Números 7:1-89
-
Chem hulngei chalintuculelngelu ta Chau Dios ti ngillatuhue tolto ruca (carpa ruca) (1-89)
7 Feichi antü Moisés ñi anücünufiel ti ngillatuhue tolto ruca,* pütefmafi* aceite mu ca püntücünulelfi* ta Chau Dios, cafei com tañi chemcün.* Ca femngechi femfi tati altar ca tañi itrofillem. Moisés femlu com tüfa,
2 pu loncolelu Israel meu hulingün quiñe chalintucun.* Tüfa engün loncolei quisuque tañi troquiñche meu ca adcünurqueingün ti cüdau raquingelu pu che.
3 Chau Jehová ñi adquiñ meu yefingün tañi chalintucun: cayu carreta* ca mari epu toro. Epu loncolelu quiñehuingu ñi yeafiel quiñe carreta, ca femngechi femingün caquelu loncolelu. Huelu caque quiñeque loncolelu yefingün quiñe toro. Itrotripa ti trahunhue tolto ruca mu yefingün.
4 Chau Jehová feipifi ta Moisés:
5 “Lloufinge com tüfa. Pünengeai ñi cüdahual ti trahunhue tolto ruca mu. Caque quiñeque Leví che eluafimi chem ñi duamnieel tañi cüdahual”.
6 Fei Moisés lloufi ti pu carreta ca ti pu toro, fei hudamelfi pu Leví che.
7 Guersón tañi pu fotüm, Moisés elufi epu carreta ca meli toro, femngechi ñi entuafiel tañi cüdau engün.
8 Merarí tañi pu fotüm, Moisés elufi meli carreta ca pura toro, femngechi ñi entuafiel tañi cüdau engün. Itamar, tati sacerdote Aarón ñi fotüm, adniequeyu engün.
9 Ti cüdau ñi nieel Cohat tañi pu fotüm nüucülei ti yamfal mülehue meu.* Meñcu yeniefingün ti yamfalngechi chemcün. Feimu Moisés chem no rume elulaeyu engün.
10 Pu loncolelu doi cüpalingün chalintucun feichi antü ñi püntücünulelngeel* ti altar ta Chau Dios ca ñi pütefmangeel aceite mu. Tati pu loncolelu yefilu tañi chalintucun itrotripa ti altar meu,
11 Chau Jehová feipifi ta Moisés: “Ti altar püntücünulelngele* ta Chau Dios, fill antü quiñe loncolelu hulai tañi chalintucun”.
12 Ti hunen antü Nahsón huli tañi chalintucun, tüfa ta Aminadab ñi fotüm, Judá tañi troquiñche mu.
13 Tüfa tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
14 Ca yefi quiñe oro copa* 114 gramo* fanelu, apolei incienso mu.*
15 Cafei ñi hulal ti lüpümngeelchi chalintucun yefi quiñe hue toro, quiñe caniru* ca quiñe cordero quiñe tripantu nielu.
16 Ñi hulal ti chalintucun culpan dungu mu,* yefi quiñe pichi capüra.
17 Ca ñi hulal ti chalintucun quiñentrür ingequelu yefi epu toro, quechu caniru, quechu chifu* ca quechu cordero quiñe tripantu nielu. Com tüfa chalintucui Nahsón, Aminadab ñi fotüm.
18 Ti epu antü Netanel huli tañi chalintucun, tüfa ta Zuar ñi fotüm, loncolelu Isacar ñi troquiñche mu.
19 Tüfa tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
20 Ca yefi quiñe oro copa 114 gramo* fanelu, apolei incienso mu.
21 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
22 Ñi hulal ti chalintucun culpan dungu mu,* yefi quiñe pichi capüra.
23 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Netanel, Zuar ñi fotüm.
24 Ti cüla antü Eliab, Helón tañi fotüm, loncolelu Zabulón tañi troquiñche mu,
25 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
26 Ca yefi quiñe oro copa 114 gramo* fanelu, apolei incienso mu.
27 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
28 Ñi hulal ti chalintucun culpan dungu mu,* yefi quiñe pichi capüra.
29 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Eliab, Helón tañi fotüm.
