). Quiñeque mu, cüdaungeafui ñi femal tüfa, huelu pichiñma mu cüdaungehuelayafui. Ca Chau Ngünechen feipicünueiñmu taiñ quelluaeteu ‘nietual hue cüme raquiduam taiñ lonco meu, ca taiñ piuque meu’ (Efesios 4:22-24).

 Pu che cüpa cudumuulu chaf huentru ca chaf domo engu famentuqueingün ñi huesaque illutun, huelu ca fentren che mülei ñi ngünehual, femngechi tañi ayühulafiel ta Chau Dios. Quiñeque tüfa: pu huentru ca domo pepi curehuen-ngenolu, ca pu nielu tañi afcadi pepilnoel ñi cudumuhual. Com engün mülei ñi ngünehual tañi femnoal huesaque dungu, huelu ayüucüleingün. Ca femngechi, pu che cüpa cudumuulu chaf huentru ca chaf domo engu tañi ayühulafiel ta Chau Dios, cüme ngünenieuqueingün ca ayüucüleingün (Deuteronomio 30:19).