30 Ti meli antü Elizur, Sedeur tañi fotüm, loncolelu Rubén tañi troquiñche mu,
31 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
32 Ca yefi quiñe oro copa 114 gramo* fanelu, apolei incienso mu.
33 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
34 Ñi hulal ti chalintucun culpan dungu mu,* yefi quiñe pichi capüra.
35 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Elizur, Sedeur tañi fotüm.
36 Ti quechu antü Selumiel, Zurisadái tañi fotüm, loncolelu Simeón tañi troquiñche mu,
37 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
38 Ca yefi quiñe oro copa 114 gramo* fanelu, apolei incienso mu.
39 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
40 Ñi hulal ti chalintucun culpan dungu mu,* yefi quiñe pichi capüra.
41 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Selumiel, Zurisadái tañi fotüm.
42 Ti cayu antü Eliasaf, Deuel tañi fotüm, loncolelu Gad tañi troquiñche mu,
43 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
44 Ca yefi quiñe oro copa 114 gramo* fanelu, apolei incienso mu.
45 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
46 Ñi hulal ti chalintucun culpan dungu mu,* yefi quiñe pichi capüra.
47 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Eliasaf, Deuel tañi fotüm.
48 Ti regle antü Elisamá, Amihud tañi fotüm, loncolelu Efraín tañi troquiñche mu,
49 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
50 Ca yefi quiñe oro copa 114 gramo* fanelu, apolei incienso mu.
51 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
52 Ñi hulal ti chalintucun culpan dungu mu,* yefi quiñe pichi capüra.
53 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Elisamá, Amihud tañi fotüm.
54 Ti pura antü Gamaliel, Pedahzur tañi fotüm, loncolelu Manasés tañi troquiñche mu,
55 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
56 Ca yefi quiñe oro copa 114 gramo* fanelu, apolei incienso mu.
57 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
58 Ñi hulal ti chalintucun culpan dungu mu,* yefi quiñe pichi capüra.
59 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Gamaliel, Pedahzur tañi fotüm.
60 Ti ailla antü Abidán, Guideoní tañi fotüm, loncolelu Benjamín tañi troquiñche mu,
61 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
62 Ca yefi quiñe oro copa 114 gramo* fanelu, apolei incienso mu.
63 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
64 Ñi hulal ti chalintucun culpan dungu mu,* yefi quiñe pichi capüra.
65 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Abidán, Guideoní tañi fotüm.
66 Ti mari antü Ahiézer, Amisadái tañi fotüm, loncolelu Dan tañi troquiñche mu,
67 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
68 Ca yefi quiñe oro copa 114 gramo* fanelu, apolei incienso mu.
69 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
70 Ñi hulal ti chalintucun culpan dungu mu,* yefi quiñe pichi capüra.
71 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Ahiézer, Amisadái tañi fotüm.
72 Ti mari quiñe antü Paguiel, Ocrán tañi fotüm, loncolelu Aser tañi troquiñche mu,
73 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
74 Ca yefi quiñe oro copa 114 gramo* fanelu, apolei incienso mu.
75 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
76 Ñi hulal ti chalintucun culpan dungu mu,* yefi quiñe pichi capüra.
77 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Paguiel, Ocrán tañi fotüm.
78 Ti mari epu antü Ahirá, Enán tañi fotüm, loncolelu Neftalí tañi troquiñche mu,
79 huli tañi chalintucun: ñi hulal ti fün chalintucun yefi quiñe plata rali fanelu quiñe kilo ca rangiñ,* ca quiñe plata posillu 800 gramo* fanelu, tüfa fanefanetungei chumngechi ñi fanefanetungequen ti yamfal mülehue mu. Mür apolei cüme rüngo mu reyülelu* aceite engu.
80 Ca yefi quiñe oro copa 114 gramo* fanelu, apolei incienso mu.
81 Cafei ñi hulal ti lüpümngeelchi chalintucun yefi quiñe hue toro, quiñe caniru ca quiñe cordero quiñe tripantu nielu.
82 Ñi hulal ti chalintucun culpan dungu mu,* yefi quiñe pichi capüra.
83 Ca ñi hulal ti chalintucun quiñentrür ingequelu yefi epu toro, quechu caniru, quechu chifu ca quechu cordero quiñe tripantu nielu. Com tüfa chalintucui Ahirá, Enán tañi fotüm.
84 Püntücünulelngelu* ti altar ta Chau Dios ca pütefmangelu aceite mu, pu loncolelu Israel mu com tüfa chalintucuingün: mari epu plata rali, mari epu plata posillu ca mari epu oro copa.
85 Caque quiñeque plata rali fanei quiñe kilo ca rangiñ* ca caque quiñeque posillu 800 gramo* fanei. Feimu com ti plata chemcün 27 kilo* fanei. Com tüfa fanefanetungei chumngechi ñi fanefanetungequeel ti yamfal mülehue mu.
86 Feiti 12 oro copa apolelu incienso mu, caque quiñeque 114 gramo* fanei, fei com ti oro chemcün fanei quiñe kilo 400 gramo.* Com tüfa fanefanetungei chumngechi ñi fanefanetungequeel ti yamfal mülehue mu.
87 Ñi hulngeal ti lüpümngeelchi chalintucun hulngei mari epu toro, mari epu caniru, mari epu cordero quiñe tripantu nielu ca caque quiñeque tañi chalintucungeelchi fün. Cafei ñi hulngeal ti chalintucun culpan dungu mu* hulngei mari epu pichique capüra.
88 Ca ñi hulngeal ti chalintucun quiñentrür ingequelu, hulngei 24 toro, 60 caniru, 60 chifu ca 60 cordero quiñe tripantu nielu. Fei deu pütefmangelu ti altar aceite mu, com tüfa chalintucungei ñi püntücünulelngeal* ta Chau Dios.
89 Moisés conquefulu tati trahunhue tolto ruca mu ñi dungual Chau Dios engu, allcüquei quiñe dungun rangiñ tati epu querubin mu* huente ti tapa ñi mülen ti falin caja mu nielu Chau Dios ñi ley. Femngechi Chau Dios dunguqueyu.
Quimnieal
^ Ca lof mu: “Ngillatuhue carpa ruca”.
^ Ca lof mu: “Fillem”.
^ Ca lof mu: “Huidpüñmafi”.
^ Ca lof mu: “Hudacünulelfi”.
^ Ca lof mu: “Füchotun, mañumtun”.
^ Hebreo quehun feipilei: “Carreta taculelu”.
^ Ca lof mu: “Respetafal mülehue meu”.
^ Ca lof mu: “Hudacünulelngeel”.
^ Ca lof mu: “Hudacünulelngele”.
^ Hebreo quehun feipilei: “130 siclo”. Quiñe siclo feita 11,4 gramo. Ngüneduamnge apendice B14.
^ Hebreo quehun feipilei: “70 siclo”.
^ Ca lof mu: “Deyülelu”.
^ Ca lof mu: “Milla copa”.
^ Hebreo quehun feipilei: “10 siclo”.
^ Ca lof mu: “Carnero”.
^ Ca lof mu: “Yafcan dungu mu”.
^ Ca lof mu: “Chivo”.
^ Ca lof mu: “Deyülelu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Ca lof mu: “Deyülelu”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Hebreo quehun feipilei: “70 siclo”.
^ Ca lof mu: “Deyülelu”.
^ Hebreo quehun feipilei: “130 siclo”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Ca lof mu: “Deyülelu”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Ca lof mu: “Deyülelu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Ca lof mu: “Deyülelu”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Ca lof mu: “Deyülelu”.
^ Hebreo quehun feipilei: “70 siclo”.
^ Hebreo quehun feipilei: “130 siclo”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Ca lof mu: “Deyülelu”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Ca lof mu: “Deyülelu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Ca lof mu: “Deyülelu”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Ca lof mu: “Deyülelu”.
^ Hebreo quehun feipilei: “70 siclo”.
^ Hebreo quehun feipilei: “130 siclo”.
^ Hebreo quehun feipilei: “10 siclo”.
^ Ca lof mu: “Yafcan dungu mu”.
^ Ca lof mu: “Hudacünulelngelu”.
^ Hebreo quehun feipilei: “130 siclo”.
^ Hebreo quehun feipilei: “70 siclo”.
^ Hebreo quehun feipilei: “2.400 siclo”.
^ Hebreo quehun feipilei: “10 siclo”.
^ Hebreo quehun feipilei: “120 siclo”.
^ Ca lof mu: “Yafcan dungu mu”.
^ Ca lof mu: “Hudacünulelngeal”.
